'KGF-2' ಅಧೀರ ಪಾತ್ರಕ್ಕೆ ಅವಕಾಶ ಸಿಕ್ಕಾಗ ಸಂಜಯ್ ದತ್ ಮೊದಲ ಪ್ರತಿಕ್ರಿಯೆ ಹೀಗಿತ್ತು

ಭಯಾನಕ ಅಧೀರ ಪಾತ್ರದಲ್ಲಿ ಸಂಜಯ್ ದತ್

ರಾಕಿ ಭಾಯ್ ಮತ್ತು ಅಧೀರನ ನಡುವಿನ ಕಾಳಗ ನೋಡಲು ಭಾರತೀಯ ಸಿನಿಮಾ ಅಭಿಮಾನಿಗಳು ತುದಿಗಾಲಿನಲ್ಲಿ ನಿಂತಿದ್ದಾರೆ. ಚಿತ್ರದಲ್ಲಿ ಸಂಜಯ್ ದತ್ ಭಯಾನಕ ಅಧೀರ ಪಾತ್ರದಲ್ಲಿ ಮಿಂಚಿದ್ದಾರೆ. ಅತ್ಯಂತ ಕ್ರೂರಿ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಸಂಜಯ್ ದತ್, ಅಧೀರ ಪಾತ್ರಕ್ಕೆ ಅವಕಾಶ ಸಿಕ್ಕಾಗ ಮೊದಲ ಪ್ರತಿಕ್ರಿಯೆ ಹೇಗಿತ್ತು ಎನ್ನುವ ಬಗ್ಗೆ ಸಂಜಯ್ ದತ್ ಆಂಗ್ಲ ವೆಬ್ ಪೋರ್ಟಲ್ ಗೆ ನೀಡಿದ ಸಂದರ್ಶನದಲ್ಲಿ ಬಹಿರಂಗ ಪಡಿಸಿದ್ದಾರೆ.

ತಕ್ಷಣ 'ಎಸ್' ಎಂದು ಹೇಳಿದೆ

'ಬಹಳ ಸಮಯದ ಬಳಿಕ ನನಗೆ ಇಂತಹ ಪಾತ್ರವನ್ನು ನೀಡಲಾಯಿತು. ನಾನು ತುಂಬ ಉತ್ಸುಕನಾಗಿದ್ದೆ. ತುಂಬಾ ಪ್ರಬಲವಾದ ಪಾತ್ರ ಇದೀಗಾಗಿದೆ. ನನ್ನಿಂದ ತಕ್ಷಣ ಎಸ್ ಅಂತ ಹೇಳುವಂತೆ ಮಾಡಿತು' ಎಂದು ಹೇಳಿದ್ದಾರೆ.

ಕೆಜಿಎಫ್ ಸರ್ವಶ್ರೇಷ್ಠ ದಾಖಲೆ: 100 ಮಿಲಿಯನ್ ವೀಕ್ಷಣೆ ಕಂಡ ಚಾಪ್ಟರ್ 2 ಟೀಸರ್

ಶ್ರಮಕ್ಕೆ ಸಿಕ್ಕ ಫಲವಿದು

ಟೀಸರ್ ಗೆ ಸಿಕ್ಕ ಪ್ರತಿಕ್ರಿಯೆ ನೋಡಿ ಸಂಜಯ್ ದತ್ ಮೂಕವಿಸ್ಮಿತರಾಗಿದ್ದಾರೆ. 'ಇಡೀ ತಂಡ ತುಂಬಾ ಶ್ರಮಿಸಿದೆ. ಟೀಸರ್ ಗೆ ಸಿಕ್ಕ ಪ್ರತಿಕ್ರಿಯೆ ಫಲ ನೀಡಿದೆ ಎಂದು ಸಂಜಯ್ ದತ್ ಹೇಳಿದ್ದಾರೆ. ಇದಿನ್ನು ಟೀಸರ್, ಪಿಕ್ಟರ್ ಬಾಕಿ ಇದೆ. ನಾನು ಕೂಡ ತುಂಬಾ ಉತ್ಸುಕನಾಗಿದ್ದೇನೆ ಈ ಸಿನಿಮಾ ಬಗ್ಗೆ' ಎಂದು ಹೇಳಿದ್ದಾರೆ.

ರವೀನಾ ಟಂಡನ್ ಹೇಳಿದ್ದೇನು?

ಇನ್ನು ನಟಿ ರಮಿಕಾ ಸೇನ್ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಬಾಲಿವುಡ್ ನಟಿ ರವೀನಾ ಟಂಡನ್ ಮಾತನಾಡಿ, ನಾನು ಪಾತ್ರದ ಬಗ್ಗೆ ಹೆಚ್ಚು ಬಹಿರಂಗ ಪಡಿಸಲು ಸಾಧ್ಯವಿಲ್ಲ. ಏಕೆಂದರೆ ಇದು ಸಾಕಷ್ಟು ಆಸಕ್ತಿದಾಯಕವಾದ ಮತ್ತು ವಿಭಿನ್ನ ಪಾತ್ರವಾಗಿದೆ. ರಮಿಕಾ ಸೇನ್ ಶಕ್ತಿಶಾಲಿಯಾದ ಪಾತ್ರವಾಗಿದೆ. ನನ್ನ ಪಾತ್ರದ ಚಲನೆಯನ್ನು ಊಹಿಸಲು ಸಾಧ್ಯವಿಲ್ಲ' ಎಂದು ಹೇಳಿದ್ದಾರೆ.