KGF Collection: 200 ಕೋಟಿ ಕ್ಲಬ್ ಸೇರಿದ ಪ್ರಪ್ರಥಮ ಕನ್ನಡ ಚಿತ್ರ.!

ಪ್ರಪ್ರಥಮ ಕನ್ನಡ ಚಿತ್ರ

100, 200 ಕೋಟಿ ಕ್ಲಬ್ ಗಳೆಲ್ಲವೂ ಬಾಲಿವುಡ್ ನಲ್ಲಿ ಕಾಮನ್. ಆದ್ರೆ, ಸ್ಯಾಂಡಲ್ ವುಡ್ ನಲ್ಲಿ ಹಾಗಿಲ್ಲ. ಇಲ್ಲಿ ಹಾಕಿದ ಬಂಡವಾಳ ವಾಪಸ್ ಬಂದ್ರೆ, ಯಶಸ್ಸು ಸಿಕ್ಕ ಹಾಗೆ. ಹೀಗಿರುವಾಗ, 'ಕೆ.ಜಿ.ಎಫ್' ಚಿತ್ರ 200 ಕೋಟಿ ಕ್ಲಬ್ ಸೇರಿದೆ ಅಂದ್ರೆ ಸುಮ್ನೆನಾ.? ಕನ್ನಡ ಚಿತ್ರರಂಗದ ಇತಿಹಾಸದಲ್ಲೇ 200 ಕೋಟಿ ಬಾಚಿರುವ ಪ್ರಪ್ರಥಮ ಚಿತ್ರ 'ಕೆ.ಜಿ.ಎಫ್'.

18 ದಿನಗಳಲ್ಲಿ 200 ಕೋಟಿ

ಸ್ಯಾಂಡಲ್ ವುಡ್ ಪಾಲಿಗೆ 'ಕೆ.ಜಿ.ಎಫ್' ಅಕ್ಷರಶಃ ಚಿನ್ನದ ಗಣಿಯೇ.! ಬಿಡುಗಡೆ ಆದ 18 ದಿನಗಳಲ್ಲಿ 200 ಕೋಟಿ ಕಲೆಕ್ಷನ್ ಮಾಡುವ ಮೂಲಕ 'ಕೆ.ಜಿ.ಎಫ್' ಹೊಸ ದಾಖಲೆ ಬರೆದಿದೆ.

ಕರ್ನಾಟಕದಲ್ಲಿ ಕಲೆಕ್ಷನ್ ಎಷ್ಟು.?

ವರದಿಗಳ ಪ್ರಕಾರ, ಕರ್ನಾಟಕ ಒಂದರಲ್ಲೇ 'ಕೆ.ಜಿ.ಎಫ್' 120 ಕೋಟಿ ಕಲೆಕ್ಷನ್ ಮಾಡಿದೆ. ಇದು ಮತ್ತೊಂದು ರೆಕಾರ್ಡ್ ಅನ್ನೋದು ನಿಮ್ಮ ಗಮನದಲ್ಲಿ ಇರಲಿ. ಯಾಕಂದ್ರೆ, ಇಲ್ಲಿಯವರೆಗೂ ಕರ್ನಾಟಕದಲ್ಲಿ ಈ ಪಾಟಿ ಕಲೆಕ್ಷನ್ ಮಾಡಿರುವುದು 'ಕೆ.ಜಿ.ಎಫ್' ಮಾತ್ರ.

ಹಿಂದಿಯಲ್ಲಿ ಕಲೆಕ್ಷನ್ ಎಷ್ಟು.?

'ಝೀರೋ', 'ಸಿಂಬಾ' ದಂತಹ ಚಿತ್ರಗಳ ನಡುವೆ 'ಕೆ.ಜಿ.ಎಫ್' ಹಿಂದಿ ವರ್ಷನ್ 40 ಕೋಟಿ ಬಾಚಿಕೊಂಡಿದೆ. ಇನ್ನೂ ತೆಲುಗು ಮತ್ತು ತಮಿಳಿನಲ್ಲಿ 20 ಕೋಟಿ ಗಳಿಸಿರುವ 'ಕೆ.ಜಿ.ಎಫ್' ನಾಗಾಲೋಟ ಎಲ್ಲೆಡೆ ಮುಂದುವರೆದಿದೆ. 'ಕೆ.ಜಿ.ಎಫ್' ಕಲೆಕ್ಷನ್ ಹೀಗೇ ಮುಂದುವರೆದರೆ, ಮತ್ತೊಂದು ರೆಕಾರ್ಡ್ ಬ್ರೇಕ್ ಆಗುವುದರಲ್ಲಿ ಡೌಟ್ ಬೇಡ.