'ಕೆಜಿಎಫ್' ತಂಡದ ಪಾರ್ಟಿ : 'ದುನಿಯಾ' ಗೆದ್ದ ಯಶ್

ಗೆಲುವಿನ ಸಿಹಿ ಮುತ್ತು

'ಕೆಜಿಎಫ್' ಸಿನಿಮಾ ಸಕ್ಸಸ್ ಆದ ಖುಷಿಯಲ್ಲಿ ಇಡೀ ಚಿತ್ರತಂಡ ಒಟ್ಟಿಗೆ ಸೇರಿದೆ. ನಟ ಯಶ್, ನಿರ್ದೇಶಕ ಪ್ರಶಾಂತ್ ನೀಲ್ ಹಾಗೂ ನಿರ್ಮಾಪಕ ವಿಜಯ್ ಕಿರಂಗಂದೂರ್ ಸೇರಿದಂತೆ ಅನೇಕರು ಈ ಪಾರ್ಟಿಯಲ್ಲಿ ಭಾಗಿಯಾಗಿದ್ದರು. ಯಶ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಈ ಪಾರ್ಟಿ ಫೋಟೋವನ್ನ ಹಂಚಿಕೊಂಡರು.

ಇದು ನನ್ನ ದುನಿಯಾ

ಟ್ವಿಟ್ಟರ್ ಖಾತೆಯಲ್ಲಿ ಫೋಟೋ ಹಂಚಿಕೊಂಡಿರುವ ಯಶ್ ಸಿನಿಮಾದ ಡೈಲಾಗ್ ಅನ್ನು ಬರೆದುಕೊಂಡಿದ್ದಾರೆ. 'ಕ್ಯಾ ಚಾಯಿಯೇ ತುಂಕೋ...ದುನಿಯಾ'. 'ಇದು ನನ್ನ ದುನಿಯಾ' ಎಂದು ಯಶ್ ಹೇಳಿದ್ದಾರೆ. ಯಶ್ ಗೆ ಪ್ರಶಾಂತ್ ನೀಲ್ ಹಾಗೂ ವಿಜಯ್ ಕಿರಂಗಂದೂರ್ ಗೆಲುವಿನ ಮುತ್ತು ನೀಡಿದ್ದಾರೆ.

ಸಕ್ಸಸ್ ಪಾರ್ಟಿ

'ಕೆಜಿಎಫ್' ಸಿನಿಮಾದ ಇಡೀ ತಂಡ ಈ ಪಾರ್ಟಿಯಲ್ಲಿ ಭಾಗಿಯಾಗಿತ್ತು. ಸಿನಿಮಾಟೋಗ್ರಾಫರ್ ಭುವನ್ ಗೌಡ, ಖಳ ನಟ ಅಯ್ಯಪ್ಪ, ಯಶ್ ಸ್ನೇಹಿತ ಹಾಗೂ 'ಲಕ್ಕಿ' ಚಿತ್ರದ ನಿರ್ದೇಶಕ ಸೂರಿ ಪಾರ್ಟಿಯಲ್ಲಿ ಭಾಗಿಯಾಗಿದ್ದರು. ಕೆಲ ಕ್ಷಣ ಎಲ್ಲ ಒಟ್ಟಿಗೆ ಸೇರಿ ಯಶಸ್ಸನ್ನು ಆಚರಣೆ ಮಾಡಿದರು.

ಮೊದಲ ದಿನ 24 ಕೋಟಿ

'ಕೆಜಿಎಫ್' ಸಿನಿಮಾ ಮೊದಲ ದಿನ ಬರೋಬ್ಬರಿ 24 ಕೋಟಿ ಗಳಿಕೆ ಮಾಡಿದೆ. ಕನ್ನಡದಲ್ಲಿ 12.5 ಕೋಟಿ ಕಲೆಕ್ಷನ್ ಆಗಿದೆ ಎಂದು ಹೇಳಲಾಗುತ್ತಿದೆ. ಭಾರತದಾದ್ಯಂತ 2000 ಸಾವಿರ ಸ್ಕ್ರೀನ್ ಗಳಲ್ಲಿ ಚಿತ್ರ ರಿಲೀಸ್ ಆಗಿದ್ದು, ಎಲ್ಲ ಕಡೆ ಹೌಸ್ ಫುಲ್ ಪ್ರದರ್ಶನ ಕಂಡಿದೆ. ಸಿನಿಮಾ ದೊಡ್ಡ ದಾಖಲೆ ಮಾಡಲು ಮುನ್ನುಗುತ್ತಿದೆ.