ಹೈದರಾಬಾದ್‌ನಿಂದ ಪ್ರೀತಿ ಪಾತ್ರರ ಹುಟ್ಟುಹಬ್ಬಕ್ಕೆ ಕೇಕ್ ಕಳುಹಿಸಿದ ಸುದೀಪ್

ಪ್ರದೀಪ್ ಹುಟ್ಟುಹಬ್ಬ

ಜಾಲೀಡೇಸ್, ಚಿಂಗಾರಿ, ರಂಗನ್‌ಸ್ಟೈಲ್, ಟೈಗರ್ ಅಂತಹ ಚಿತ್ರಗಳಲ್ಲಿ ನಟಿಸಿರುವ ಯುವ ನಟ ಹಾಗೂ ಕಿಚ್ಚ ಸುದೀಪ್ ಅವರ ಆಪ್ತ ಪ್ರದೀಪ್ ಅವರು ಹುಟ್ಟುಹಬ್ಬಕ್ಕೆ ಹೈದರಾಬಾದ್‌ನಿಂದ ವಿಶೇಷವಾದ ಕೇಕ್ ಕಳುಹಿಸಿಕೊಂಡಿದ್ದಾರೆ. ಈ ವಿಚಾರವನ್ನು ಖುದ್ದು ಪ್ರದೀಪ್ ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

ನಿಮ್ಮ ಹುಡ್ಗ ಎನ್ನುವುದಕ್ಕೆ ಹೆಮ್ಮೆ ಇದೆ

ಫ್ಯಾಂಟಮ್ ಶೂಟಿಂಗ್‌ನಲ್ಲಿ ಬ್ಯುಸಿಯಿದ್ದರೂ ಬರ್ತಡೇಗೆ ಕೇಕ್ ಕಳುಹಿಸಿರುವ ಸುದೀಪ್ ಅವರಿಗೆ ಪ್ರದೀಪ್ ಥ್ಯಾಂಕ್ಸ್ ಹೇಳಿದ್ದಾರೆ. ''ಎಲ್ಲದಕ್ಕೂ ತುಂಬಾ ಧನ್ಯವಾದಗಳು ಅಣ್ಣಾ, ಯಾವಾಗಲೂ ಜೊತೆಯಾಗಿರುವುದಕ್ಕೆ ತುಂಬಾ ಧನ್ಯವಾದಗಳು ಮತ್ತು ನಿಮ್ಮ ದೊಡ್ಡ ಕುಟುಂಬದಲ್ಲಿ ನನಗೆ ಒಂದು ಸಣ್ಣ ಸ್ಥಾನವನ್ನು ನೀಡಿದ್ದಕ್ಕಾಗಿ ತುಂಬಾ ಧನ್ಯವಾದಗಳು. ಹೈದರಾಬಾದ್‌ನಿಂದ ನನಗೆ ಕೇಕ್ ಕಳುಹಿಸಿರುವುದು ಸಿಹಿ ನೆನಪು. ನಿಮ್ಮ ಹುಡ್ಗ ಎನ್ನುವುದಕ್ಕೆ ಹೆಮ್ಮೆ ಪಡುತ್ತೇನೆ'' ಎಂದು ಪ್ರದೀಪ್ ಟ್ವೀಟ್ ಮಾಡಿದ್ದಾರೆ.

'ಎಲ್ಲೋ ಬೋರ್ಡ್‌' ಚಿತ್ರಕ್ಕೆ ಶುಭಾಶಯ

ಪ್ರದೀಪ್ ನಟಿಸಿರುವ ಎಲ್ಲೋ ಬೋರ್ಡ್ ಸಿನಿಮಾ ಚಿತ್ರೀಕರಣ ಮುಗಿಸಿ ತೆರೆಗೆ ಬರಲು ಸಜ್ಜಾಗುತ್ತಿದೆ. ಈ ಚಿತ್ರದ ಪೋಸ್ಟರ್ ಹಂಚಿಕೊಂಡಿರುವ ಸುದೀಪ್, ಪ್ರದೀಪ್ ಅವರ ಸಾಮರ್ಥ್ಯ, ಶಕ್ತಿ, ಸಮಗ್ರತೆಯ ಬಗ್ಗೆ ಆತ್ಮವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಸಿಸಿಎಲ್ ಪ್ರಮುಖ ಆಟಗಾರ

ಸಿಸಿಎಲ್ ಕ್ರಿಕೆಟ್‌ ಟೂರ್ನಿಯಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡದ ಪರ ಪ್ರದೀಪ್ ಆಡುತ್ತಿದ್ದಾರೆ. ಕಿಚ್ಚನ ಬಳಗದಲ್ಲಿರುವ ಪ್ರಮುಖ ಆಟಗಾರ ಪ್ರದೀಪ್. ಸಿನಿಮಾಗಿಂತ ಕ್ರಿಕೆಟ್ ಮೂಲಕವೇ ಪ್ರದೀಪ್ ಹೆಚ್ಚು ಅಭಿಮಾನಿಗಳನ್ನು ಹೊಂದಿದ್ದಾರೆ.