ಮಿಸ್ಟರಿಯಾಗಿ ಉಳಿಯಿತೇ ಸೌಂದರ್ಯ ವಿಲ್ ಕಥೆ?

ಆಪ್ತಮಿತ್ರ ಸೌಂದರ್ಯ

2009ರಲ್ಲಿ ಆಸ್ತಿಗೆ ಸಂಬಂಧ ಪಟ್ಟ ವಿವಾದಗಳು ಆರಂಭವಾದವು. ನಿರ್ಮಲ, ತನ್ನ ಅತ್ತೆ ಮಂಜುಳಾ ಮತ್ತು ಸೌಂದರ್ಯ ಪತಿ ರಘು ವಿಲ್ ಪ್ರಕಾರ ನಡೆದುಕೊಳ್ಳುತ್ತಿಲ್ಲ ಮತ್ತು ವಿಲ್ ವೇಲೇವಾರಿ ವಿಚಾರದಲ್ಲಿ ಕೌಟುಂಬಿಕ ಕಲಹ ನಡೆಯುತ್ತಿದೆ ಎಂದು ಕೋರ್ಟ್ ನಲ್ಲಿ ದೂರು ದಾಖಲಿಸಿದ್ದರು. ನಿರ್ಮಲ ನೀಡಿದ ದೂರಿಗೆ ವಿರುದ್ದವಾಗಿ ಮಂಜುಳ ಮತ್ತು ರಘು, ಸೌಂದರ್ಯ ಹೆಸರಿನಲ್ಲಿ ನಿರ್ಮಲ ಬರೆದಿಟ್ಟ ಸುಳ್ಳಿನ ಕಂತೆಯೇ ಈ ವಿಲ್ ಎಂದು ತನ್ನ ವಕೀಲರ ಮೂಲಕ ಅರ್ಜಿ ಸಲ್ಲಿಸಿದ್ದರು.

ಸೌಂದರ್ಯ ವಿಲ್

ಇದಕ್ಕೆ ವಿರುದ್ದವಾಗಿ ನಿರ್ಮಲ ತನ್ನ ವಕೀಲ ಧನರಾಜ್ ಮೂಲಕ ಸೌಂದರ್ಯ ತಾಯಿ ಮತ್ತು ಪತ್ನಿಯ ಮೇಲೆ ಅಕ್ಟೋಬರ್ 2012ರಲ್ಲಿ ಮಾನನಷ್ಟ ಮೊಕದ್ದಮೆ ಹೂಡಿದ್ದರು. ಕೋರ್ಟ್ ಈ ವಿಚಾರಣೆಯನ್ನು ಕೈಗೆತ್ತಿ ಕೊಂಡಿತ್ತು. ಇದಾದ ನಂತರ ಫೆಬ್ರವರಿ 2013ರಲ್ಲಿ ಎರಡೂ ಕಡೆಯವರು ತಮ್ಮೊಳಗಾದ ತಿಳುವಳಿಕೆ ಅಥವಾ ಒಮ್ಮತದ ಒಡಂಬಡಿಕೆ ಪತ್ರವನ್ನು ನಾಲ್ಕನೇ ಮೆಟ್ರೋಪೊಲಿಟನ್ ಮ್ಯಾಜಿಸ್ಟ್ರೇಟರಿಗೆ ಸಲ್ಲಿಸಿದರು. ಈ ಪತ್ರದಲ್ಲಿ ಸೌಂದರ್ಯ ವಿಲ್ ನಲ್ಲಿ ನಮೂದಿಸಿದ್ದ ನಾಲ್ಕೂ ಜನರ ಸಹಿ ಇದ್ದವು.

ಕೋರ್ಟ್

ಕೋರ್ಟಿಗೆ ಸಲ್ಲಿಸಿದ ತಿಳುವಳಿಕೆ ಪತ್ರದ ಪ್ರಕಾರ ಬೆಂಗಳೂರು ಹನುಮಂತನಗರದಲ್ಲಿರುವ ಆಸ್ತಿ ಮತ್ತು 25 ಲಕ್ಷ ರೂಪಾಯಿ ನಗದು ಸಾತ್ವಿಕ್ ಹೆಸರಿನಲ್ಲಿ ಮತ್ತು ನಿರ್ಮಲಾಗೆ 1.25 ಕೋಟಿ ರೂಪಾಯಿ ನೀಡುವುದೆಂದಿತ್ತು. ಅಮರ್ ನಾಥ್ ಹೆಸರಿನಲ್ಲಿರುವ ನೀರಾವರಿ ಜಮೀನು ಮಂಜುಳ, ನಿರ್ಮಲ ಮತ್ತು ಸಾತ್ವಿಕ್ ಹೆಸರಿನಲ್ಲಿ. ನಿರ್ಮಲ ಜಂಟಿ ಒಡೆತನದಲ್ಲಿರುವ ಆಸ್ತಿ ಮಂಜುಳ ಹೆಸರಿಗೆ ಎನ್ನುವ ಹೊಂದಾಣಿಕೆಗೆ ಕುಟುಂಬ ಸದಸ್ಯರು ಬಂದ ಕೂಡ ಬಗ್ಗೆಯೂ ಬರೆಯಲಾಗಿತ್ತು. ಈ ಆಸ್ತಿ ಹೊಂದಾಣಿಕೆಗೆ ಎರಡೂ ಕಡೆಯವರೂ ಮುಂದಿನ ದಿನಗಳಲ್ಲಿ ಯಾವುದೇ ತಕರಾರು ಎತ್ತುವುದಿಲ್ಲ ಎನ್ನುವ ಒಮ್ಮತಕ್ಕೆ ಬಂದ ಬಗ್ಗೆ ಕೂಡಾ ಬರಲಾಗಿತ್ತು.

ದೂರು ಹಿಂದಕ್ಕೆ

ಇದಕ್ಕೆ ಪೂರಕ ಎನ್ನುವಂತೆ ಈಗ ಹತ್ತು ದಿನಗಳ ಕೆಳಗೆ ನಿರ್ಮಲ ತಾನು ಕೋರ್ಟಿಗೆ ಸಲ್ಲಿಸಿದ್ದ ದೂರನ್ನು ಬೇಷರತ್ತಾಗಿ ಹಿಂಪಡೆದಿದ್ದರು. ಆಸ್ತಿ ವಿಚಾರದಲ್ಲಿ ಕೌಟುಂಬಿಕ ಕಲಹದ ದೂರನ್ನು ನಿರ್ಮಲ ಹಿಂದಕ್ಕೆ ಪಡೆದಿದ್ದರು. ಆದರೆ ಮಂಜುಳ ಮತ್ತು ರಘು ವಿರುದ್ದ ನಿರ್ಮಲ ಹೂಡಿದ್ದ ಮಾನನಷ್ಟ ಮೊಕದ್ದಮೆಯನ್ನು ಮಾತ್ರ ಹಿಂದಕ್ಕೆ ಪಡೆದಿರಲಿಲ್ಲ.

ಮಿಸ್ಟರಿ

ಇಡೀ ಆಸ್ತಿ ಹಂಚಿಕೆ ವಿವಾದದಲ್ಲಿ ಮಿಸ್ಟರಿಯಾಗಿಯೇ ಉಳಿದಿರುವುದೇನಂದರೆ ಸೌಂದರ್ಯ ವಿಲ್ ನಲ್ಲಿ ಬರೆದ ಐದು ನಿವೇಶನಗಳ ಪೈಕಿ ಹನುಮಂತನಗರದ ಆಸ್ತಿಯೊಂದರ ಬಗ್ಗೆ ಒಡಂಬಡಿಕೆ ಪತ್ರದಲ್ಲಿ ಮಾತ್ರ ಹೇಳಲಾಗಿದೆ. ಉಳಿದ ಚಿರಾಸ್ಥಿ ಮತ್ತು ಇತರ ಆಸ್ತಿಯ ಬಗ್ಗೆ ಏನೂ ಹೇಳದಿರುವುದು. ಅಸಂಖ್ಯಾತ ಅಭಿಮಾನಿಗಳನ್ನು ಹೊಂದಿರುವ ಸೌಂದರ್ಯ ಆಸ್ತಿ ವಿಚಾರದಲ್ಲಿ ಆಕೆಯ ಕುಟುಂಬದ ಸದಸ್ಯರು ಒಮ್ಮತದ ನಿರ್ಧಾರಕ್ಕೆ ಬರಲಿ ಎನ್ನುವುದು ಎಲ್ಲರ ಆಶಯ.