ಇದೀಗ ಬಂದ ಸುದ್ದಿ: ಲೂಸ್ ಮಾದ ಯೋಗಿ ಮದುವೆ ದಿನಾಂಕ ಫಿಕ್ಸ್

ಯೋಗಿ ವೆಡ್ಸ್ ಸಾಹಿತ್ಯ

ಲೂಸ್ ಮಾದ ಯೋಗಿ ಮತ್ತು ಸಾಹಿತ್ಯ ಮದುವೆಗೆ ಡೇಟ್ ಫಿಕ್ಸ್ ಆಗಿದೆ. ಇಬ್ಬರ ಮನೆಯವರು ಸಹ ಮಾತುಕತೆ ನಡೆಸಿ ಒಂದು ಶುಭ ಗಳಿಗೆಯಲ್ಲಿ ಮದುವೆ ಮಾಡುವ ನಿರ್ಧಾರಕ್ಕೆ ಬಂದಿದ್ದಾರೆ.

ಜೂನ್ 11ಕ್ಕೆ ಎಂಗೇಜ್ ಮೆಂಟ್

ನಟ ಯೋಗಿ ಎಂಗೇಜ್ ಮೆಂಟ್ ಮುಂದಿನ ತಿಂಗಳು ಅಂದ್ರೆ ಜೂನ್ 11ಕ್ಕೆ ನಿಗದಿ ಮಾಡಲಾಗಿದೆ. ಬೆಂಗಳೂರಿನಲ್ಲೇ ಯೋಗಿ ಮತ್ತು ಸಾಹಿತ್ಯ ನಿಶ್ಚಿತಾರ್ಥ ನಡೆಯಲಿದೆ.

ಆಪ್ತರಿಗೆ ಮಾತ್ರ

ನಿಶ್ಚಿತಾರ್ಥ ಕಾರ್ಯಕ್ರಮಕ್ಕೆ ಈಗಾಗಲೇ ತಯಾರಿಗಳು ಶುರುವಾಗಿದೆಯಂತೆ. ಹತ್ತಿರದ ಸಂಬಂಧಿಗಳಿಗೆ ಮತ್ತು ಚಿತ್ರರಂಗದ ಆಪ್ತ ಗೆಳೆಯರಿಗೆ ಮಾತ್ರ ಆಮಂತ್ರಣ ನೀಡಲಾಗುವುದಂತೆ.

ನವೆಂಬರ್ 2ಕ್ಕೆ ಮದುವೆ

ಯೋಗಿ ಮತ್ತು ಸಾಹಿತ್ಯ ಮದುವೆಗೆ ಡೇಟ್ ಫಿಕ್ಸ್ ಮಾಡಲಾಗಿದೆ. ಇದೇ ನವೆಂಬರ್ 2ಕ್ಕೆ ಅದ್ಧೂರಿಯಾಗಿ ಇವರ ವಿವಾಹ ಮಹೋತ್ಸವ ನಡೆಸಲು ಗುರು ಹಿರಿಯರು ನಿಶ್ಚಯಿಸಿದ್ದಾರೆ.

ಮದುವೆಯ ಬಗ್ಗೆ

ನವೆಂಬರ್ 2ಕ್ಕೆ ಯೋಗಿ ಮತ್ತು ಸಾಹಿತ್ಯ ಮದುವೆ ನಡೆಯುವುದು ಪಕ್ಕಾ ಆಗಿದೆ. ಆದರೆ, ಮದುವೆಗೆ ಇನ್ನೂ ಆರು ತಿಂಗಳು ಬಾಕಿ ಇರುವುದರಿಂದ ಮದುವೆಯ ವಿಶೇಷತೆಗಳ ಬಗ್ಗೆ ಎರಡು ಕುಟುಂಬಗಳು ಸದ್ಯಕ್ಕೆ ಯಾವುದೇ ಪ್ಲಾನ್ ಮಾಡಿಲ್ಲವಂತೆ.

ಸಾಹಿತ್ಯ ಬಗ್ಗೆ

ಸಾಹಿತ್ಯ ಮೂಲತಃ ಐಟಿ ಉದ್ಯೋಗಿ. ಸಿನಿಮಾರಂಗಕ್ಕೂ ಅವರಿಗೂ ನಂಟು ಇಲ್ಲವೇ ಇಲ್ಲ. ಯೋಗಿಯ ಜೀವದ ಗೆಳತಿಯಾಗಿದ್ದ ಈಕೆ ಈಗ ಜೀವನದ ಸಂಗಾತಿ ಆಗಲಿದ್ದಾರೆ.

ಅಣ್ಣನ ಮದುವೆ ಆಗಿತ್ತು

ಇತ್ತೀಚಿಗಷ್ಟೆ ಯೋಗಿ ಸಹೋದರ ನಟ ಮಹೇಶ್ ಮದುವೆ ನಡೆದಿತ್ತು. ಅಣ್ಣನ ವಿವಾಹದ ನಂತರ ಈಗ ಯೋಗಿ ಕೂಡ ಬ್ಯಾಚುಲರ್ ಬದುಕಿಗೆ ವಿದಾಯ ಹೇಳಲಿದ್ದಾರೆ.