»   » ಕಂದಮ್ಮನ ನಿರೀಕ್ಷೆಯಲ್ಲಿ ತಾರೆ ಅಮಲಾ ಪೌಲ್?

ಕಂದಮ್ಮನ ನಿರೀಕ್ಷೆಯಲ್ಲಿ ತಾರೆ ಅಮಲಾ ಪೌಲ್?

By: ಉದಯರವಿ
Subscribe to Filmibeat Kannada

ಮಲ್ಲು ಬೆಡಗಿ ಅಮಲಾ ಪೌಲ್ ಮದುವೆಯಾಗಿ ನಾಲ್ಕು ತಿಂಗಳು ಕಳೆಯುತ್ತಿದೆ. ಇನ್ನೂ ವಿಶೇಷ ಏನೂ ಇಲ್ವಾ ಎಂದು ಕೇಳುವವರಿಗೆ ಒಂದು ಸ್ಪೆಷಲ್ ಸುದ್ದಿ ಇದೆ. ಅದೇನೆಂದರೆ ಅವರೀಗ ಗರ್ಭಿಣಿ ಎಂಬುದು. ಇದೇ ಭಾನುವಾರ (ಅ.26) ಅವರು ಇಪ್ಪತ್ತಮೂರಕ್ಕೆ ಅಡಿಯಿಟ್ಟರು.

ತಮ್ಮ ಹುಟ್ಟುಹಬ್ಬದ ಸಂದರ್ಭದಲ್ಲಿ ತಮ್ಮ ಪತಿ ಕಮ್ ನಿರ್ದೇಶಕ ಎ ಎಲ್ ವಿಜಯ್ ಅವರು ಕೊಟ್ಟ ಉಡುಗೊರೆಗೆ ಅಮಲಾ ಕಮಲದಂತೆ ಅರಳಿದ್ದಾರೆ. ಇದಕ್ಕೆ ಪ್ರತಿಯಾಗಿ ತಮ್ಮ ಪತಿಗೆ ಗುಟ್ಟೊಂದ ಹೇಳುವೆ ಹತ್ತಿರ ಹತ್ತಿರ ಬಾ ಎಂದು ಕಿವಿಯಲ್ಲಿ ತಾವು ಅಪ್ಪ ಆಗುತ್ತಿರುವ ಸುದ್ದಿ ತಿಳಿಸಿದ್ದಾರಂತೆ. [ಹಿಂದೂ ಸಂಪ್ರದಾಯದಂತೆ ಅಮಲಾ ಪೌಲ್ ಮದುವೆ]

Actress Amala Paul marriage photo

ಸದ್ಯಕ್ಕೆ ಈ ಜೋಡಿ ಮಕಾವುಮಲ್ಲಿ ಹಾಯಾಗಿ ಸುತ್ತಾಡುತ್ತಾ ಸಮಯ ಕಳೆಯುತ್ತಿದೆ. ಈ ಬಗ್ಗೆ ಟ್ವೀಟಿಸಿರುವ ಅಮಲಾ ಪೌಲ್, "ಮಕಾವುನಲ್ಲಿ ನನ್ನ ಪತಿ ಉಡುಗೊರೆಯ ಜೊತೆಗೆ ಪ್ರೀತಿ, ಒಲವನ್ನು ಪ್ರತಿದಿನ ಕೊಡುತ್ತಿದ್ದಾರೆ..."

ಇನ್ನೊಂದು ವಿಶೇಷ ಎಂದರೆ, "I don't know what to say but one thing for sure, am blessed a child!!! Thank u Lord (sic)" ಎಂದಿದ್ದಾರೆ. ಅವರು ಹೀಗೆಲ್ಲಾ ಹೇಳಿರುವುದು ಬಹುಶಃ ಗರ್ಭಿಣಿ ಇರಬಹುದೇ ಎಂಬ ಅನುಮಾನ ಮೂಡಿಸಿದೆ. ಸದ್ಯಕ್ಕೆ ಅಮಲಾ ಅವರು ಮಲಯಾಳಂನ 'ಲೈಲಾ ಓ ಲೈಲಾ' ಚಿತ್ರದಲ್ಲಿ ತೊಡಗಿಕೊಂಡಿದ್ದಾರೆ.

ತಮ್ಮ ನಿಶ್ಚಿತಾರ್ಥವನ್ನು ಕ್ರೈಸ್ತ ಸಂಪ್ರದಾಯದಂತೆ ಮಾಡಿಕೊಂಡಿದ್ದ ಅಮಲಾ ಮದುವೆ ಮಾತ್ರ ಪಕ್ಕಾ ಹಿಂದೂ ಸಂಪ್ರದಾಯದಂತೆ ಆಗಿದ್ದರು. ಈ ಬೆಡಗಿ ಕನ್ನಡಕ್ಕೂ ಅಡಿಯಿಡಲಿದ್ದಾರೆ ಎಂಬ ಸುದ್ದಿ ಇತ್ತು. ಅದೂ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ 'ಅಂಬರೀಶ' ಚಿತ್ರಕ್ಕೆ ಬರಲಿದ್ದಾರೆ ಎಂಬ ಸುದ್ದಿ ಕಡೆಗೂ ನಿಜವಾಗಲೇ ಇಲ್ಲ.

English summary
Rumour has it that Malayalam actress Amala Paul, who married A L Vijay in June this year, is pregnant. The actress tweeted, "I don't know what to say but one thing for sure, am blessed a child!!! Thank u Lord (sic),"
Please Wait while comments are loading...

ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada