"ಲೋ ರಾಮಾಚಾರಿ ಎಲ್ಲಿದ್ದೀಯೋ" ಟೀಸರ್ ಸೂಪರ್

ಹಿನ್ನೆಲೆಯಲ್ಲಿ ಸಿಂಹ ಗರ್ಜನೆ

ಲೋ ರಾಮಾಚಾರಿ ಎಲ್ಲಿದ್ದೀಯೋ ಎಂಬ ಡೈಲಾಗ್ ನೊಂದಿಗೆ ಆರಂಭವಾಗುವ ಟೀಸರ್ ನ ಹಿನ್ನೆಲೆಯಲ್ಲಿ ಸಿಂಹದ ಗರ್ಜನೆಯೂ ಕೇಳಿಸುತ್ತಿರುತ್ತದೆ. ಕೊನೆಗೆ "ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ ಬುಕ್ ಆಗೋದ ರೀ ರಾಮಚಾರಿ..." ಎಂಬ ಹಾಡಿನ ಸಾಲುಗಳೂ ಇವೆ.

ಯಶ್ ಗೆ ರಾಧಿಕಾ ಪಂಡಿತ್ ಜೋಡಿ

ರಾಧಿಕಾ ಪಂಡಿತ್ ಹಾಗೂ ಯಶ್ ಮತ್ತೆ ಜೋಡಿಯಾಗಿರೋ ಸಿನಿಮಾ ಇದು. ಎರಡೆರೆಡು ಯಶಸ್ವಿ ಸಿನಿಮಾ ಕೊಟ್ಟು ಸ್ಯಾಂಡಲ್ ವುಡ್ ನ ಯಶಸ್ವಿ ಜೋಡಿ ಅನ್ನಿಸಿಕೊಂಡಿರೋ ಯಶ್-ರಾಧಿಕಾ ಪಂಡಿತ್ ಜೋಡಿಯಾಗ್ತಿರೋ ಮುಂದಿನ ಸಿನಿಮಾ ಇದು. 'ರಾಮಾಚಾರಿ'ಯ ಚಿತ್ರೀಕರಣ ಶೇ.90ರಷ್ಟು ಮುಗಿದಿದೆ.

'ನಾಗರಹಾವು' ಛಾಯೆಯುಳ್ಳ ಪಾತ್ರ

ಈ ಚಿತ್ರದಲ್ಲಿ ವಿಷ್ಣು ಅಭಿನಯದ ದಾಖಲೆ ಚಿತ್ರ ನಾಗರಹಾವಿನ ಛಾಯೆಯೂ ಇದೆ.ರಾಕಿಂಗ್ ಸ್ಟಾರ್ ಯಶ್ ರನ್ನ ಮತ್ತೊಮ್ಮೆ ಹಳ್ಳಿ ಹೈದನ ಗೆಟಪ್ ನಲ್ಲಿ ನೋಡೋಕೆ ಕಾದಿರೋ ಚಿತ್ರಪ್ರೇಮಿಗಳಿಗೆ ಈ ಚಿತ್ರ ಹಬ್ಬ ನೀಡಲಿದೆ.

ದೀಪಾವಳಿಗೆ ಬರಲಿದೆ ರಾಮಾಚಾರಿ

ಯಶ್ ಮತ್ತೊಂದು ಧಮಾಕಾ 'ಮಿಸ್ಟರ್ ಅಂಡ್ ಮಿಸಸ್ ರಾಮಚಾರಿ' ದೀಪಾವಳಿಗೆ ತೆರೆಗೆ ಬರಲಿದೆ. ದೀಪಾವಳಿಗೆ ಸಾಧ್ಯವಾಗದಿದ್ರೆ ರಾಜಾಹುಲಿ ಚಿತ್ರ ಬಂದ ದಿನಕ್ಕೆ ಅಂದ್ರೆ ನವೆಂಬರ್ ಒಂದಕ್ಕೆ ರಂಗ್ ರಂಗ್ ರಾಮಚಾರಿ ತೆರೆಗೆ ಬರ್ತಾನೆ.

ಜಯಣ್ಣ ಮತ್ತು ಭೋಗೇಂದ್ರ ನಿರ್ಮಾಣದ ಚಿತ್ರ

ಜಯಣ್ಣ ಮತ್ತು ಭೋಗೇಂದ್ರ ನಿರ್ಮಿಸುತ್ತಿರುವ ಚಿತ್ರ ಇದಾಗಿದೆ. ಡ್ರಾಮಾ ಮತ್ತು ಮೊಗ್ಗಿನ ಮನಸು ಚಿತ್ರಗಳ ಬಳಿಕ ಯಶ್ ಮತ್ತು ರಾಧಿಕಾ ಪಂಡಿತ್ ಜೋಡಿ ಅಭಿನಯದ ಚಿತ್ರ ಇದಾಗಿದೆ. ಸಂತೋಷ್ ಅವರು ಆಕ್ಷನ್ ಕಟ್ ನಲ್ಲಿ ಚಿತ್ರ ಮೂಡಿಬರುತ್ತಿದೆ.