'ಕುರುಕ್ಷೇತ್ರ'ದ ಬಗ್ಗೆ 'ಅದೊಂದು' ಬಿಟ್ಟು ಎಲ್ಲ ಹೇಳಿದ್ರು ನಿರ್ಮಾಪಕ ಮುನಿರತ್ನ

ಹುಂ ಅಂದ್ರೆ 'ಕುರುಕ್ಷೇತ್ರ' ರೆಡಿ

ನಿರ್ಮಾಪಕ ಮುನಿರತ್ನ ಹೇಳುವ ಪ್ರಕಾರ 'ಕುರುಕ್ಷೇತ್ರ' ಸಿನಿಮಾ ರಿಲೀಸ್ ಗೆ ರೆಡಿಯಾಗಿದೆ. ಮನಸ್ಸು ಮಾಡಿದ್ರೆ, ನಟಸಾರ್ವಭೌಮ ಸಿನಿಮಾ ನಂತರ ತೆರೆಗೆ ತರಲು ಸಿದ್ಧರಿದ್ದಾರಂತೆ. ಆದ್ರೆ, ಅದು 2ಡಿ ಪ್ರಿಂಟ್. ಬಟ್, ಮುನಿರತ್ನ ಅವರಿಗೆ 3ಡಿ ಮಾಡ್ತೀನಿ ಅಂತ ಹೇಳಿರುವ ಕಾರಣ, ಅದರ ಕೆಲಸ ನಡೆಯುತ್ತಿದೆ. ಅದಕ್ಕೆ ವಿಳಂಬವಾಗ್ತಿದೆ ಎಂದು ಸ್ಪಷ್ಟನೆ ನೀಡಿದ್ದಾರೆ.

ನಾಲ್ಕು ಭಾಷೆಯ ಡಬ್ಬಿಂಗ್ ಆರಂಭವಾಗಿದೆ

'ಕುರುಕ್ಷೇತ್ರ' ಸಿನಿಮಾ ಕೇವಲ ಕನ್ನಡದಲ್ಲಿ ಮಾತ್ರ ರಿಲೀಸ್ ಆಗುತ್ತಿಲ್ಲ. ಐದಕ್ಕೂ ಹೆಚ್ಚು ಭಾಷೆಯಲ್ಲಿ ಸಿನಿಮಾ ಬರಲಿದೆ. ಈಗಾಗಲೇ ಕನ್ನಡ, ತೆಲುಗು, ತಮಿಳು ಮತ್ತು ಮಲಯಾಳಂ ದಕ್ಷಿಣ ಭಾರತದ ಭಾಷೆಯಗಳ ಡಬ್ಬಿಂಗ್ ನಡೆಯುತ್ತಿದೆ ಎಂದು ನಿರ್ಮಾಪಕರು ಖಚಿತಪಡಿಸಿದ್ದಾರೆ. ನಂತರ ಬೆಂಗಾಳಿ, ಮರಾಠಿ, ಹಿಂದಿ ಸೇರಿದಂತೆ ಉತ್ತರ ಭಾರತದ ಭಾಷೆಯಲ್ಲಿ ಸಿನಿಮಾ ಡಬ್ ಮಾಡಲಿದ್ದಾರಂತೆ.

ಮೊದಲ ಆಡಿಯೋ ರಿಲೀಸ್ ಮಾಡ್ತೀವಿ

ಕುರುಕ್ಷೇತ್ರ ಯಾವಾಗ ರಿಲೀಸ್ ಹೇಳಿ ಸರ್ ಎಂದು ಎಷ್ಟೇ ಕೇಳಿದ್ರು, ಮುನಿರತ್ನ ಅವರು ಮಾತ್ರ ರಿಲೀಸ್ ಬಗ್ಗೆ ಯಾವುದೇ ಸುಳಿವು ನೀಡಿಲ್ಲ. ''ಮೊದಲ ಆಡಿಯೋ ರಿಲೀಸ್ ಮಾಡೋಣ. ಅದಕ್ಕೊಂದು ದಿನಾಂಕ ನಿಗದಿ ಮಾಡಿದ್ದೀನಿ. 3ಡಿ ಕೆಲಸ ಮುಗಿಲಿ ಬೇಗ ತೆರೆಮೇಲೆ ನೋಡಬಹುದು'' ಅಂತ ಹೇಳಿ ಸುಮ್ಮನಾದರು.

ಸದ್ಯಕ್ಕೆ 'ಕುರುಕ್ಷೇತ್ರ' ದರ್ಶನ ಆಗಲ್ಲ

ಮುನಿರತ್ನ ಅವರ ಛಲ, ಹಠ ನೋಡಿದ್ರೆ ಸದ್ಯಕ್ಕೆ ಕುರುಕ್ಷೇತ್ರ ಸಿನಿಮಾ ನೋಡುವ ಅವಕಾಶ ಸಿಕ್ಕಲ್ಲ. ಅದಕ್ಕೆ ಇನ್ನು ಹೆಚ್ಚಿನ ಸಮಯ ಬೇಕಾಗುತ್ತೆ. ಎಲ್ಲ ಭಾಷೆಯಲ್ಲಿ ಡಬ್ಬಿಂಗ್, 3ಡಿ ಎಫೆಕ್ಟ್, ಇದಕ್ಕೆ ಮತ್ತಷ್ಟು ಸಮಯ ಅವಶ್ಯಕ. ಹಾಗಾಗಿ, ಕುರುಕ್ಷೇತ್ರದ ಮೇಲಿನ ನಿರೀಕ್ಷೆ ಇನ್ನು ಸ್ವಲ್ಪ ದಿನ ಹಾಗೆ ಇರಬೇಕಿದೆ.