ಚೆನ್ನಾಗಿ ಕುಡಿದು ಸಪ್ತಪದಿ ತುಳಿದಿದ್ದರಂತೆ ನೀತು ಕಪೂರ್!

ಆಗಿನ ಕಾಲಕ್ಕೆ ಭಾರಿ ದೊಡ್ಡ ಮದುವೆ

ನೀತು ಹಾಗೂ ರಿಷಿ ಕಪೂರ್‌ರ ಮದುವೆ ಆಗಿನ ಕಾಲಕ್ಕೆ ಬಾಲಿವುಡ್‌ನ ಅತ್ಯಂತ ದುಬಾರಿ ಹಾಗೂ ಅದ್ಧೂರಿ ಮದುವೆಯಾಗಿತ್ತು. ತಮ್ಮ ಮದುವೆ ದಿನವನ್ನು ನೆನಪು ಮಾಡಿಕೊಂಡಿರುವ ನೀತು ಕಪೂರ್, ನಮ್ಮ ಮದುವೆಯಲ್ಲಿ ಜನ ಸಾಗರವೇ ನೆರೆದಿತ್ತು. ಅದೆಷ್ಟು ಜನರಿದ್ದರಂತೆ ಅವರನ್ನು ನೋಡಿ ನಾನು ಪ್ರಜ್ಞೆ ತಪ್ಪಿ ಬಿದ್ದುಬಿಟ್ಟೆ. ಅವರೊಟ್ಟಿಗೆಲ್ಲ ಫೋಟೊಕ್ಕೆ ಫೋಸ್ ನೀಡುತ್ತಾ ನೀಡುತ್ತಾ ರಿಷಿ ಕಪೂರ್ ಸಹ ಸುಸ್ತಾಗಿ ಕುಸಿದು ಬಿಟ್ಟಿದ್ದರು ಎಂದಿದ್ದಾರೆ ನೀತು.

ಉಡುಗೊರೆ ಡಬ್ಬಗಳಲ್ಲಿ ಕಲ್ಲು-ಮಣ್ಣು, ಚಪ್ಪಲಿ

ನಮ್ಮ ಮದುವೆಗೆ ಆಹ್ವಾನವಿಲ್ಲದೆ ಬಂದ ವ್ಯಕ್ತಿಗಳ ಸಂಖ್ಯೆ ಹೆಚ್ಚಾಗಿತ್ತು. ಭಾರಿ ದೊಡ್ಡ ವಿವಾಹವಾದ್ದರಿಂದ ಸಾರ್ವಜನಿಕರೆಲ್ಲ ಮದುವೆಗೆ ಆಗಮಿಸಿದ್ದರು. ಒಳ್ಳೆಯ ಡ್ರೆಸ್ ಧರಿಸಿ ಗಿಫ್ಟ್ ಪ್ಯಾಕೆಟ್ ಹಿಡಿದುಕೊಂಡು ಸಿಕ್ಕ-ಸಿಕ್ಕವರೆಲ್ಲ ಮದುವೆಗೆ ಬಂದು ಬಿಟ್ಟಿದ್ದರು. ನಮ್ಮ ಮದುವೆಗೆ ನೀಡಲಾದ ಉಡುಗೊರೆ ಡಬ್ಬಗಳಲ್ಲಿ ಕಲ್ಲುಗಳು, ಮಣ್ಣು, ಹರಿದ ಚಪ್ಪಲಿಗಳು ಸಹ ಇದ್ದವು. ಎಲ್ಲರಿಗೂ ಆ ಮದುವೆಯಲ್ಲಿ ಪಾಲ್ಗೊಳ್ಳುವ ಆಸೆಯಾಗಿತ್ತು ಹಾಗಾಗಿ ಎಲ್ಲೆಂದಿಲೋ ಜನ ಬಂದಿದ್ದರು ಎಂದರು ನೀತು.

ಕುಡಿದು ಸಪ್ತಪದಿ ತುಳಿದಿದ್ದ ನೀತು-ರಿಷಿ

ಮದುವೆ ದಿನವಂತೂ ನಾನೂ ಹಾಗೂ ರಿಷಿ ಸುಸ್ತಾಗಿ ಹೋಗಿದ್ದೆವು. ನಮ್ಮನ್ನು ಸ್ಟೆಡಿಯಾಗಿಟ್ಟುಕೊಳ್ಳಲು ಬ್ರಾಂಡಿ ಕುಡಿದಿದ್ದೆವು. ರಿಷಿ ಕಪೂರ್ ಅಂತೂ ವಿಸ್ಕಿ, ಬ್ರ್ಯಾಂಡಿ ಎಲ್ಲ ಕುಡಿದಿದ್ದರೂ ನಾನೂ ಅಷ್ಟೆ ಒಂದರ ಹಿಂದೊಂದು ಗ್ಲಾಸು ಬ್ರ್ಯಾಂಡಿ ಹೀರಿದ್ದೆ. ಸಪ್ತಪದಿ ತುಳಿಯುವ ವೇಳೆಗೆ ನಾನು ಚೆನ್ನಾಗಿ ಕುಡಿದಿದ್ದೆ. ಆದರೂ ಹೇಗೋ ಮಾಡಿ ಸಪ್ತಪದಿ ಮುಗಿಸಿದೆವು ಎಂದಿದ್ದಾರೆ ನಟಿ ನೀತು ಕಪೂರ್.

2020 ರಲ್ಲಿ ರಿಷಿ ಕಪೂರ್ ನಿಧನ ಹೊಂದಿದರು

ನೀತು ಕಪೂರ್ ಹಾಗೂ ರಿಷಿ ಕಪೂರ್ 1980 ರಲ್ಲಿ ವಿವಾಹವಾದರು. ಸತತ 40 ವರ್ಷ ಅವರು ಒಟ್ಟಿಗೆ ಸಂಸಾರ ಮಾಡಿದರು. ಕೊನೆಗೆ 2020 ರಲ್ಲಿ ಕೋವಿಡ್‌ನಿಂದಾಗಿ ಪತಿ ರಿಷಿ ಕಪೂರ್ ನಿಧನ ಹೊಂದಿದರು. ಈ ದಂಪತಿಗೆ ಇಬ್ಬರು ಮಕ್ಕಳು. ಸ್ಟಾರ್ ನಟ ರಣ್ಬೀರ್ ಕಪೂರ್ ಮಗನಾದರೆ ರಿಧಿಮಾ ಕಪೂರ್ ಮಗಳಾಗಿದ್ದಾಳೆ. ನೀತು ಕಪೂರ್ ಇದೀಗ ತಮ್ಮನ್ನು ಮತ್ತೆ ನಟನೆಗೆ ತೊಡಗಿಸಿಕೊಂಡಿದ್ದು, ಒಂದರ ಹಿಂದೊಂದರಂತೆ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.