ಎಪಿ ಅರ್ಜುನ್ 'ಕಿಸ್' ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಯ್ತು

'ಅಂಬಾರಿ', 'ಅದ್ಧೂರಿ' ಮತ್ತು 'ಐರಾವತ' ಹಿಟ್ ಚಿತ್ರಗಳನ್ನು ನೀಡಿದ ಎಪಿ ಅರ್ಜುನ್, ಎಂಟು ತಿಂಗಳ ಹಿಂದೆ ಘೋಷಿಸಿದ್ದ ಸಿನಿಮಾಗೆ ಇಂದು ಚಾಲನೆ ನೀಡಿದ್ದಾರೆ. ಅಲ್ಲದೇ ತಮ್ಮ ಈ ಚಿತ್ರಕ್ಕೆ ಹೊಸ ಪ್ರತಿಭೆಗಳನ್ನು ಪರಿಚಯಿಸಿದ್ದಾರೆ.['ಕಿಸ್' ಕೊಡಲು ನೀವು ರೆಡಿಯಿದ್ದರೆ, ಹೀರೋಯಿನ್ ಆಗ್ಬಹುದು.!]

ಎಪಿ ಅರ್ಜುನ್ 8 ತಿಂಗಳುಗಳ ಹಿಂದೆ 'ಕಿಸ್' ಎಂಬ ಚಿತ್ರ ನಿರ್ಮಿಸುವುದಾಗಿ ಹೇಳಿದ್ದರು. ಆ ಚಿತ್ರಕ್ಕೆ ನಾಯಕ-ನಾಯಕಿ ಹುಡುಕಾಟದಲ್ಲಿ ಬಿಸಿ ಆಗಿದ್ದ ಅರ್ಜುನ್, ಈಗ ಪಾತ್ರಧಾರಿಗಳನ್ನು ಸೆಲೆಕ್ಟ್ ಮಾಡಿ ಫೋಟೋ ಶೂಟ್ ಸಹ ಮಾಡಿಸಿದ್ದಾರೆ.

ಅಂದಹಾಗೆ 'ಕಿಸ್' ಚಿತ್ರದಲ್ಲಿ ಅಭಿನಯಿಸಲು ನಾಯಕನಾಗಿ ವಿರಾಟ್ ಮತ್ತು ನಾಯಕಿ ಆಗಿ ಶ್ರೀಲೀಲಾ ಎಂಬುವವರು ಆಯ್ಕೆ ಆಗಿದ್ದು, ಈ ಇಬ್ಬರು ಸಹ ಸಿನಿಮಾ ರಂಗಕ್ಕೆ ಹೊಸ ಪ್ರತಿಭೆಗಳಂತೆ. ನಾಯಕಿ ಪಾತ್ರಕ್ಕಾಗಿ ಎಪಿ ಅರ್ಜುನ್ ಸುಮಾರು 200 ಕ್ಕೂ ಹೆಚ್ಚು ಹುಡುಗಿಯರನ್ನು ಆಡಿಶನ್ ಮಾಡಿ, ಕೊನೆಗೆ ಬಿಷಪ್ ಕಾಟನ್ ಕಾಲೇಜಿನಲ್ಲಿ ಪಿಯುಸಿ ಓದುತ್ತಿರುವ ಶ್ರೀಲೀಲಾ ಅವರನ್ನು ಆಯ್ಕೆ ಮಾಡಿರುವುದಾಗಿ ಹೇಳಿದ್ದಾರೆ.[ಯಶ್-ರಾಧಿಕಾ 'ಲಗ್ನ ಪತ್ರಿಕೆ'ಗೆ ಕವನ ಬರೆದ್ದಿದ್ದು ಇವರೇ!]

'ಕಿಸ್' ಚಿತ್ರವನ್ನು ರಾಷ್ಟ್ರಕೂಟ ಪಿಕ್ಚರ್ ಅಡಿಯಲ್ಲಿ ವಿ.ರವಿಕುಮಾರ್ ನಿರ್ಮಾಣ ಮಾಡುತ್ತಿದ್ದು, ವಿ.ಹರಿಕೃಷ್ಣ ಅವರು ಸಂಗೀತ ಸಂಯೋಜನೆ ನೀಡಲಿದ್ದಾರೆ. ವ್ಯಾಲೆಂಟೈನ್ಸ್ ಡೇ ಪ್ರಯುಕ್ತ ಎಪಿ ಅರ್ಜುನ್ ಈಗಾಗಲೇ 'ಕಿಸ್' ಫಸ್ಟ್ ಲುಕ್ ಬಿಡುಗಡೆ ಮಾಡಿದ್ದು, ಸದ್ಯದಲ್ಲೇ ಚಿತ್ರೀಕರಣ ಪ್ರಾರಂಭವಾಗಲಿದೆಯಂತೆ.