'ಬಾಟಲ್ ಕ್ಯಾಪ್ ಚಾಲೆಂಜ್' ವಿರೋಧಿಸಿದ ಪ್ರಥಮ್

ಸಿನಿಮಾ, ವಿವಾದ, ಗಾಸಿಪ್ ಇದೆಲ್ಲವೂ ಬಿಟ್ಟು ಬಾಟಲ್ ಕ್ಯಾಪ್ ಚಾಲೆಂಜ್ ಸಿನಿ ಜಗತ್ತಿನಲ್ಲಿ ಭಾರಿ ಸದ್ದು ಮಾಡ್ತಿದೆ. ಯಾವುದಾದರೂ ಬಾಟಲ್ ನ ಕ್ಯಾಪ್ ನ್ನ ಕಾಲಿನಿಂದ ತೆಗೆಯುವುದು ಈ ಚಾಲೆಂಜ್ ಆಗಿದ್ದು, ಬಾಲಿವುಡ್, ಸ್ಯಾಂಡಲ್ ವುಡ್ ಹೀಗೆ ಬಹುತೇಕ ಎಲ್ಲ ಇಂಡಸ್ಟ್ರಿಯ ಸೆಲೆಬ್ರಿಟಿಗಳು ಈ ಚಾಲೆಂಜ್ ಸ್ವೀಕರಿಸಿ ಸಕ್ಸಸ್ ಆಗಿದ್ದಾರೆ.

ಅಕ್ಷಯ್ ಕುಮಾರ್, ಕನ್ನಡ ನಟ ಗಣೇಶ್, ಅರ್ಜುನ್ ಸರ್ಜಾ, ಚಿರಂಜೀವಿ ಸರ್ಜಾ, ರಚಿತಾ ರಾಮ್ ಸೇರಿದಂತೆ ಹಲವರು ಈ ಚಾಲೆಂಜ್ ಸ್ವೀಕರಿಸಿ ಯಶಸ್ಸು ಕಂಡಿದ್ದಾರೆ.

ಆದ್ರೀಗ, ಬಿಗ್ ಬಾಸ್ ಕನ್ನಡ 4ನೇ ಆವೃತ್ತಿಯ ವಿನ್ನರ್ ಮತ್ತು ನಟ ಪ್ರಥಮ್ ಈ ಬಾಟಲ್ ಕ್ಯಾಪ್ ಚಾಲೆಂಜ್ ನ್ನ ವಿರೋಧಿಸಿದ್ದಾರೆ. ಈ ಚಾಲೆಂಜ್ ಯಾರೂ ಮಾಡಬಾರದು ಎಂದು ಖಂಡಿಸಿದ್ದಾರೆ.

ಈ ಕುರಿತು ಕೈಯಿಂದ ಬಾಟಲ್ ಕ್ಯಾಪ್ ತೆಗೆಯುವ ವಿಡಿಯೋವೊಂದನ್ನ ಅಪ್ ಲೌಡ್ ಮಾಡಿ, ಓಪನ್ ಕ್ಯಾಪ್ ಚಾಲೆಂಜ್ ಮಾಡಿ, ಈ ಬಾಟಲ್ ಕ್ಯಾಪ್ ಬಾಲೆಂಜ್ ಬೇಡ ಎಂದು ಖಂಡಿಸಿದ್ದಾರೆ. ಇದರಿಂದ ದೇಹಕ್ಕೆ ಅಪಾಯವಾದರೂ ಆಗಬಹುದು, ಯಾರೂ ರಿಸ್ಕ್ ತೆಗೆದುಕೊಳ್ಳಬೇಡಿ ಎಂದು ಮನವಿ ಮಾಡಿದ್ದಾರೆ.

ಇದರ ಬದಲು ಯೋಗ ಮಾಡಿ, ಇದರಿಂದ ನಿಮ್ಮ ದೇಹ, ಆರೋಗ್ಯ ಉತ್ತಮವಾಗಿರುತ್ತೆ ಎಂದು ಸಲಹೆ ನೀಡಿದ್ದಾರೆ. ಇಂತಹ ತುಕಾಲಿ ಚಾಲೆಂಜ್ ಹುಟ್ಟುಹಾಕುವ ಬಾಲಿವುಡ್ ಸಿನಿ ನಟರ ತೆಲೆಮೇಲೆ ಮೊದಲು ಹೊಡಿಬೇಕು ಎಂದು ಕಿಡಿಕಾರಿದ್ದಾರೆ.