ಪತಿ ಮುಸ್ತಾಫಾ ಜೊತೆ ರಂಜಾನ್ ಆಚರಣೆ ಹೇಗಿದೆ? ಪ್ರಿಯಾಮಣಿ ಉತ್ತರ

'ಪತಿ ಮುಸ್ತಾಫಾ ಉಪಚಾಸ ಮಾಡುತ್ತಿದ್ದಾರೆ'

ರಂಜಾನ್ ತಿಂಗಳ ಉಪವಾಸವನ್ನು ಪತಿ ಮುಸ್ತಾಫಾ ಮಾಡುತ್ತಿದ್ದಾರೆ ಆದರೆ ನಾನು ಉಪವಾಸ ಮಾಡುತ್ತಿಲ್ಲ. ಪತಿ ಮತ್ತು ಅತ್ತೆ ಮಾತ್ರವೇ ಉಪವಾಸದಲ್ಲಿ ನಿರತರಾಗಿದ್ದಾರೆ. ನಾನು ಮತ್ತು ಮಾವ ಉಪವಾಸ ಮಾಡುತ್ತಿಲ್ಲ ಎಂದು ಹೇಳಿದ್ದಾರೆ.

ಅತ್ತೆಗೆ ಸಹಾಯ ಮಾಡುತ್ತೇನೆ: ಪ್ರಿಯಾಮಣಿ

ನಾನು ಅಡುಗೆ ಮಾಡುವುದಿಲ್ಲ, ಹಾಗಾಗಿ ಅಡುಗೆ ಮನೆಯಲ್ಲಿ ಅತ್ತೆಗೆ ಸಹಾಯ ಮಾಡುತ್ತೇನೆ. ಸಂಜೆ ಪತಿ ಮತ್ತು ಅತ್ತೆ ಉಪವಾಸ ಬಿಡುವ ವೇಳೆಗೆ ನಾನು ಊಟದ ಟೇಬಲ್ ತಯಾರಿಟ್ಟಿರುತ್ತೇನೆ. ಅವರು ಉಪವಾಸ ಬಿಟ್ಟು ಊಟ ಮಾಡುತ್ತಾರೆ ಎಂದು ತನ್ನ ದಿನನಿತ್ಯದ ಕಾರ್ಯದ ಬಗ್ಗೆ ತಿಳಿಸಿದ್ದಾರೆ ಪ್ರಿಯಾಮಣಿ.

'ಕುಟುಂಬದೊಂದಿಗೆ ಉತ್ತಮವಾಗಿ ಕಾಲ ಕಳೆಯುತ್ತಿದ್ದೇನೆ'

ಲಾಕ್‌ಡೌನ್ ಸಮಯದಲ್ಲಿ ಕುಟುಂಬದೊಂದಿಗೆ ಎಂಜಾಯ್ ಮಾಡುತ್ತಿರುವುದಾಗಿ ಹೇಳಿದ ಪ್ರಿಯಾಮಣಿ. ಎಲ್ಲರೂ ಸೇರಿ ಸಿನಿಮಾಗಳನ್ನು ನೋಡುತ್ತಿದ್ದೇವೆ. ಟಿವಿ ಸೀರಿಯಲ್, ವೆಬ್ ಸೀರೀಸ್‌ಗಳನ್ನು ನೋಡುತ್ತಿದ್ದೇವೆ ಎಂದು ಪ್ರಿಯಾಮಣಿ ಹೇಳಿದ್ದಾರೆ.

ಬೆಂಗಳೂರಿಗೆ ಬರಲು ಹಾತೊರೆಯುತ್ತಿರುವ ಪ್ರಿಯಾಮಣಿ

ಕೆಲವು ದಿನಗಳ ಮುಂಚೆ ಮಾಧ್ಯಮಕ್ಕೆ ನೀಡಿದ್ದ ಸಂದರ್ಶನದಲ್ಲಿ ಮಾತನಾಡಿದ್ದ ಪ್ರಿಯಾಮಣಿ, ಬೆಂಗಳೂರಿಗೆ ಬರಲು ಮನಸ್ಸು ಹಾತೊರೆಯುತ್ತಿದೆ. ಪೋಷಕರನ್ನು ನೋಡಿ ಬಹಳ ದಿನಗಳಾಯಿತು. ಲಾಕ್‌ಡೌನ್ ಮುಗಿದ ಕೂಡಲೇ ಮೊದಲು ಬೆಂಗಳೂರಿಗೆ ಬರುತ್ತೇನೆ ಎಂದಿದ್ದರು.

ಹಲವು ಸಿನಿಮಾಗಳಲ್ಲಿ ಪ್ರಿಯಾಮಣಿ ನಟನೆ

ದಿ ಫ್ಯಾಮಿಲಿ ಮ್ಯಾನ್ ವೆಬ್‌ ಸೀರೀಸ್‌ನಲ್ಲಿ ಹೀರೋ ಮನೋಜ್ ಬಾಜಪೇಯಿ ಪತ್ನಿಯಾಗಿ ನಟಿಸಿ ಗಮನ ಸೆಳೆದಿದ್ದ ಪ್ರಿಯಾಮಣಿ. ಈಗ ಅಸುರನ್ ತೆಲುಗು ರೀಮೇಕ್‌ 'ನಾರಪ್ಪ' ದಲ್ಲಿ ವೆಂಕಟೇಶ್ ಪತ್ನಿಯಾಗಿ ನಟಿಸುತ್ತಿದ್ದಾರೆ. ಕನ್ನಡದಲ್ಲಿ ಡಾಕ್ಟರ್ 56 ಸಿನಿಮಾದಲ್ಲೂ ಸಹ ನಟಿಸುತ್ತಿದ್ದಾರೆ.