'ದೊಡ್ಮನೆ ಹುಡ್ಗ' ಪುನೀತ್ ರಾಜ್ ಕುಮಾರ್ ಆಡಿದ ದೊಡ್ಡ ಮಾತು

'ದೊಡ್ಮನೆ ಹುಡ್ಗ' ಟೈಟಲ್ ಕುರಿತು

''ಇದು ತುಂಬಾ ದೊಡ್ಡ ಸ್ಟಾರ್ ಕಾಸ್ಟ್ ಇರುವ ಸಿನಿಮಾ. ಹೀಗಾಗಿ ಇದಕ್ಕೆ 'ದೊಡ್ಮನೆ ಹುಡ್ಗ' ಅಂತ ಹೆಸರಿಡಲಾಗಿದೆ ಅಷ್ಟೆ. ನನ್ನ ನಿಜ ಜೀವನಕ್ಕೂ ಇದಕ್ಕೂ ಸಂಬಂಧ ಇಲ್ಲ'' - ಪುನೀತ್ ರಾಜ್ ಕುಮಾರ್ [ಡಾ.ರಾಜ್ ಮತ್ತು ಪುನೀತ್ ಬಗ್ಗೆ ಅಂಬರೀಶ್ ಮಾಡಿದ ಕಾಮೆಂಟ್ ಏನು?]

ಸಂತೋಷ ಪಡುವ ವಿಷಯ ಸಾಕಷ್ಟಿದೆ

''ಸಿನಿಮಾ ಶುರು ಆಗಿ ಒಂದು ವರ್ಷ ನಾಲ್ಕು ತಿಂಗಳು ಆಯ್ತು. ಆಗ್ಲಿಂದ 'ದೊಡ್ಮನೆ' ನಡೆಯುತ್ತಾ ಬರ್ತಿದೆ. ನನಗೆ ತುಂಬಾ ಸಂತೋಷ ಪಡುವ ವಿಷಯ ಸಾಕಷ್ಟಿದೆ'' - ಪುನೀತ್ ರಾಜ್ ಕುಮಾರ್ [ಅಂದು ತಂದೆಗೆ ನಾಯಕಿ, ಇಂದು ಮಗನಿಗೆ ತಾಯಿ: ಸುಮಲತಾ ದಿಲ್ ಖುಷ್!]

ಅಂಬಿ ಮಾಮ ಜೊತೆ ಮೊದಲ ಬಾರಿ

''ನನ್ನ ಮೊದಲ ಸಿನಿಮಾ ಇದು ಅಂಬರೀಶ್ ಮಾಮ ಜೊತೆ. ತುಂಬಾ ತುಂಬಾ ಖುಷಿ ಆಯ್ತು, ಅವರ ಜೊತೆ ಪಾತ್ರ ಮಾಡೋಕೆ. ಯಾಕೋ ಇಷ್ಟು ವರ್ಷ ಆಗ್ಬಂದಿರ್ಲಿಲ್ಲ, ಅದು ದೊಡ್ಮನೆ ಮೂಲಕ ಆಗ್ಬಂತು. ಎಲ್ಲಕ್ಕಿಂತ ಹೆಚ್ಚಾಗಿ ಅಂಬರೀಶ್ ಮಾಮ ಯಾವತ್ತು ಸೆಟ್ ನಲ್ಲಿ ಇರ್ತಿದ್ರೋ, ಅವತ್ತು ರಾಜ ಭೋಜನ. ಜೊತೆಗೆ ಸಂತೋಷದ ಮಾತುಗಳು'' - ಪುನೀತ್ ರಾಜ್ ಕುಮಾರ್

ಸುಮಲತಾ ಜೊತೆ ಮೊದಲ ಸಿನಿಮಾ

''ಸುಮಲತಾ ಮೇಡಂ ಅವರ ಜೊತೆ ಕೂಡ ಇದು ನನ್ನ ಮೊದಲ ಸಿನಿಮಾ. ಅವರನ್ನ ನಮ್ಮ ತಂದೆ ಜೊತೆ ಹೀರೋಯಿನ್ ಆಗಿ ನೋಡಿದ್ದೆ. ಈಗ ನನ್ನ ತಾಯಿ ಆಗಿ ನೋಡೋಕೆ ತುಂಬಾ ಖುಷಿ ಆಯ್ತು'' - ಪುನೀತ್ ರಾಜ್ ಕುಮಾರ್

ಖುಷಿ ಕೊಡುವ ಟೀಮ್ ಇದು

''ಸೂರಿ ಸರ್ ಜೊತೆ ಇದು ಮೂರನೇ ಸಿನಿಮಾ, ರಾಧಿಕಾ ಪಂಡಿತ್ ಜೊತೆ ಎರಡನೇ ಸಿನಿಮಾ. ವಿ.ಹರಿಕೃಷ್ಣ ಜೊತೆ ಲೆಕ್ಕ ಹಾಕಿಲ್ಲ. ಸತ್ಯ ಹೆಗಡೆ ಜೊತೆ ನಾಲ್ಕನೇ ಸಿನಿಮಾ. ತುಂಬಾ ಖುಷಿ ಕೊಡುವ ಟೀಮ್ ಇದು. ತುಂಬಾ ಎಂಜಾಯ್ ಮಾಡಿದ್ದೀವಿ'' - ಪುನೀತ್ ರಾಜ್ ಕುಮಾರ್

ಮರೆಯಲಾಗದ ಎಕ್ಸ್ ಪೀರಿಯೆನ್ಸ್

''ಯೋಗರಾಜ್ ಭಟ್ ಬರೆದಿರುವ 'ಅಭಿಮಾನಿಗಳೇ ನಮ್ಮನೆ ದೇವ್ರು' ಹಾಡನ್ನ ನಾನು ಹಾಡಿದ್ದೇನೆ. ಇದು ನನ್ನ ಲೈಫ್ ನ ಮರೆಯಲಾರದ ಎಕ್ಸ್ ಪೀರಿಯೆನ್ಸ್. ನಾಲ್ಕು ಊರುಗಳಲ್ಲಿ ಈ ಹಾಡನ್ನ ಶೂಟ್ ಮಾಡಿದ್ವಿ. ಅಲ್ಲಿನ ಜನ ತುಂಬಾ ಸಪೋರ್ಟ್ ಮಾಡಿದ್ರು. ಅವರಿಗೆಲ್ಲ ನನ್ನ ಧನ್ಯವಾದಗಳು'' - ಪುನೀತ್ ರಾಜ್ ಕುಮಾರ್