ಯಶ್-ರಾಧಿಕಾ ಮದುವೆ: ಹುಡುಗಿ ಕಡೆಯ 'ಆಹ್ವಾನ ಪತ್ರಿಕೆ' ರೆಡಿ

ರಾಧಿಕಾ ಪಂಡಿತ್ ಕಡೆಯ 'ಲಗ್ನಪತ್ರಿಕೆ' ರೆಡಿ

ನಟ ಯಶ್ ಕುಟುಂಬದವರು ನೀಡುತ್ತಿರುವ ಆಹ್ವಾನ ಪತ್ರಿಕೆಯನ್ನ ನೀವೆಲ್ಲಾ ನೋಡಿದ್ದೀರಾ. ಈಗ ರಾಧಿಕಾ ಪಂಡಿತ್ ಕುಂಟುಂಬದವರು ನೀಡಲಿರುವ ಆಮಂತ್ರಣ ಪತ್ರಿಕೆಯೂ ಬಹಿರಂಗವಾಗಿದ್ದು, ಸ್ವತಃ ರಾಧಿಕಾ ಪಂಡಿತ್ ಅವರೇ ತಮ್ಮ ಫೇಸ್ ಬುಕ್ ಪೇಜ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.[ಸ್ಯಾಂಡಲ್ ವುಡ್ ದಿಗ್ಗಜರಿಗೆ ಯಶ್ 'ಮದುವೆಯ ಮಮತೆಯ ಕರೆಯೋಲೆ' ]

ಕಲರ್ ಫುಲ್ ಆಗಿದೆ ಇನ್ವಿಟೇಷನ್

ಒಂದ್ಕಡೆ ಯಶ್, ಸಿಂಪಲ್ ಆಗಿ ಇನ್ವೀಟೇಷನ್ ಮಾಡಿಸಿ ಜೊತೆಗೆ ಸಸಿ ಹಾಗೂ ಪುಸ್ತಕವನ್ನ ಕೊಟ್ಟು ಗಮನ ಸೆಳೆಯುತ್ತಿದ್ದರೇ, ಮತ್ತೊಂದೆಡೆ ರಾಧಿಕಾ ಪಂಡಿತ್ ಕಲರ್ ಫುಲ್ ಆಗಿ, ತುಂಬಾ ಅದ್ದೂರಿಯಾಗಿ ಆಹ್ವಾನ ಪತ್ರಿಕೆಯನ್ನ ಮಾಡಿಸಿದ್ದಾರೆ.[ಆಡಂಬರ, ವೈಭವ ಇಲ್ಲದೇ ಸಂಪಿಗೆ ಸಸಿ ಕೊಟ್ಟು 'ಮದುವೆಗೆ ಬನ್ನಿ' ಎಂದ ಯಶ್]

ವುಡನ್ ಫ್ರೇಮ್ ಇನ್ವಿಟೇಷನ್

ರಾಧಿಕಾ ಹಾಗೂ ಯಶ್ ವಿವಹಾಕ್ಕೆ, ರಾಧಿಕಾ ಕುಟುಂಬದವರು ಭರ್ಜರಿಯಾಗಿ ಸಿದ್ದತೆ ಮಾಡಿಕೊಳ್ಳುತ್ತಿದ್ದಾರೆ. ತುಂಬಾ ವಿಭಿನ್ನವಾಗಿ, ವಿಶೇಷವಾಗಿರುವ ಲಗ್ನಪತ್ರಿಕೆಯನ್ನ ವುಡೆನ್ ಫ್ರೇಮ್ ನಲ್ಲಿ ಮಾಡಿಸಿದ್ದಾರೆ.[ಯಶ್-ರಾಧಿಕಾ 'ಲಗ್ನ ಪತ್ರಿಕೆ'ಗೆ ಕವನ ಬರೆದ್ದಿದ್ದು ಇವರೇ!]

ಶಿವ ಪಾರ್ವತಿ ಥೀಮ್

ರಾಧಿಕಾ ಪಂಡಿತ್ ಅವರಿಗೆ 'ಶಿವ-ಪಾರ್ವತಿ' ದೇವರು ಅಂದ್ರೆ ತುಂಬಾ ಇಷ್ಟವಂತೆ. ಹೀಗಾಗಿ ಮದುವೆ ಕೂಡ 'ಶಿವ-ಪಾರ್ವತಿ'ಯ ಥೀಮ್ ನಲ್ಲಿ ನೆರವೇರಲಿದೆಯಂತೆ. 'ಶಿವ-ಪಾರ್ವತಿ' ಥೀಮ್ ಅಂದ್ರೆ, ಮದುವೆಯ ಸಂಪ್ರದಾಯ ಹೇಗಿರುತ್ತೆ, ಮದುವೆ ದಿನ ವಧು-ವರರು ಧರಿಸುವ ಕಾಸ್ಟ್ಯೂಮ್ ಹೇಗಿರುತ್ತೆ ಎಂಬ ಕುತೂಹಲ ಈಗಲೇ ಹುಟ್ಟಿಕೊಂಡಿದೆ.

ಹುಡುಗಿ ಕಡೆಯ ಆಮಂತ್ರಣ ಯಾವಾಗ?

ಈಗಾಗಲೇ ರಾಕಿಂಗ್ ಸ್ಟಾರ್ ಯಶ್, ಶಿವರಾಜ್ ಕುಮಾರ್, ಪುನೀತ್ ರಾಜ್ ಕುಮಾರ್, ರಾಘವೇಂದ್ರ ರಾಜ್ ಕುಮಾರ್, ಅನಂತ್ ನಾಗ್, ಕುಮಾರ್‌ ಬಂಗಾರಪ್ಪ ಸೇರಿದಂತೆ ಹಲವರಿಗೆ ಆಹ್ವಾನ ಪತ್ರಿಕೆಯ ಕೊಟ್ಟಿದ್ದಾರೆ. ಹೀಗಾಗಿ, ರಾಧಿಕಾ ಪಂಡಿತ್ ಯಾವಾಗ, ಯಾರ್ಯಾರಿಗೆ ಆಮಂತ್ರ ನೀಡಿಲಿದ್ದಾರೆ ಎಂಬ ಕುತೂಹಲ ಕೂಡ ಹೆಚ್ಚಾಗಿದೆ.