ರಜನಿಯ '2.0' ಟೀಸರ್ ಲೀಕ್: ಬಹುತೇಕ ದೃಶ್ಯಗಳು ಬಹಿರಂಗ

ತಲೈವಾ ಎಂಟ್ರಿ ಲೀಕ್

2.0 ಚಿತ್ರದಲ್ಲಿ ಸೂಪರ್ ರಜನಿಕಾಂತ್ ಅವರ ಎಂಟ್ರಿ ಹೇಗಿರಲಿದೆ ಎಂಬ ನಿರೀಕ್ಷೆ ಅಭಿಮಾನಿಗಳನ್ನ ಕಾಡುತ್ತಿತ್ತು. ಥಿಯೇಟರ್ ನಲ್ಲಿ ಆ ದೃಶ್ಯವನ್ನ ನೋಡಲು ಕಾದಿದ್ದರು. ಆದ್ರೆ, ಟೀಸರ್ ಲೀಕ್ ಆಗಿದ್ದು, ಅದಕ್ಕು ಮುಂಚೆಯೇ ತಲೈವಾ ಎಂಟ್ರಿ ಬಹಿರಂಗವಾಗಿದೆ.

ಚಿಟ್ಟಿ ಈಸ್ ಬ್ಯಾಕ್

ರೋಬೋ ಚಿತ್ರದಲ್ಲಿ ಗಮನ ಸೆಳೆದಿದ್ದ ಚಿಟ್ಟಿ ಪಾತ್ರ, ಈ ಚಿತ್ರದಲ್ಲೂ ಮುಂದುವರೆದಿದೆ. ಮೊದಲ ಭಾಗದಲ್ಲಿ ಚಿಟ್ಟಿಯ ಪಾತ್ರವನ್ನ ಕೊನೆಯಲ್ಲಿ ಕೊಲ್ಲಲಾಗಿತ್ತು. ಹೀಗಾಗಿ, ಸಜಹವಾಗಿ ಈ ಚಿತ್ರದಲ್ಲಿ ಚಿಟ್ಟಿ ಬರುತ್ತಾ ಎಂಬ ಕುತೂಹಲ ಕಾಡಿತ್ತು. ಈಗ ಲೀಕ್ ಆಗಿರುವ ದೃಶ್ಯದಲ್ಲಿ ಇದು ಹೊರಬಿದ್ದಿದೆ.

ಅದ್ಭುತ ಟೆಕ್ನಾಲಜಿ

ನಿರೀಕ್ಷೆಯಂತೆ '2.0 'ಚಿತ್ರದಲ್ಲಿ ತಂತ್ರಜ್ಞಾನ ಅದ್ಭುತವಾಗಿದೆ. ಹಾಲಿವುಡ್ ಚಿತ್ರಗಳನ್ನೇ ಮೀರಿಸುವಂತಹ ಮೇಕಿಂಗ್ ಗಮನ ಸೆಳೆಯುತ್ತಿದೆ.

ಕಣ್ಮನ ಸೆಳೆಯುತ್ತಿದೆ ಗ್ರಾಫಿಕ್ಸ್

ಇನ್ನು ಚಿತ್ರದಲ್ಲಿ ಹೆಚ್ಚು ಗ್ರಾಫಿಕ್ಸ್ ಬಳಕೆಯಾಗಿರುವುದನ್ನ ಮರೆಯುವಂತಿಲ್ಲ. ವಿಚಿತ್ರ ಪಕ್ಷಿಯೊಂದು '2.0' ಚಿತ್ರದಲ್ಲಿ ಮೋಡಿ ಮಾಡುತ್ತಿದೆ. ಅದರ ಫಸ್ಟ್ ಲುಕ್ ಕೂಡ ಲೀಕ್ ಆಗಿರುವ ಟೀಸರ್ ನಲ್ಲಿ ಕಾಣಿಸಿದೆ.

ಯಾವಾಗ ಬಿಡುಗಡೆ.?

ಈಗಾಗಲೇ ಚಿತ್ರೀಕರಣ ಮುಗಿಸಿರುವ 2.0 ಚಿತ್ರ ಪೋಸ್ಟ್ ಪ್ರೊಡಕ್ಷನ್ ಕೆಲಸ ನಡೆಯುತ್ತಿದೆ, ಬಹುಶಃ ಕೊನೆಯ ಹಂತದಲ್ಲಿದೆ. ನಿರೀಕ್ಷೆಯಂತೆ ಏಪ್ರಿಲ್ ತಿಂಗಳಲ್ಲಿ ತೆರೆಗೆ ಬರುವ ಸಾಧ್ಯತೆ ಇದೆ.

ಶಂಕರ್ ಸಾರಥ್ಯದಲ್ಲಿ ಸ್ಟಾರ್ ಕಲಾವಿದರು

ಶಂಕರ್ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದು, ರಜನಿಕಾಂತ್, ಅಕ್ಷಯ್ ಕುಮಾರ್, ಆಮಿ ಜಾಕ್ಸನ್ ಸೇರಿದಂತೆ ಹಲವು ಕಲಾವಿದರು ಅಭಿನಯಿಸಿದ್ದಾರೆ. ಎ.ಆರ್ ರೆಹಮಾನ್ ಸಂಗೀತ ಮತ್ತು ಹಿನ್ನೆಲೆ ಸಂಗೀತ ನೀಡಿದ್ದಾರೆ.