ಪ್ರೀತಿ-ಪ್ರೇಮ ಇತ್ಯಾದಿ: ರಶ್ಮಿಕಾ ಮಂದಣ್ಣ ಕೊಟ್ಟ ಉತ್ತರ

'ಎಲ್ಲರೊಂದಿಗೆ ನನ್ನ ಹೆಸರು ಥಳುಕು ಹಾಕುವವರಿಗೆ ಈ ಉತ್ತರ'

'ನನ್ನ ಪರಿಚಯದ ಎಲ್ಲರೊಂದಿಗೆ ನನ್ನ ಹೆಸರು ಥಳುಕು ಹಾಕುವವರಿಗಾಗಿ ಹೇಳುತ್ತಿದ್ದೇನೆ, ನಾನು ಸಿಂಗಲ್ ಆಗಿದ್ದೇನೆ, ಹಾಗೂ ಸಿಂಗಲ್ ಆಗಿರುವುದನ್ನು ನಾನು ಇಷ್ಟಪಡುತ್ತೇನೆ' ಎಂದು ಪ್ರೀತಿ-ಪ್ರೇಮದ ಗಾಳಿ ಸುದ್ದಿಗಳಿಗೆ ತೆರೆ ಎಳೆದಿದ್ದಾರೆ ರಶ್ಮಿಕಾ ಮಂದಣ್ಣ.

ಸಿಂಗಲ್ ಆಗಿರುವುದನ್ನು ಎಂಜಾಯ್ ಮಾಡಿ: ರಶ್ಮಿಕಾ

ಮುಂದುವರೆದು, ಸಿಂಗಲ್ ಆಗಿರುವ ಬಗ್ಗೆ ನೊಂದುಕೊಳ್ಳುವವರಿಗಾಗಿ ನಾನು ನೀಡುವ ಸಲಹೆಯೆಂದರೆ, 'ನೀವು ಒಮ್ಮೆ ಒಂಟಿಯಾಗಿರುವುದನ್ನು ಎಂಜಾಯ್ ಮಾಡಲು ಪ್ರಾರಂಭಿಸಿದರೆಂದರೆ, ನಿಮ್ಮ ನಿರೀಕ್ಷೆ (ಬಾಯ್‌ಫ್ರೆಂಡ್ ಅಥವಾ ಗರ್ಲ್‌ಫ್ರೆಂಡ್‌) ಹೆಚ್ಚಾಗುತ್ತಾ ಹೋಗುತ್ತದೆ' ಎಂದಿದ್ದಾರೆ ರಶ್ಮಿಕಾ.

ಹಲವು ಪ್ರಶ್ನೆಗಳಿಗೆ ರಶ್ಮಿಕಾ ಮಂದಣ್ಣ ಉತ್ತರ

ಇನ್ನೂ ಹಲವು ಪ್ರಶ್ನೆಗಳಿಗೆ ರಶ್ಮಿಕಾ ಮಂದಣ್ಣ ಉತ್ತರಿಸಿದ್ದಾರೆ. ಜಾಮೂನು, ಮಿಲ್ಕ್‌ ಶೇಕ್‌ಗಳು ಇಷ್ಟವೆಂದಿದ್ದಾರೆ. ಶ್ರೀದೇವಿಯೊಂದಿಗಿನ ಹೋಲಿಕೆಗೆ ಖುಷಿಪಟ್ಟಿದ್ದಾರೆ. ಅಭಿಮಾನಿಗಳ ಹಲವು ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ ರಶ್ಮಿಕಾ.

ಪುಷ್ಪಾ ಸಿನಿಮಾದಲ್ಲಿ ನಟನೆ

ರಶ್ಮಿಕಾ ಮಂದಣ್ಣ ಅಭಿನಯದ ಕನ್ನಡ ಸಿನಿಮಾ ಪೊಗರು ಬಿಡುಗಡೆಗೆ ತಯಾರಾಗಿದೆ. ತಮಿಳಿನಲ್ಲಿ ಕಾರ್ತಿ ಜೊತೆಗೆ ನಟಿಸಿರುವ 'ಸುಲ್ತಾನ್' ಸಹ ಅಂತಿಮ ಹಂತದಲ್ಲಿದೆ. ಇದರ ಜೊತೆಗೆ ಅಲ್ಲು ಅರ್ಜುನ್ ಜೊತೆಗೆ ಪುಷ್ಪ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ರಶ್ಮಿಕಾ.