ಪವರ್‌ಸ್ಟಾರ್ ಹೆಸರು ಬಳಸಿಕೊಂಡು ದೋಖಾ ಮಾಡಿದ ಕಿಲಾಡಿ!

Recommended Video

ಮೈಸೂರಿನಲ್ಲೊಬ್ಬ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರ ಹೆಸರನ್ನು ಬಳಸಿಕೊಂಡು ಮೋಸ ಮಾಡಿರುವ ಪ್ರಕರಣ ಬೆಳಕಿಗೆ ಬಂದಿದೆ. ತನ್ನ ತಂಗಿಯ ಮದುವೆ ಮಾಡುವುದಕ್ಕಾಗಿ ರವಿ(28) ಎಂಬಾತನಿಂದ ಮಾಸ್ಟರ್ ಪ್ಲಾನ್ ಬಿಟ್ಟು ಪವರ್ ಪ್ಲಾನ್ ಮಾಡಿ ಅನೇಕರಿಗೆ ದೋಖಾ ಮಾಡಿದ್ದಾನೆ.

ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ಹೆಸರನ್ನೆ ಬಳಸಿಕೊಂಡು ತನ್ನ ಸಂಬಂಧಿಕರು ಹಾಗೂ ಗೆಳೆಯರನ್ನೇ ಟಾರ್ಗೆಟ್ ಮಾಡಿ ಮೋಸ ಮಾಡಿರುವುದಾಗಿ ತಿಳಿದು ಬಂದಿದೆ. ನಾನು ಪುನೀತ್ ರಾಜ್‌ಕುಮಾರ್ ಆಪ್ತ ಸಹಾಯಕನೆಂದು ಹೇಳಿಕೊಂಡು ಲಕ್ಷಾಂತರ ರೂ ವಂಚನೆ ಮಾಡಲಾಗಿದೆ. ಪುನೀತ್ ರಾಜ್ ಕುಮಾರ್ ಬಳಿ ಕೆಲಸ ಕೊಡಿಸುವ ಆಮಿಷ ಒಡ್ಡಿ ಹಣ ಚಿನ್ನಾಭರಣ ಪಡೆದಿದ್ದಾನೆ ರವಿ.

ಬೆಂಗಳೂರಿನ ಶ್ರೀನಿವಾಸ‌ನಗರದ ನಿವಾಸಿ ಆಗಿರುವ ರವಿ, ಮೂಲತಃ ಮೈಸೂರಿನ ಟಿ.ನರಸೀಪುರ ಬಳಿಯ ಅಂಕನಹಳ್ಳಿ ನಿವಾಸಿ. ತಂಗಿ ಮದುವೆ ಖರ್ಚಿಗಾಗಿ ಸಾಕಷ್ಟು ಜನರ ಬಳಿ ಒಂದೊಂದು ರೀತಿಯ ಸುಳ್ಳು ಹೇಳಿ ದೋಖಾ ಮಾಡಿದ್ದಾನೆ. ಮದುವೆ ಕೆಲಸಕ್ಕೆ ಬಂದಿದ್ದ ಪೋಟೋಗ್ರಾಫರ್, ಪ್ಲವರ್ ಡೆಕೋರೇಟರ್, ಕಾರು ಚಾಲಕನಿಗೂ ಇದೇ ಸುಳ್ಳು ಹೇಳಿ ಮೋಸದ ಜಾಲಕ್ಕೆ ತಳ್ಳಿದ್ದಾನೆ. ತಂಗಿ ಮದುವೆ ಮುಗಿದ ಮೇಲೆ ರವಿ ದೋಖ ಬೆಳಕಿಗೆ ಬಂದಿದೆ.

ರವಿ ವಂಚನೆಯಿಂದ ಕಂಗಾಲದ ಸಂಬಂಧಿ ಹಾಗೂ ಹಣ ಕೊಟ್ಟವರು. ಟಿ.ನರಸೀಪುರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಅಭಿಮಾನಿಗಳು ಎಂದು ಹೆಸರು ಬಳಸಿಕೊಂಡವರು ಸಾಕಷ್ಟು ಜನರಿದ್ದಾರೆ ಆದರೆ ಪವರ್ ಸ್ಟಾರ್ ಆಪ್ತ ಸಹಾಯಕ ಎಂದು ಹೇಳಿ ಮುಗ್ದರನ್ನ ವಂಚಿಸಿರುವ ರವಿಗಾಗಿ ಪೊಲೀಸರು ಹುಡುಕಾಟ ನೆಡೆಸಿದ್ದಾರೆ.