'ಮರಿ ಟೈಗರ್' ಚಿತ್ರಗಳಿಗೆ ದರ್ಶನ್ ಕ್ಲಾಪ್ ಮಾಡೋದರ ಗುಟ್ಟು ರಟ್ಟು

ಹ್ಯಾಟ್ರಿಕ್ ಬಾರಿಸಿದ ದರ್ಶನ್-ಟೈಗರ್

ವಿನೋದ್ ಪ್ರಭಾಕರ್ ಅಭಿನಯದ ಸತತ ಮೂರು ಚಿತ್ರಗಳಿಗೆ ದರ್ಶನ್ ಕ್ಲಾಪ್ ಮಾಡಿದ್ದಾರೆ. 'ರಗಡ್', 'ಸಿಎಂ' (ಇನ್ನು ಟೈಟಲ್ ಫಿಕ್ಸ್ ಆಗಿಲ್ಲ), ಹಾಗೂ 'ಫೈಟರ್' ಚಿತ್ರಗಳಿಗೆ ಚಾಲೆಂಜಿಂಗ್ ಸ್ಟಾರ್ ಕ್ಲಾಪ್ ಮಾಡಿ ಶುಭಕೋರಿದ್ದಾರೆ.

ಎಲ್ಲ ಚಿತ್ರಕ್ಕೂ ಅವರೇ

''ಈ ಸಿನಿಮಾ ಮಾತ್ರವಲ್ಲ, ನನ್ನ ವೃತ್ತಿ ಜೀವನದಲ್ಲಿ ಎಷ್ಟು ಸಿನಿಮಾ ಮಾಡ್ತಿನೋ ಆ ಎಲ್ಲ ಚಿತ್ರಗಳಿಗೂ ದರ್ಶನ್ ಅವರೇ ಕ್ಲಾಪ್ ಮಾಡ್ತಾರೆ'' ಎನ್ನುತ್ತಾರೆ ವಿನೋದ್ ಪ್ರಭಾಕರ್.

ದರ್ಶನ್ ಕೂಡ ಅದೇ ಹೇಳಿದ್ದಾರೆ

ಅಂದ್ರೆ, ಹೀಗಂತಾ ಕೇವಲ ವಿನೋದ್ ಪ್ರಭಾಕರ್ ಮಾತ್ರ ಹೇಳಿಕೊಂಡಿದ್ದಲ್ಲ. ಇದನ್ನ ಸ್ವತಃ ದರ್ಶನ್ ಅವರೇ ಮರಿ ಟೈಗರ್ ಗೆ ಹೇಳಿದ್ದಾರಂತೆ. ಇದೊಂದು ರೀತಿ ಅದೃಷ್ಟ ಎಂದೇ ವಿನೋದ್ ಸಂತಸ ವ್ಯಕ್ತಪಡಿಸಿದ್ದಾರೆ.

'ಮರಿ ಟೈಗರ್'ಗೆ ಫುಲ್ ಸಾಥ್

ಅಂದ್ಹಾಗೆ, ದರ್ಶನ್ ಹಾಗೂ ವಿನೋದ್ ಪ್ರಭಾಕರ್ ಅವರ ಸ್ನೇಹ ನಿನ್ನೆ ಮೊನ್ನೆಯದಲ್ಲ. ತುಂಬಾ ವರ್ಷಗಳ ಸ್ನೇಹ. ಇಬ್ಬರು ಖ್ಯಾತ ಖಳನಾಯಕರ ಮಕ್ಕಳು. ಹೀಗಾಗಿ, ಆತ್ಮೀಯತೆ ಹೆಚ್ಚು. ಕೇವಲ ಸಿನಿಮಾಗೆ ಕ್ಲಾಪ್ ಮಾಡುವುದು ಮಾತ್ರವಲ್ಲ, ಚಿತ್ರದ ಉದ್ದಕ್ಕೂ ದರ್ಶನ್ ಸಾಥ್ ನೀಡುತ್ತಾರೆ, ನೀಡಿದ್ದಾರೆ ಕೂಡ ಹೌದು.

'ಯಜಮಾನ' ಸೆಟ್ ನಲ್ಲಿ ಟೈಗರ್

'ಯಜಮಾನ' ಸಿನಿಮಾದ ಶೂಟಿಂಗ್ ಸೆಟ್ ಗೆ ವಿನೋದ್ ಪ್ರಭಾಕರ್ ಭೇಟಿ ನೀಡಿದ್ದರು. ಗೆಳೆಯ ದರ್ಶನ್ ಅವರ ಚಿತ್ರೀಕರಣವನ್ನು ನೋಡಿ ಕೆಲಕಾಲ ಅವರ ಜೊತೆಗೆ ಮಾತನಾಡಿದರು. ವಿಶೇಷ ಅಂದರೆ ಈ ಚಿತ್ರದ ಒಂದು ಹಾಡಿನಲ್ಲಿ ವಿನೋದ್ ಪ್ರಭಾಕರ್ ಕೂಡ ಇದ್ದಾರೆ.