ಶಿಲ್ಪಾ ಗಣೇಶ್ ಹುಟ್ಟುಹಬ್ಬದಲ್ಲಿ ತಾರೆಯರ ರಂಗು

Recommended Video

ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಪತ್ನಿ ಹಾಗೂ ನಿರ್ಮಾಪಕಿ ಶಿಲ್ಪಾ ಗಣೇಶ್ ಇತ್ತೀಚಿಗಷ್ಟೆ ತಮ್ಮ ಹುಟ್ಟುಹಬ್ಬವನ್ನು ಆಚರಣೆ ಮಾಡಿಕೊಂಡಿದ್ದಾರೆ. ಸಿನಿಮಾರಂಗ ಹಾಗೂ ರಾಜಕೀಯ ಕ್ಷೇತ್ರದಲ್ಲಿಯೂ ಹೆಸರು ಮಾಡಿರುವ ಶಿಲ್ಪಾ ಗಣೇಶ್ ಚಿತ್ರರಂಗದ ಪ್ರತಿಯೊಬ್ಬರ ಬಳಿಯೂ ಉತ್ತಮ ಬಾಂದವ್ಯವನ್ನು ಹೊಂದಿದ್ದಾರೆ.

ಮುಖ್ಯವಾಗಿ ಸಿನಿಮಾ ನಾಯಕರ ಪತ್ನಿಯರು ಹಾಗೂ ತಂತ್ರಜ್ಞರ ಮಡದಿಯರ ಬಳಿ ಉತ್ತಮ ಸ್ನೇಹ ಹೊಂದಿರುವ ಶಿಲ್ಪಾ ಅವರ ಬರ್ತಡೇಯನ್ನು ಸ್ಯಾಂಡಲ್ ವುಡ್ ನಾಯಕಿಯರೆಲ್ಲರೂ ಸೇರಿ ಆಚರಣೆ ಮಾಡಿದ್ದಾರೆ.

ಆರ್ ಆರ್ ನಗರದಲ್ಲಿರುವ ಗಣೇಶ್ ಅವರ ಮನೆಯಲ್ಲಿ ಹುಟ್ಟುಹಬ್ಬದ ಸಂಭ್ರಮ ಜೋರಾಗಿ ನಡೆದಿದ್ದು ನಟಿಯಾದ ಹರ್ಷಿಕಾ ಪೂಣಚ್ಚ, ಅಮೂಲ್ಯ, ಮಾನ್ವಿತಾ ಹರೀಶ್, ಶಾನ್ವಿ ಶ್ರೀವತ್ಸಾ, ನಭಾ ನಟೇಶ್, ಆಶಿಕಾ ರಂಗನಾಥ್, ಸುಧಾರಾಣಿ, ಶೃತಿ, ಕಾರುಣ್ಯ ರಾಮ್ ಹೀಗೆ ಇನ್ನು ಅನೇಕರು ಹುಟ್ಟುಹಬ್ಬದ ಸಮಾರಂಭದಲ್ಲಿ ಕಾಣಿಸಿಕೊಂಡಿದ್ದರು.

ಶಿಲ್ಪಾ ಗಣೇಶ್ ಅವರ ಮನೆಯಲ್ಲಿ ನಾಯಕ ನಟಿಯರು ಕಾಣಿಸಿಕೊಂಡಿರುವುದು ಇದೇ ಮೊದಲಲ್ಲ. ಕಳೆದ ಎರಡು ಮೂರು ವರ್ಷಗಳಿಂದಲೂ ಮಹಿಳಾ ದಿನಾಚರಣೆ, ಶಿಲ್ಪಾ ಗಣೇಶ್ ಹುಟ್ಟುಹಬ್ಬ ಹೀಗೆ ವಿಶೇಷ ಸಂದರ್ಭದಲ್ಲಿ ತಾರೆಯರೆಲ್ಲರೂ ಒಟ್ಟಿಗೆ ಸೇರಿಕೊಳ್ಳುತ್ತಾರೆ.