ನಟ ಸಾರ್ವಭೌಮ ಡಾ.ರಾಜ್ ಕುಮಾರ್ ಮತ್ತು ಮಾಜಿ ಮುಖ್ಯಮಂತ್ರಿ ಬಂಗಾರಪ್ಪ ನವರ ಮೊಮ್ಮಗಳು, ಸ್ಯಾಂಡಲ್ ವುಡ್ ಕಿಂಗ್ ಶಿವರಾಜ್ ಕುಮಾರ್ ಅವರ ಮಗಳು ಡಾ.ನಿರುಪಮ ಅವರ ವಿವಾಹ ಮಹೋತ್ಸವ ಅದ್ದೂರಿಯಾಗಿ ನೆರವೇರಿದೆ. [ಶಿವರಾಜ್ ಕುಮಾರ್ ಮಗಳ ಮದುವೆ ನೋಡಿ LIVE]
ಇಂದು ಬೆಳಗ್ಗೆ 9.30-10 ಗಂಟೆವರೆಗೆ ಇದ್ದ ಮುಹೂರ್ತದಲ್ಲಿ ಡಾ.ನಿರುಪಮ ಡಾ.ದಿಲೀಪ್ ಅವರ ಕೈ ಹಿಡಿದಿದ್ದಾರೆ. ಆ ಮೂಲಕ ಇಬ್ಬರ ಎಂಟು ವರ್ಷಗಳ ಪ್ರೇಮಕ್ಕೆ ಅಧಿಕೃತ ಮುದ್ರೆ ಬಿದ್ದಂತಾಗಿದೆ. [ಡಾ.ಶಿವರಾಜ್ ಕುಮಾರ್ ಅಳಿಯ ಡಾ.ದಿಲೀಪ್ ಕುರಿತು...]
ಬೆಂಗಳೂರಿನ ಅರಮನೆ ಮೈದಾನದ ತ್ರಿಪುರ ವಾಸಿನಿಯಲ್ಲಿ ಇಂದ್ರ ಲೋಕವೇ ಧರೆಗಿಳಿದ ವೈಭವ ಇತ್ತು. ಇಬ್ಬರ ಗಟ್ಟಿಮೇಳಕ್ಕಾಗಿ ಅದ್ದೂರಿ ಮಂಟಪ ಸಿದ್ಧವಾಗಿತ್ತು. [ದೊಡ್ಮನೆ ಮೊಮ್ಮಗಳಿಗೆ ಬಳೆ ತೊಡಿಸುವ ಶಾಸ್ತ್ರದ ಚಿತ್ರಗಳು]
ಸಂಪ್ರದಾಯ ಬದ್ಧವಾಗಿ ವರ ಕಾಶಿ ಯಾತ್ರೆ ಮತ್ತು ವಧು ಗೌರಿ ಪೂಜೆ ಮುಗಿಸಿದ ಬಳಿಕ ಹಸೆ ಮಣೆ ಏರಿದರು. ಗುರು ಹಿರಿಯರ ಸಮ್ಮುಖದಲ್ಲಿ ಡಾ.ದಿಲೀಪ್ ಮತ್ತು ಡಾ.ನಿರುಪಮ ಸಪ್ತಪದಿ ತುಳಿದರು. [ದೊಡ್ಮನೆ ಮೊಮ್ಮಗಳ ಮದುವೆ ಸಂಭ್ರಮದ ಚಿತ್ರಗಳು]
ರಾಘವೇಂದ್ರ ರಾಜ್ ಕುಮಾರ್, ಪುನೀತ್ ರಾಜ್ ಕುಮಾರ್, ವಿಜಯ್ ರಾಘವೇಂದ್ರ, ಹಿರಿಯ ನಟಿ ಅಂಬಿಕಾ, ಕಾಂಗ್ರೆಸ್ ನಾಯಕ ಎಸ್.ಎಂ.ಕೃಷ್ಣ, ಸುಧಾರಾಣಿ, ವೇದಿಕಾ, ಕಾಲಿವುಡ್ ನಟ ಪ್ರಭು ಸೇರಿದಂತೆ ಹಲವಾರು ಗಣ್ಯರು ಡಾ.ನಿರುಪಮ-ಡಾ.ದಿಲೀಪ್ ಮದುವೆಗೆ ಸಾಕ್ಷಿಯಾದರು.
