ಸಿಲ್ಕ್ ಸ್ಮಿತಾರನ್ನ ದೈಹಿಕವಾಗಿ ಹಿಂಸಿಸಿದ್ದರು ಆ ನಿರ್ಮಾಪಕರು, ವಿತರಕರು.!

ದೈಹಿಕವಾಗಿ ಹಿಂಸೆ ಮಾಡಿದ್ದಾರೆ

'ಸಿಲ್ಕ್ ಸ್ಮಿತಾ ಬಹಳ ಶಕ್ತಿಯುತ ಮನೋಭಾವನೆ ಹೊಂದಿದ್ದರು. ನೋಡಲು ಸಹ ಅಷ್ಟೆ ಸುಂದರವಾಗಿಯೂ ಇದ್ದರು. ಆಕೆಗೆ ಪೊಗರು ಹೆಚ್ಚಿದೆ ಎಂದು ಅನೇಕರು ಹೇಳುತ್ತಿದ್ದರು. ಆಕೆ ಹಾಗೆ ಆಗಲು ಕಾರಣ, ಆರಂಭದಲ್ಲಿ ಸ್ಮಿತಾ ಎದುರಿಸಿದ ಕಷ್ಟಗಳು, ಅವಮಾನಗಳು. ಸಿನಿಮಾ ಶೂಟಿಂಗ್ ಮುಗಿದ ಮೇಲೂ ಪ್ರೊಡಕ್ಷನ್ ಅವರು ಆಕೆಯನ್ನ ಮಾನಸಿಕವಾಗಿ, ದೈಹಿಕವಾಗಿ ಹಿಂಸಿಸುತ್ತಿದ್ದರು ಎಂದು ರಾಮಾರಾವ್ ಹೇಳಿಕೊಂಡಿದ್ದಾರೆ'

ನಿರ್ಮಾಪಕ, ವಿತರಕ, ಫೈನಾನ್ಸರ್ ಗಳು ಕೂಡ

'ಪ್ರೊಡ್ಯೂಸರ್ ಗಳು ಸಂಜೆ ಎಲ್ಲರನ್ನ ಕಳುಹಿಸಿ ಸಿಲ್ಕ್ ಸ್ಮಿತಾ ಅವರನ್ನ ಮಾತ್ರ ಉಳಿಸಿಕೊಳ್ಳುತ್ತಿದ್ದರು. ಕಾಟೇಜ್ ನಲ್ಲಿ ಕೂರಿಸಿಕೊಂಡು, ಸ್ನಾಕ್ಸ್ ತಿನ್ನೋಣ ಅಂತ ಹೇಳಿ ಎರಡು ಪೆಗ್ ಹಾಕಿಸುತ್ತಿದ್ದರು. ಆ ನಂತರ ನಡೆಯಬೇಕಾಗಿದ್ದು ನಡೆಯುತ್ತಿತ್ತು. ನಿರ್ಮಾಪಕರು ಮಾತ್ರವಲ್ಲ, ವಿತರಕರು, ಫೈನ್ಸಾರ್ ಗಳು ಕೂಡ ಆಕೆಗೆ ಹಿಂಸೆ ನೀಡಿದ್ದಾರೆ'

ಮನಸ್ಸಿನಲ್ಲೇ ನೋವು ಅನುಭವಿಸುತ್ತಿದ್ದರು

'ನಿರ್ಮಾಪಕರು, ವಿತರಕರು, ಫೈನ್ಸಾರ್ ಗಳು ಎಷ್ಟೇ ಹಿಂಸೆ ನೀಡಿದರೂ ಆ ಎಲ್ಲ ನೋವನ್ನ ತನ್ನ ಮನಸ್ಸಿನಲ್ಲೇ ಇಟ್ಟುಕೊಂಡು ನೋವು ಅನುಭವಿಸಿದರು. ಸಿನಿಮಾ ಇಂಡಸ್ಟ್ರಿಯಲ್ಲಿ ಇದೆಲ್ಲ ಸಹಜ, ಇದಕ್ಕೆ ಮೊದಲೇ ತಯಾರಾಗಿ ಬರಬೇಕು. ಇದನ್ನ ತಡೆದುಕೊಳ್ಳಬೇಕು ಎಂದು ಸಿಲ್ಕ್ ಸ್ಮಿತಾ ಹೇಳುತ್ತಿದ್ದರಂತೆ.

ದುಡ್ಡಿದ್ದರೂ ಮನಃಶಾಂತಿ ಇಲ್ಲ ಎಂದು ಕೊರಗುತ್ತಿದ್ದರು

'ದುಡ್ಡಿದ್ದರೇ ಸುಖಪಡಬಹುದು ಎಂದುಕೊಳ್ಳಬಹುದು. ಆದ್ರೆ, ಆಕೆಯ ಬಳಿ ಹೆಚ್ಚು ದುಡ್ಡಿತ್ತು. ಆದ್ರೆ, ಸುಖ, ಮನಃಶಾಂತಿ ಇಲ್ಲ ಎಂದು ಕೊರಗುತ್ತಿದ್ದಳಂತೆ. ಇದು ಸಿಲ್ಕ್ ಸ್ಮಿತಾ ಅವರನ್ನ ಮಾನಸಿಕವಾಗಿ ಚುಚ್ಚುತ್ತಿತ್ತು. ಆಕೆಯ ಸ್ನೇಹಿತ ರಾಧಾಕೃಷ್ಣ ಅವರಿಂದ ಕೂಡ ತುಂಬಾ ಕಷ್ಟ ಅನುಭವಿಸಿದ. ಆತ ಬ್ಲಾಕ್ ಮೇಲ್ ಮಾಡುತ್ತಿದ್ದ' ಎಂದು ರಾಮಾರಾವ್ ತಿಳಿಸಿದ್ದಾರೆ.

ದಿನಕ್ಕೆ ಒಂದು ಲಕ್ಷ

''ಆಗಿನ ಕಾಲಕ್ಕೆ ಸಿಲ್ಕ್ ಸ್ಮಿತಾ ಅವರ ಕಾಲ್ ಶೀಟ್ ಬೇಕು ಅಂದಿದ್ದರೇ, ಸಿನಿಮಾ ಸಂಭಾವನೆ ಬಿಟ್ಟು ದಿನಕ್ಕೆ ಒಂದು ಲಕ್ಷ ಹಣ ನೀಡಬೇಕಿತ್ತು. ಆಕೆಯ ಡೇಟ್ ಪಡೆಯಲು ಕೈಯಲ್ಲಿ ಐದಾರು ಲಕ್ಷ ಇಟ್ಕೊಂಡು ಬೆಳಿಗ್ಗೆನೇ ಬಂದು ಸ್ಮಿತಾನ ಕರೆದುಕೊಂಡು ಹೋಗುತ್ತಿದ್ದರು. ಬಂದ ಹಣವನ್ನೆಲ್ಲಾ ರಾಧಾಕೃಷ್ಣ ಬಳಿ ಬ್ಯಾಂಕಿನಲ್ಲಿ ಇಡಲು ಕೊಡುತ್ತಿದ್ದರು'' ಎಂದು ರಾಮಾರಾವ್ ನೆನಪು ಮೆಲುಕು ಹಾಕಿದ್ದಾರೆ.