ಪ್ರಭಾಸ್ ಮತ್ತು ಯಶ್ ನಡುವೆ ಇಷ್ಟೊಂದು ಸಾಮ್ಯತೆ ಇದ್ಯಾ.?

ಪ್ರಭಾಸ್ 18, ಯಶ್ 19

2002ರಲ್ಲಿ ತೆರೆಕಂಡ 'ಈಶ್ವರ್' ಚಿತ್ರದ ಮೂಲಕ ನಾಯಕನಾದ ಪ್ರಭಾಸ್ ಇಲ್ಲಿಯವರೆಗೂ 18 ಚಿತ್ರಗಳಲ್ಲಿ ನಟಿಸಿದ್ದಾರೆ. 19ನೇ ಸಿನಿಮಾ 'ಸಾಹೋ' ಶೂಟಿಂಗ್ ನಡೆಯುತ್ತಿದೆ. ಅದೇ ರೀತಿ 'ಮೊಗ್ಗಿನ ಮನಸ್ಸು' ಚಿತ್ರದ ಮೂಲಕ ಪ್ರಮುಖ ನಟನಾಗಿ ಕಾಣಿಸಿಕೊಂಡ ಯಶ್ ಇದುವರೆಗೂ 19 ಸಿನಿಮಾದಲ್ಲಿ ನಟಿಸಿದ್ದಾರೆ. ಇದರಲ್ಲಿ ಮೂರು ಚಿತ್ರದಲ್ಲಿ ಅತಿಥಿ ಪಾತ್ರ ನಿರ್ವಹಿಸಿದ್ದಾರೆ. ಈಗ 20ನೇ ಸಿನಿಮಾ ಕೆಜಿಎಫ್. ಹಾಗ್ನೋಡಿದ್ರೆ, ಇಬ್ಬರ ಸಿನಿಮಾ ಸಂಖ್ಯೆಯಲ್ಲಿ ಅಷ್ಟಾಗಿ ವ್ಯತ್ಯಾಸವಿಲ್ಲ.

ಬಾಹುಬಲಿ ಮತ್ತು ಕೆಜಿಎಫ್

'ಬಾಹುಬಲಿ' ಸಿನಿಮಾ ಬರೋವರೆಗೂ ಪ್ರಭಾಸ್ ಕೇವಲ ತೆಲುಗು ಸಿನಿಮಾಗಳನ್ನ ಮಾತ್ರ ಮಾಡಿದ್ದರು. ಬಾಹುಬಲಿಗೂ ಮುಂಚೆ ಪ್ರಭಾಸ್ ಮಾಡಿದ ಚಿತ್ರ 'ಮಿರ್ಚಿ'. ಬಾಹುಬಲಿ ಹಿಟ್ ಆದ್ಮೇಲೆ ಪ್ರಭಾಸ್ ಹಣೆಬರಹವೇ ಬದಲಾಯ್ತು. ಅದೇ ರಿತಿ ಕೆಜಿಎಫ್ ಸಿನಿಮಾ ಆಗೋವರೆಗೂ ಯಶ್ ಬರಿ ಕನ್ನಡ ಸಿನಿಮಾಗಳನ್ನ ಮಾತ್ರ ಮಾಡಿದ್ದಾರೆ. ಕೆಜಿಎಫ್ ಗೂ ಮುಂಚೆ 'ಸಂತು ಸ್ಟ್ರೈಟ್ ಫಾರ್ವಾಡ್' ಕೊನೆಯ ಚಿತ್ರ. ಈಗ ಕೆಜಿಎಫ್ ಮೂಲಕ ರಾಷ್ಟ್ರಾದ್ಯಂತ ಹೊರಟಿದ್ದಾರೆ. ಇಲ್ಲಿಯೂ ಪ್ರಭಾಸ್ ಮತ್ತು ಯಶ್ ಒಂದೇ ಹೆಜ್ಜೆ ಇಟ್ಟಿದ್ದಾರೆ.

ಚಾಪ್ಟರ್-2 ಕಹಾನಿ

ಪ್ರಭಾಸ್ ಜೀವನದಲ್ಲಿ ಅತಿ ದೊಡ್ಡ ಯಶಸ್ಸು ತಂದು ಕೊಟ್ಟ ಸಿನಿಮಾ ಬಾಹುಬಲಿ ಎರಡು ಭಾಗಗಳಾಗಿ ಮೂಡಿಬಂದಿತ್ತು. ಬಾಹುಬಲಿ ದಿ ಬಿಗಿನಿಂಗ್ ಮತ್ತು ಬಾಹುಬಲಿ ದಿ ಕನ್ ಕ್ಲೂಷನ್. ಈಗ ಕೆಜಿಎಫ್ ಸಿನಿಮಾನೂ ಎರಡು ಚಾಪ್ಟರ್ ಆಗಿ ತೆರೆಗೆ ಬರ್ತಿದೆ. ಒಂದೇ ಹಂತದಲ್ಲಿ ಇಬ್ಬರು ಸಿನಿಮಾಗಳು, ಬಹುಭಾಷೆಯಲ್ಲಿ ಮತ್ತು ಎರಡು ಭಾಗಗಳಾಗಿ ಬರ್ತಿರೋದು ಗಮನಾರ್ಹ.

ಡೆಡಿಕೇಷನ್ ವಿಷ್ಯದಲ್ಲೂ ಮ್ಯಾಚ್

ಹಾಗ್ನೋಡಿದ್ರೆ ಬಾಹುಬಲಿ ಚಿತ್ರಕ್ಕಾಗಿ ಪ್ರಭಾಸ್ ಉಳಿದ ಚಿತ್ರಗಳನ್ನ ಕೈಬಿಟ್ಟರು. ನಾಲ್ಕೈದು ವರ್ಷ ಒಂದೇ ಚಿತ್ರಕ್ಕಾಗಿ ಕಾಲ್ ಶೀಟ್ ಕೊಟ್ಟರು. ಅದೇ ರೀತಿ ಯಶ್ ಕೂಡ ಕೆಜಿಎಫ್ ಚಿತ್ರಕ್ಕಾಗಿ ಡೆಡಿಕೇಟ್ ಮಾಡಿದ್ದಾರೆ. ಈ ಸಿನಿಮಾ ಮಧ್ಯೆ ಬೇರೆ ಯಾವ ಸಿನಿಮಾನೂ ಮಾಡಿಲ್ಲ. ಒಂದೇ ಚಿತ್ರಕ್ಕಾಗಿ ಗಡ್ಡ ಬಿಟ್ಟು ಮೂರು ವರ್ಷ ಇದ್ದರು. ಇಲ್ಲಿಯೂ ಇಬ್ಬರ ಡೆಡಿಕೇಷನ್ ಬಗ್ಗೆ ಚರ್ಚೆಯಾಗಿದೆ.

ನ್ಯಾಷನಲ್ ಸ್ಟಾರ್ ಪಟ್ಟ

ಬಾಹುಬಲಿ ಚಿತ್ರದ ಸಕ್ಸಸ್ ನಂಗರ ಪ್ರಭಾಸ್ ನ್ಯಾಷನಲ್ ಸ್ಟಾರ್ ಆಗೋದ್ರು. ಈಗ ಅದೇ ರೀತಿ ಯಶ್ ಕೂಡ ನ್ಯಾಷನಲ್ ಸ್ಟಾರ್ ಪಟ್ಟದತ್ತಿರ ಸಾಗುತ್ತಿದ್ದಾರೆ. ಈಗಾಗಲೇ ಯಶ್ ನ್ಯಾಷನಲ್ ಸ್ಟಾರ್ ಎಂದು ಕರೆಸಿಕೊಳ್ಳುತ್ತಿದ್ದಾರೆ. ಆದ್ರೆ, ಕೆಜಿಎಫ್ ಬಿಡುಗಡೆಯ ನಂತರ ಅದು ಅಧಿಕೃತವಾಗಿ 'ರಾಕಿ' ಮುಡಿಗೇರಲಿದೆ.