ಕೆಜಿಎಫ್ 2 ಬಗ್ಗೆ ಕಾಡುತ್ತಿರುವ ಪ್ರಶ್ನೆಗಳು: ಅಚ್ಚರಿಯಾದ್ರೂ ನಂಬಲೇಬೇಕು.!

ರಾಕಿ ಭಾಯ್ ಸಾಯುತ್ತಾನಾ?

ರಾಕಿ ಭಾಯ್ ದೇಶದ ಅತಿ ದೊಡ್ಡ ಡಾನ್ ಆಗ್ತಾನೆ ಎನ್ನುವುದಕ್ಕೆ ಮೊದಲ ಭಾಗದಲ್ಲೇ ಸುಳಿವು ನೀಡಿದ್ದಾರೆ. ಚಾಪ್ಟರ್ 2 ನಲ್ಲಿ ರಾಕಿ ಭಾಯ್ ಅಟ್ಟಹಾಸ ಸ್ವಲ್ಪ ಹೆಚ್ಚಾಗುತ್ತೆ ಮತ್ತು ಮುಂಬೈನಲ್ಲಿದ್ದ ರಾಕಿ ಪವರ್ ದೇಶಾದ್ಯಂತ ವಿಸ್ತರಿಸುತ್ತೆ ಎಂಬುದು ಈಗಾಗಲೇ ಊಹಿಸಿಕೊಂಡಿರುವ ಕಥೆ. ಈ ಕಥೆಯಲ್ಲಿ ರಾಕಿ ಸಾಯ್ತಾನಾ ಎಂಬ ಅನುಮಾನವೂ ಇದೆ.

ರೀನಾ ಮದುವೆಯಾಗ್ತಾನಾ ರಾಕಿ?

ರಾಕಿ ಭಾಯ್ ಗೆ ರೀನಾ ಕಂಡ್ರೆ ತುಂಬಾ ಇಷ್ಟ. ಆರಂಭದಲ್ಲಿ ಇಷ್ಟವಿಲ್ಲದಿದ್ದರೂ ಅಂತಿಮವಾಗಿ ರೀನಾಗೂ ರಾಕಿ ಮೇಲೆ ಲವ್ ಆಗುತ್ತೆ. ಮೊದಲ ಭಾಗದಲ್ಲಿ ಇವರಿಬ್ಬರ ಕಥೆಯನ್ನ ಅರ್ಧಕ್ಕೆ ಬಿಟ್ಟಿದ್ದ ನಿರ್ದೇಶಕರು, ಪಾರ್ಟ್ 2 ನಲ್ಲಿ ರಾಕಿ ಮತ್ತು ರೀನಾ ಮದ್ವೆ ಮಾಡಿಸ್ತಾರಾ ಎಂಬ ಕುತೂಹಲ ಹುಟ್ಟಿಕೊಂಡಿದೆ.

ಅಮ್ಮನ ಆಸೆ ಈಡೇರಿಸ್ತಾನಾ ರಾಕಿ?

''ನೀನು ಹೇಗೆ ಬದುಕ್ತಿಯೋ ನನಗೆ ಗೊತ್ತಿಲ್ಲ. ಆದ್ರೆ, ಸಾಯುವಾಗ ಅತ್ಯಂತ ಪ್ರಬಲನಾಗಿ, ಶ್ರೀಮಂತನಾಗಿ ಸಾಯಿಬೇಕು'' ಎಂದು ಮಾತು ರಾಕಿ ಭಾಯ್ ತಾಯಿ ಮಾತು ತೆಗೆದುಕೊಂಡಿದ್ದರು. ಆ ಮಾತನ್ನ ಮನಸ್ಸಿನಲ್ಲಿ ಇಟ್ಟು ರಾಕಿ ಹೆಜ್ಜೆಯಿಟ್ಟಿದ್ದ. ಬಹುಶಃ ಅಮ್ಮನ ಆಸೆ ಈಡೇರಿಸುವ ದೃಷ್ಟಿಯಿಂದ ಅತ್ಯಂತ ಪ್ರಬಲ ಹಾಗೂ ಶ್ರೀಮಂತನಾಗಿ ಸಾಯ್ತಾನಾ?

ಚಾಪ್ಟರ್ 2 ಕಥೆ ಏನು?

ಕೆಜಿಎಫ್ ನ ಅಸಲಿ ಮಹತ್ವವೇನು ಎಂಬುದನ್ನ ರಾಕಿ ಭಾಯ್ ತಿಳಿದುಕೊಂಡಿದ್ದಾನೆ. ಕೇವಲ ಸುಪಾರಿಗಾಗಿ ಕೊಲೆ ಮಾಡಲು ಬಂದಿದ್ದ ರಾಕಿ, ಈಗ ಕೆಜಿಎಫ್ ವಶಪಡಿಸಿಕೊಂಡು ಅಧಿಕಾರ ಮುಂದುವರಿಸ್ತಾನಾ ಎಂಬುದು ಸದ್ಯದ ಕುತೂಹಲ. ಈ ನಡುವೆ ಕೆಜಿಎಫ್ ಗಾಗಿ ಸಂಚು ಹಾಕಿ ಕೂತಿರುವ ಕೆಲವು ಡಾನ್ ಗಳು ರಾಕಿಯನ್ನ ಏನ್ ಮಾಡ್ತಾರೆ ಎಂಬುದನ್ನ ಸಿನಿಮಾದಲ್ಲೇ ಕಾದುನೋಡಬೇಕಿದೆ.