ಹೆಸರಲ್ಲೇ 'ಸ್ಟೋರಿ' ಹೊಂದಿರುವ ಚಿತ್ರದ ಕಥೆಯೇನು?

ಈಗಾಗಲೇ ಆಡಿಯೋ ಬಿಡುಗಡೆಯಾಗಿದ್ದು ಚಿತ್ರದ ಎಲ್ಲಾ ಹಾಡುಗಳಿಗೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ ಎಂದಿದೆ ಚಿತ್ರತಂಡ. ತಮ್ಮ ನಿರ್ಮಾಣ ಹಾಗೂ ನಿರ್ದೇಶನದ ಚಿತ್ರದ ಬಗ್ಗೆ ಮಾತನಾಡಿರುವ ಜಗದೀಶ್ ಕೆಆರ್, 'story ಕಥೆ' ಸ್ಟೋರಿ ಕಥೆ ವಿಭಿನ್ನ ಹಾಗೂ ವಿಶಿಷ್ಠ ಸಿನಿಮಾ. ಹೆಸರಿನಲ್ಲಿ ಮಾತ್ರವಲ್ಲದೇ ಕಥೆ, ಚಿತ್ರಕಥೆ, ಸಂಭಾಷಣೆ, ನಿರೂಪಣೆ ಎಲ್ಲವೂ ಇದರಲ್ಲಿ ತೀರಾ ವಿಭಿನ್ನ.

ಒಟ್ಟಾರೆಯಾಗಿ ಈ ಚಿತ್ರದ ಮೇಕಿಂಗ್ ಕನ್ನಡದಲ್ಲಿ ಹೊಸ ರೀತಿಯದು. ಕಥೆಯಿದೆ, ಕಥೆ ಚೆನ್ನಾಗಿದೆ. ಚಿತ್ರಕಥೆಯಿದೆ, ಅದೂ ಸೂಪರ್. ನಿರೂಪಣೆಯೂ ನವಿರಾಗಿದ್ದು ಎಲ್ಲಾ ವರ್ಗದ ಪ್ರೇಕ್ಷಕರಿಗೆ ಇಷ್ಟವಾಗುವಂತಿದೆ" ಎಂದಿದ್ದಾರೆ ಮೊದಲ ಬಾರಿಗೆ ಕಥೆ, ಚಿತ್ರಕಥೆ ಹಾಗೂ ಸಂಭಾಷಣೆಯೊಂದಿಗೆ ನಿರ್ದೇಶನವನ್ನೂ ಮಾಡಿರುವ ನವನಿರ್ದೇಶಕ ಜಗದೀಶ್ ಕೆಆರ್.

ಒಟ್ಟಿನಲ್ಲಿ, ಹೆಸರಿನಲ್ಲೇ 'story ಕಥೆ' ಹೊಂದಿರುವ ಈ ಚಿತ್ರವು ಬರುವ ತಿಂಗಳ ಮೊದಲ ವಾರದಲ್ಲಿ ತೆರೆಗೆ ಬರಲಿದೆ. ಸಿಂಗಲ್ ಸ್ಕ್ರೀನ್ ಹಾಗೂ ಮಲ್ಟಿಫ್ಲೆಕ್ಸ್ ಎರಡರಲ್ಲೂ ಬಿಡುಗಡೆಯಾಗಲಿರುವ ಈ ಚಿತ್ರ, ಹೆಸರಿಗೆ ತಕ್ಕಂತೆ 'story, ಕಥೆ' ಹೊಂದಿರಬಹುದು ಎಂಬುದು ಗಾಂಧಿನಗರದ ಲೆಕ್ಕಾಚಾರ. ಈ ಆಕರ್ಷಕ ಚಿತ್ರದ ಬಿಡುಗಡೆಯನ್ನು ಕನ್ನಡ ಸಿನಿಪ್ರೇಕ್ಷಕರು ಕಾಯುತ್ತಿದ್ದಾರೆ.

ಮುಂದಿನ ತಿಂಗಳು ತೆರೆಗೆ ಬರಲಿರುವ ಈ ಚಿತ್ರವು ಜನರ ನಿರೀಕ್ಷೆ ಮೀರಿ ಯಶಸ್ವಿಯಾಗಲಿದೆ ಎಂಬುದು ಪ್ರತಿಭೆಯನ್ನು ನಂಬಿರುವ ಆತ್ಮವಿಶ್ವಾಸ ತುಂಬಿರುವ ನಿರ್ದೇಶಕ ಜಗದೀಶ್ ಕೆಆರ್ ಹಾಗೂ ಚಿತ್ರತಂಡದ ಮಾತು. ನಿರೀಕ್ಷೆ ನಿಜವಾಗಬಹುದೇ? ಆಗಲಿ ಎಂಬುದು ಆರು ಕೋಟಿಗೂ ಮೀರಿದ ಕನ್ನಡಿಗರ ಆಸೆ... (ಒನ್ ಇಂಡಿಯಾ ಕನ್ನಡ)