'ಮಳೆ'ಯಲ್ಲಿ ಪ್ರೇಮ್ ಕೊಡೆ ಹಿಡಿಯೋದು ಯಾರಿಗೆ?

ಚಾರ್ಮಿನಾರ್ ಚಿತ್ರದಿಂದ ಮತ್ತೆ ಸಕ್ಸಸ್ ನ ಟ್ರ್ಯಾಕ್ ಗೆ ಬಂದ ಲವ್ಲೀ ಸ್ಟಾರ್ ಪ್ರೇಮ್ ಈಗ 'ಮಳೆ' ಚಿತ್ರದ ಮೂಲಕ ಸ್ಟೈಲಿಷ್ ಸ್ಟಾರ್ ಆದರು. ಮೊದಲು ಶುರುವಾಗಬೇಕಿದ್ದ 'ಮಳೆ' ಚಿತ್ರ ಸದ್ಯ ನಿಂತುಹೋಗಿದೆ. ನವೆಂಬರ್ 15ರಿಂದ ಮಳೆ ಶೂಟಿಂಗ್ ಶುರುವಾಗಬೇಕಿತ್ತು.

ಆದರೆ 'ಬ್ರಹ್ಮ' ಚಿತ್ರ ಲೇಟಾಗ್ತಿರೋದ್ರಿಂದ ಸ್ವಲ್ಪ ನಿಧಾನವಾಗಿ ಶುರುವಾಗಲಿದೆ. ಮಳೆಯಲ್ಲಿ ಪ್ರೇಮ್ ಕೊಡೆ ಹಿಡಿಯೋದು ಯಾರಿಗೆ ಅನ್ನೋ ಕುತೂಹಲ ಎಲ್ಲರಲ್ಲೂ ಶುರುವಾಗಿದೆ. ದೊಡ್ಡ ಹೀರೋಯಿನ್ ಒಬ್ಬರನ್ನ ಪ್ರೇಮ್ ಗೆ ಜೋಡಿಯಾಗಿಸಬೇಕು ಅಂತ ಕಾದಿರೋ ನಿರ್ದೇಶಕ ತೇಜಸ್ ಅವರು ರಾಧಿಕಾ ಪಂಡಿತ್ ಆದ್ರೆ ಓಕೆ ಅಂತಿದ್ದಾರೆ. [ಲವ್ಲಿ ಸ್ಟಾರ್ ಪ್ರೇಮ್ ಮುಡಿಗೆ ಹೊಸ ಬಿರುದು]

ಪ್ರೇಮ್ ಕುಮಾರ್

ಕಡೆಗೆ ಯಾರೂ ಸಿಗದಿದ್ರೆ ಪರಭಾಷೆಯ ಹೀರೋಯಿನ್ ಗೆ ಗಾಳ ಹಾಕಬೇಕಾಗುತ್ತೆ ಅನ್ನೋ ಯೋಚನೆ ನಿರ್ದೇಶಕರದ್ದು. 'ಮಳೆ' ನಿಂತು ಹೋಗಿರೋದ್ರಿಂದ ಪ್ರೇಮ್ ಈಗ 'ಫೇರ್ ಅಂಡ್ ಲವ್ಲಿ' ಚಿತ್ರದಲ್ಲಿ ಬಿಜಿ. ಈ 'ಫೇರ್ ಅಂಡ್ ಲವ್ಲಿ'ಯಲ್ಲಿ ಪ್ರೇಮ್ ಗೆ ಜೋಡಿಯಾಗಿರೋದು 'ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ' ಹುಡುಗಿ ಶ್ವೇತಾ ಶ್ರೀವಾತ್ಸವ್.