ಸಲ್ಲು 'ದಬಾಂಗ್' ಬಗ್ಗೆ ಸುದೀಪ್ ಕೊಟ್ಟ ಎಕ್ಸ್ ಕ್ಲೂಸಿವ್ ಮಾಹಿತಿ

'ದಬಾಂಗ್-3' ಮಾಡೋದು ಪಕ್ಕಾ

ಸಲ್ಮಾನ್ ಖಾನ್ ಜೊತೆ ಸುದೀಪ್ ಸಿನಿಮಾ ಮಾಡ್ತಾರೆ ಎನ್ನುವುದು ಬಹಳ ವರ್ಷಗಳ ಹಿಂದಿನ ಟಾಕ್. ಆದ್ರೆ, ಯಾವ ಚಿತ್ರದಲ್ಲಿ ಅನ್ನೋದು ಖಚಿತವಾಗಿರಲಿಲ್ಲ. ಎಲ್ಲರು ಅಂದುಕೊಂಡಂತೆ ಸಲ್ಲು ಅಭಿನಯಿಸಿದ್ದ 'ಟೈಗರ್ ಜಿಂದಾ ಹೈ' ಚಿತ್ರದಲ್ಲಿ ಸುದೀಪ್ ಇರಬೇಕಿತ್ತು. ಬಟ್, ಆ ಚಿತ್ರದಲ್ಲಿ ಸುದೀಪ್ ಪಾತ್ರವಿರಲಿಲ್ಲ. ಸುದೀಪ್ ಮಾಡಬೇಕಿರುವುದು 'ದಬಾಂಗ್-3'. ಇದು ಪಕ್ಕಾ ಎಂದು ಸ್ವತಃ ಸುದೀಪ್ ಸಂದರ್ಶನವೊಂದರಲ್ಲಿ ಸ್ಪಷ್ಟಪಡಿಸಿದ್ದಾರೆ.

'ಭಾರತ್' ಚಿತ್ರದಿಂದ ಪೋಸ್ಟ್ ಪೋನ್

ಎಲ್ಲ ಅಂದುಕೊಂಡಂತೆ ಆಗಿದ್ದರೇ 'ದಬಾಂಗ್-3' ಸಿನಿಮಾ ಇಷ್ಟೊತ್ತಿಗಾಗಲೇ ಸೆಟ್ಟೇರಬೇಕಿತ್ತು. ಆದ್ರೆ, ಸಲ್ಮಾನ್ ಖಾನ್ ಅವರು 'ಭಾರತ್' ಚಿತ್ರವನ್ನ ಕೈಗೆತ್ತಿಕೊಂಡ ಕಾರಣ 'ದಬಾಂಗ್-3' ಮುಂದಕ್ಕೆ ಹೋಗಿತ್ತು. ಇದೀಗ, ಆ ಸಮಯ ಬಂದಿದೆ. 'ದಬಾಂಗ್-3' ಮಾಡ್ತಿದ್ದೀವಿ ಎಂದು ಅಭಿನಯ ಚಕ್ರವರ್ತಿ ಪ್ರಕಟ ಮಾಡಿದ್ದಾರೆ.

ಸುದೀಪ್ ಗಾಗಿ ಪಾತ್ರ ಕ್ರಿಯೇಟ್ ಆಗಿದೆ

ಅಂದ್ಹಾಗೆ, 'ದಬಾಂಗ್-3' ಚಿತ್ರವನ್ನ ಪ್ರಭುದೇವ ನಿರ್ದೇಶನ ಮಾಡ್ತಿದ್ದಾರೆ. ಈ ಚಿತ್ರದಲ್ಲಿ ಸುದೀಪ್ ಗಾಗಿಯೇ ಒಂದು ವಿಶೇಷ ಪಾತ್ರವನ್ನ ಕ್ರಿಯೇಟ್ ಮಾಡಿದ್ದು, ಕಥೆ ಕೇಳಿ ಕಿಚ್ಚ ಥ್ರಿಲ್ ಆಗಿದ್ದರಂತೆ. ಸುದೀಪ್ ಅವರೇ ಮಾಡಬೇಕು ಎಂದು ಪ್ರಭುದೇವ ಕಾದು ಸಿನಿಮಾ ಮಾಡ್ತಿದ್ದಾರಂತೆ.

ಇನ್ನೊಬ್ಬ ಹೀರೋ ಮಾಡಬೇಕಿರುವ ಪಾತ್ರ

'ದಬಾಂಗ್-3' ಚಿತ್ರದಲ್ಲಿ ಸಲ್ಮಾನ್ ಖಾನ್ ಹೀರೋ. ಪ್ರಮುಖ ಪಾತ್ರವೊಂದರಲ್ಲಿ ಸುದೀಪ್ ಕಾಣಿಸಿಕೊಳ್ಳಲಿದ್ದು, ಸುದೀಪ್ ಗೆ ಈ ಸಿನಿಮಾದಲ್ಲಿ ಹಾಡು ಕೂಡ ಇದೆಯಂತೆ. ಈ ಪಾತ್ರವನ್ನ ಸಾಮಾನ್ಯ ಕಲಾವಿದ ಮಾಡೋದಕ್ಕೆ ಆಗಲ್ಲ. ಇದನ್ನ ಇನ್ನೊಬ್ಬ ಹೀರೋ ಮಾಡಬೇಕಾದ ಪಾತ್ರ ಎಂದು ಸುದೀಪ್ ಸುಳಿವು ನೀಡಿದ್ದಾರೆ.

ಮಾರ್ಚ್-ಏಪ್ರಿಲ್ ನಲ್ಲಿ ಆರಂಭ

'ದಬಾಂಗ್-3' ಸಿನಿಮಾ ಏಪ್ರಿಲ್ ಅಥವಾ ಮಾರ್ಚ್ ತಿಂಗಳಲ್ಲಿ ಆರಂಭವಾಗುತ್ತಿದೆ. ಈ ಕಡೆ ಸುದೀಪ್ 'ಪೈಲ್ವಾನ್' ಮುಗಿಸಿ ಜೊತೆಗೆ 'ಕೋಟಿಗೊಬ್ಬ-3' ಚಿತ್ರವನ್ನ ಕೂಡ ಮುಗಿಸುವ ಹಂತದಲ್ಲಿದ್ದಾರೆ. ಕೋಟಿಗೊಬ್ಬ ಮುಗಿದ ತಕ್ಷಣ ದಬಾಂಗ್ ಸೆಟ್ ಗೆ ಸುದೀಪ್ ಹಾಜರಾಗಲಿದ್ದಾರಂತೆ.