ಪುನೀತ್ ಮನೆಗೆ ಭೇಟಿ ನೀಡಿದ ತಮಿಳು ಹಾಸ್ಯ ನಟ ಯೋಗಿಬಾಬು

ತಮಿಳಿನ ಬಹುಬೇಡಿಕೆ ಹಾಸ್ಯ ನಟ ಯೋಗಿ ಬಾಬು ಅವರು ಕನ್ನಡ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರನ್ನು ಭೇಟಿ ಮಾಡಿದ್ದಾರೆ.

Recommended Video

ಇತ್ತೀಚಿಗಷ್ಟೆ ಬೆಂಗಳೂರಿಗೆ ಬಂದಿದ್ದ ನಟ ಯೋಗಿ ಬಾಬು ಅವರು ಸದಾಶಿವನಗರದಲ್ಲಿರುವ ಪುನೀತ್ ರಾಜ್ ಕುಮಾರ್ ಮನೆಗೆ ಭೇಟಿ ನೀಡಿ ಅಪ್ಪು ಜೊತೆ ಮಾತನಾಡಿದ್ದಾರೆ. ಈ ಫೋಟೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಕೆಲಸದ ನಿಮಿತ್ತ ಬೆಂಗಳೂರಿಗೆ ಆಗಮಿಸಿದ್ದ ಯೋಗಿಬಾಬು ಎರಡ್ಮೂರು ದಿನದಿಂದ ಸಿಲಿಕಾನ್ ಸಿಟಿಯಲ್ಲಿ ತಂಗಿದ್ದರು ಎನ್ನಲಾಗಿದೆ. ಹೀಗಾಗಿ, ಅಣ್ಣಾವ್ರ ಮನೆಗೆ ಭೇಟಿ ಮಾಡಿದ್ದಾರೆ. ಸಹಜವಾಗಿ ತಮಿಳು ಹಾಗೂ ತೆಲುಗಿನ ನಟರು ಬೆಂಗಳೂರಿಗೆ ಬಂದರೆ ದೊಡ್ಮನೆಗೆ ಹೋಗುವುದು ಸಂಪ್ರಾದಯ.

ಪ್ರಸ್ತುತ ತಮಿಳು ಇಂಡಸ್ಟ್ರಿಯಲ್ಲಿ ಯೋಗಿ ಬಾಬು ಬೇಡಿಕೆಯ ನಟ. ರಜನಿಕಾಂತ್, ವಿಜಯ್, ವಿಶಾಲ್, ಸೂರ್ಯ, ಅಜಿತ್, ಆರ್ಯ ಸೇರಿದಂತೆ ಬಹುತೇಕ ಎಲ್ಲ ಸ್ಟಾರ್‌ಗಳ ಚಿತ್ರದಲ್ಲಿ ಖಾಯಂ ನಟ ಆಗಿದ್ದಾರೆ.

ನಯನತಾರ ಕಾಂಬಿನೇಷನ್‌ನಲ್ಲಿ ನಟಿಸಿದ 'ಕೋಲಮಾವು ಕೋಕಿಲ' ಸಿನಿಮಾ ಬಳಿಕ ಯೋಗಿ ಬಾಬು ಖದರ್ ಬದಲಾಯಿತು. ಈ ಚಿತ್ರದ ಅಭಿನಯಕ್ಕಾಗಿ ಅತ್ಯುತ್ಯುಮ ಹಾಸ್ಯ ನಟ ಸೈಮಾ ಪ್ರಶಸ್ತಿ ಸಹ ಪಡೆದುಕೊಂಡರು.

2019ರಲ್ಲಿ ಸುಮಾರು 32ಕ್ಕೂ ಅಧಿಕ ಚಿತ್ರಗಳಲ್ಲಿ ಯೋಗಿಬಾಬು ನಟಿಸಿದ್ದಾರೆ. 2020ನೇ ವರ್ಷದಲ್ಲೂ ಬಹಳ ಬ್ಯುಸಿಯಿರುವ ನಟ ಬ್ಯಾಕ್ ಟು ಬ್ಯಾಕ್ ಚಿತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.