6 ನಿಮಿಷದಲ್ಲಿ ಹಳೆ ದಾಖಲೆ ಉಡೀಸ್ ಮಾಡಿದ ಯಜಮಾನ ಟೈಟಲ್ ಹಾಡು.!

6 ನಿಮಿಷದಲ್ಲಿ ಒಂದು ಲಕ್ಷ

ಯಜಮಾನ ಚಿತ್ರದ ಟೈಟಲ್ ಹಾಡು ಆರು ನಿಮಿಷದಲ್ಲಿ ಒಂದು ಲಕ್ಷ ವೀಕ್ಷಣೆ ಪಡೆದುಕೊಂಡಿದೆ. ಇದನ್ನ ಸ್ವತಃ ಡಿ ಬೀಟ್ಸ್ ಅಧಿಕೃತವಾಗಿ ಘೋಷಿಸಿದೆ. ಇದು ಅತಿ ವೇಗವಾಗಿ ಒಂದು ಲಕ್ಷ ವೀಕ್ಷಣೆ ಪಡೆದ ಕನ್ನಡ ಹಾಡು ಎನಿಸಿಕೊಂಡಿದೆ.

20 ನಿಮಿಷದಲ್ಲಿ 2 ಲಕ್ಷ

ಮೊದಲ ಆರು ನಿಮಿಷದಲ್ಲಿ ಒಂದು ಲಕ್ಷ ವೀಕ್ಷಣೆ ಕಂಡ ಯಜಮಾನ 20 ನಿಮಿಷ ಆಗುವಷ್ಟರಲ್ಲಿ 2 ಲಕ್ಷ ವೀಕ್ಷಣೆ ಪಡೆದುಕೊಂಡಿದೆ. ಈ ಹಿಂದೆ ಬಂದಿದ್ದ ಯಜಮಾನ ಚಿತ್ರದ ಬಸಣ್ಣಿ ಹಾಡು ಕೂಡ ಆರು ನಿಮಿಷದಲ್ಲಿ ಒಂದು ಲಕ್ಷ ವೀಕ್ಷಣ ಕಂಡಿದೆ. ಒಂದು ಮುಂಜಾನೆ ಹಾಡು ಏಳು ನಿಮಿಷದಲ್ಲಿ ಒಂದು ಲಕ್ಷ ವೀಕ್ಷಣ ಕಂಡಿತ್ತು.

ಅತಿ ವೇಗವಾಗಿ 5 ಲಕ್ಷ

ಸದ್ಯ 6.30ರ ವೇಳೆ ಯಜಮಾನ ಟೈಟಲ್ ಹಾಡು ನಾಲ್ಕು ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡು ಮುನ್ನಗ್ಗುತ್ತಿದೆ. ಇದನ್ನ ನೋಡಿದ್ರೆ ಅತಿ ವೇಗವಾಗಿ 5 ಲಕ್ಷ ವೀವ್ಸ್ ಪಡೆಯಬಹುದು ಎಂಬ ನಿರೀಕ್ಷೆ ಇದೆ. ಈ ಹಿಂದೆ ಬಸಣ್ಣಿ ಹಾಡು 90 ನಿಮಿಷದಲ್ಲಿ 5 ಲಕ್ಷ ವೀಕ್ಷಣೆ ಕಂಡಿತ್ತು.

ನಾಲ್ಕನೇ ಹಾಡು ಸೂಪರ್ ಹಿಟ್

ಯಜಮಾನ ಚಿತ್ರದ ಶಿವನಂದಿ ಹಾಡು, ಓ ಮುಂಜಾನೆ ಹಾಡು, ಬಸಣ್ಣಿ ಹಾಡಿನ ನಂತರ ನಿಂತ ನೋಡೊ ಯಜಮಾನ ಹಾಡು ಕೂಡ ಹಿಟ್ ಲಿಸ್ಟ್ ಗೆ ಸೇರಿದೆ. ಬಹುಶಃ ಈ ಹಾಡು ಅತಿ ಹೆಚ್ಚು ವೀವ್ಸ್ ಕಾಣುವ ಎಲ್ಲ ಲಕ್ಷಣಗಳಿವೆ.