ಬಾಕ್ಸ್ ಆಫೀಸ್ ಬ್ಲಾಸ್ಟ್ ಮಾಡಿದ ಯಶ್ 'ಗಜಕೇಸರಿ'

ಪರಭಾಷಾ ಚಿತ್ರಗಳ ದಾಳಿ ಎದುರಿಸಿದ ಗಜಕೇಸರಿ

ವಿಶೇಷವಾಗಿ ಬೆಂಗಳೂರಿನಲ್ಲಿ ಪರಭಾಷಾ ಚಿತ್ರಗಳ ದಾಳಿಯನ್ನು 'ಗಜಕೇಸರಿ' ಸಮರ್ಥವಾಗಿ ಎದುರಿಸಿದೆ. ಬಾಕ್ಸ್ ಆಫೀಸಲ್ಲಿ 'ಗಜಕೇಸರಿ' ಮುನ್ನುಗ್ಗುತ್ತಿರುವ ಪರಿಯನ್ನು ನೋಡಿದರೆ ಸ್ಯಾಂಡಲ್ ವುಡ್ ಬಾಕ್ಸ್ ಆಫೀಸ್ ಹೊಸ ಸುಲ್ತಾನ್ ಆಗಿ ಯಶ್ ಅವತರಿಸಿದ್ದಾರೆ.

ಶೀಘ್ರದಲ್ಲೇ ರು.10 ಕೋಟಿ ಕಲೆಕ್ಷನ್ ಕ್ಲಬ್

'ಗಜಕೇಸರಿ' ಚಿತ್ರ ಮೊದಲ ವಾರದಲ್ಲಿ ರು.6 ಕೋಟಿ ಕಲೆಕ್ಷನ್ ಮಾಡಿದೆ. ಶೀಘ್ರದಲ್ಲೇ ರು.10 ಕೋಟಿ ಕಲೆಕ್ಷನ್ ಕ್ಲಬ್ ಸೇರುವ ಎಲ್ಲಾ ಸೂಚನೆಗಳನ್ನೂ ಕೊಟ್ಟಿದೆ.

ವಿಮರ್ಶಕರ ಮೆಚ್ಚುಗೆಗೆ ಪಾತ್ರವಾದ ಚಿತ್ರ

'ಗಜಕೇಸರಿ' ಚಿತ್ರಕ್ಕೆ ವಿಮರ್ಶಕರಿಂದ ವ್ಯಕ್ತವಾದ ಮೆಚ್ಚುಗೆ ಮಾತುಗಳೇಪ್ರೇಕ್ಷಕರನ್ನು ಸಾಕಷ್ಟು ಸಂಖ್ಯೆಯಲ್ಲಿ ಸೆಳೆಯಲು ಯಶಸ್ವಿಯಾಗಿವೆ.

ಕೊಚಡಿಯಾನ್ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ

ಸೂಪರ್ ಸ್ಟಾರ್ ರಜನಿಕಾಂತ್ ಅವರ ತ್ರಿಡಿ ಚಿತ್ರ 'ಕೊಚಡಿಯಾನ್' ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು ಇನ್ನೊಂದು ವಿಧದಲ್ಲಿ ಗಜಕೇಸರಿಗೆ ಲಾಭವಾಯಿತು.

ಗಜಕೇಸರಿಗೆ ಸದ್ಯಕ್ಕೆ ಯಾವ ಸ್ಪರ್ಧೆಯೂ ಇಲ್ಲ

ಗಜಕೇಸರಿ ಚಿತ್ರಕ್ಕೆ ಸದ್ಯಕ್ಕೆ ಯಾವ ಚಿತ್ರವೂ ಸ್ಪರ್ಧೆ ಒಡ್ಡುತ್ತಿಲ್ಲ. ಇದೂ ಒಂದು ವಿಧದಲ್ಲಿ ನಿರ್ಮಾಪಕರಾದ ಜಯಣ್ಣ - ಭೋಗೇಂದ್ರ ಅವರಿಗೆ ಸಖತ್ ಲಾಭವಾಗಿ ಪರಿಣಮಿಸಿದೆ.