ಮನಮೋಹಕ ಫ್ಯಾಷನ್‌ ಶೋನಲ್ಲಿ ಮಿಂಚಿದ ಯುವಕ-ಯುವತಿಯರು

ಚೆನ್ನೈ, ವಿಜಯವಾಡದಲ್ಲಿ ನಡೆಯಲಿದೆ ಸ್ಪರ್ಧೆ

ಬಣ್ಣ ಬಣ್ಣದ ವೇದಿಕೆ, ಅದಕ್ಕೆ ತಕ್ಕ ಸಂಗೀತ, ಸ್ಪರ್ಧಿಗಳು ಲಯವಾಗಿ ವೇದಿಕೆ ಮೇಲೆ ಹೆಜ್ಜೆ ಹಾಕಿದರು. ರಶ್ಮಿ ಹೆಗ್ಡೆ, ಶವ್ಯ ರಿಷಿಕಾ, ಗೀಶನ್, ಸೀಮಾ ನಾಯ್ಡು ಸ್ಪರ್ದೆಯಲ್ಲಿ ತೀರ್ಪುಗಾರರು ಆಗಿ ಭಾಗವಹಿಸಿದ್ದರು. ಸಂಸ್ಥಾಪಕ ಸಿಇಓ ಯಶ್, ಸಿಇಓ ರಾಕಿ ಕೂಡ ಕಾರ್ಯಕ್ರಮದಲ್ಲಿ ಇದ್ದರು. ಮಕ್ಕಳು ಆತ್ಮ ವಿಶ್ವಾಸದಿಂದ ರಾಂಪ್ ಮೇಲೆ ಹೆಜ್ಜೆ ಹಾಕಿದಾಗ ಪ್ರೇಕ್ಷಕರು ಹೆಮ್ಮೆಯಿಂದ ರಾಂಪ್ ವಾಕ್ ನೋಡಿ ಸಂಭ್ರಮಿಸಿದರು. ಇಲ್ಲಿ ಗೆದ್ದ ಸೌಂದರ್ಯ ಸ್ಪರ್ಧಿಗಳು ವಿಜಯವಾಡ ಮತ್ತು ಚೆನ್ನೈ ನಲ್ಲಿ ಕರ್ನಾಟಕ ರಾಜ್ಯವನ್ನು ಪ್ರತಿನಿಧಿಸುತ್ತಾರೆ.

ಹಲವು ವಿಭಾಗಗಳಲ್ಲಿ ಸ್ಪರ್ಧೆ

ನ್ಯಾಶನಲ್, ಬ್ಯುಸಿನೆಸ್ ಹಾಗೂ ವೆಸ್ಟರ್ನ್ ಸುತ್ತುಗಳು ನಡೆದವು. ಸಾಂಪ್ರದಾಯಿಕ ಸುತ್ತಿನಲ್ಲಿ ದೇಶದ ಸಂಸ್ಕೃತಿ ಬಿಂಬಿಸುವ ಉಡುಗೆಗಳನ್ನು ಸ್ಪರ್ಧಿಗಳು ತೊಟ್ಟಿದ್ದರು. ನ್ಯಾಶನಲ್ ಯೂತ್ ಜೆಮ್ ಪ್ರಶಸ್ತಿಯನ್ನು ಈ ಸಂದರ್ಭದಲ್ಲಿ ಕೊಡಲಾಯಿತು. ಫ್ಯಾಷನ್, ಸಿನೆಮಾ, ನೃತ್ಯ, ಸಾಮಾಜಿಕ ಸೇವೆ ಸೇರಿದಂತೆ ಹತ್ತು ಹಲವು ವಿಭಾಗದಲ್ಲಿ ಸೇವೆ ಸಲ್ಲಿಸಿದವರಿಗೆ ಪ್ರಶಸ್ತಿ ನೀಡಲಾಯಿತು.

ಕಲಾವಿದರು ಹಾಜರಿದ್ದರು

ಮಹಾಭಾರತದ ಪವನ್, ಸುಶ್ಮಿತಾ ಸೇರಿದಂತೆ ಹಲವು ಕಲಾವಿದರು ಸಾಕ್ಷಿಯಾದರು. ಗಾಂಧಿ ಜಯಂತಿ ಕುರಿತು ಒಂದು ನೃತ್ಯ ಕೂಡ ಈ ಕಾರ್ಯಕ್ರಮದ ಮೆರಗು ಹೆಚ್ಚಿಸಿತು. ಮಿಸ್ ವಿಭಾಗದಲ್ಲಿ 30, ಮಿಸ್ಟರ್ ವಿಭಾಗದಲ್ಲಿ 30, ಮದುವೆಯಾದವರ ವಿಭಾಗದಲ್ಲಿ 20, ಮಿಸ್ಟರ್ ಟೀನ್ ವಿಭಾಗದಲ್ಲಿ 27, ಮಿಸ್ ಟೀನ್ ವಿಭಾಗದಲ್ಲಿ 27, ಮಕ್ಕಳ ಪ್ರಿನ್ಸ್ ವಿಭಾಗದಲ್ಲಿ 20, ಪ್ರಿನ್ಸೆಸ್ ವಿಭಾಗದಲ್ಲಿ 20 ಸ್ಪರ್ಧಿಗಳು ಭಾಗವಹಿಸಿದ್ದರು.