ಟ್ವಿಟ್ಟರ್ ನಲ್ಲಿ ಯಶ್ ಹೆಸರು ಬದಲಾವಣೆ: ಕೆಲವರು ಟೀಕೆ, ಕೆಲವರು ಬೆಂಬಲ

ನಿಮ್ಮ ಯಶ್ ಬದಲಾಯ್ತು

ರಾಕಿಂಗ್ ಸ್ಟಾರ್ ಯಶ್ ಅವರ ಟ್ವಿಟ್ಟರ್ ಹ್ಯಾಂಡಲ್ ನಲ್ಲಿ ನಿಮ್ಮ ಯಶ್ (Nimmayash) ಅಂತ ಇತ್ತು. ಆದ್ರೀಗ, 'ದಿ ನೇಮ್ ಈಸ್ ಯಶ್' (TheNameIsYash) ಎಂದು ಬದಲಾಗಿದೆ. ಇದು ಸಹಜವಾಗಿ ಚರ್ಚೆಗೆ ಕಾರಣವಾಗಿದೆ. ಯಾಕಂದ್ರೆ, ನಿಮ್ಮ ಯಶ್ ಎಂದು ಕನ್ನಡದಲ್ಲಿ ಹೆಸರಿತ್ತು. ಬಟ್, ಈಗ ಇಂಗ್ಲೀಷ್ ನಲ್ಲಿ ಇಟ್ಟುಕೊಂಡಿದ್ದಾರೆ ಯಾಕೆ? ಎಂದು ಪ್ರಶ್ನಿಸುತ್ತಿದ್ದಾರೆ.

ತುಂಬಾ ಖುಷಿ ಇತ್ತು, ಈಗಿಲ್ಲ

ಕೆಜಿಎಫ್ ಸಿನಿಮಾ ದೊಡ್ಡ ಸದ್ದು ಮಾಡುತ್ತಿರುವುದು ಮತ್ತು ಆ ಟೈಂನಲ್ಲಿ ನಿಮ್ಮ ಯಶ್ ಎಂಬ ಹ್ಯಾಂಡಲ್ ಇದ್ದದ್ದು ನೋಡಿ ನನಗೆ ತುಂಬಾ ಖುಷಿ ಆಗ್ತಿತ್ತು. ಈಗ ಅವರು ಇಂಗ್ಲೀಷ್ ನಲ್ಲಿ ಬದಲಿಸಿಕೊಂಡಿದ್ದಾರೆ. ಈ ಕೀಳರಿಮೆ ಯಾಕೆ ಎಂದು ನನಗೆ ಗೊತ್ತಾಗ್ತಿಲ್ಲ'' ಎಂದು ಒಬ್ಬ ವ್ಯಕ್ತಿ ಕಾಮೆಂಟ್ ಮಾಡಿದ್ದಾರೆ.

ನಿಮ್ಮ ಬೆಳವಣಿಗೆಗೆ ಅಡ್ಡಿಯೇ.?

ನಿಮ್ಮಯಶ್ ಇಂದು ದಿ ನೇಮ್ ಈಸ್ ಯಶ್ ಬದಲಾಗಿದ್ದನ್ನ ಈಗ ಗಮನಿಸುತ್ತಿದ್ದೇನೆ, ನಿಮ್ಮ ಯಶ್ ಎಂಬ ಹಳೆಯ ಹ್ಯಾಂಡಲ್ ನಿಮ್ಮ ಬೆಳವಣಿಗೆಗೆ ಅಡ್ಡಿಯಾಗುತ್ತಿದೆಯಾ ಎಂದು ಇಲ್ಲೊಬ್ಬ ವ್ಯಕ್ತಿ ಪ್ರಶ್ನಿಸಿದ್ದಾರೆ.

ಹೆಮ್ಮೆಯ ಕನ್ನಡಿಗ ಯಶ್

ಟ್ವಿಟ್ಟರ್ ಹ್ಯಾಂಡಲ್ ಬದಲಾಯಿಸುವುದು ಅವರ ವೈಯಕ್ತಿಕ ವಿಚಾರ. ಅದರ ಬಗ್ಗೆ ಮತ್ತೊಬ್ಬರು ಚರ್ಚೆ ಮಾಡುವುದು ಬೇಡ. ಯಶ್ ಅವರ ನಿಮ್ಮಯಶ್ ಎಂಬ ಹ್ಯಾಂಡಲ್ ಬದಲಾಯಿಸಿದ್ದಾರೆ ಅಷ್ಟೇ. ಆದ್ರೆ, ಅವರ ಪ್ರೋಫೈಲ್ ನಲ್ಲಿ 'ಹೆಮ್ಮೆಯ ಕನ್ನಡಿಗ' (Proud Kannadiga) ಎಂಬುದು ಹಾಗೆ ಇದೆ ನೋಡಿ. ಕನ್ನಡ ಚಿತ್ರವನ್ನ ಬೆಳಸೋಕೆ ಒಂದು ಅವಕಾಶ ಸಿಕ್ಕಿದೆ, ಅದನ್ನ ಉಪಯೋಗಿಸಿ' ಎಂದು ಓರ್ವ ಅಭಿಮಾನಿ ಹೇಳಿದ್ದಾರೆ.

ಕನ್ನಡ ಚಿತ್ರದ ಬೆಳವಣಿಗೆಗೆ ಖುಷಿ ಪಡಿ

''ದಯವಿಟ್ಟು ಇದನ್ನ ಅಪರ್ಥ ಮಾಡಿಕೊಳ್ಳುವುದು ಬೇಡ. ತಮ್ಮ ಪ್ರತಿ ಸಂದರ್ಶನದಲ್ಲೂ ಕನ್ನಡ ಮತ್ತು ಕರ್ನಾಟಕದ ಬಗ್ಗೆ ಹಮ್ಮೆಯ ಮಾತುಗಳನ್ನಾಡುತ್ತಿದ್ದಾರೆ. ಅವರಿಗೆ ಇರುವ ಅಭಿಮಾನದ ಬಗ್ಗೆ ಪ್ರಮಾಣಪತ್ರ ನೀಡುವ ಅಗತ್ಯವಿಲ್ಲ. ಕನ್ನಡ ಇಂಡಸ್ಟ್ರಿ ಬೆಳವಣಿಗೆ ನೋಡಿ ಮೊದಲು ಖುಷಿ ಪಡಿ'' ಎಂದು ಇನ್ನೊಬ್ಬ ಅಭಿಮಾನಿ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಹೆಸರು ಬದಲಿಸಿದರೇ ಏನಾಯ್ತು?

ಸಾಮಾಜಿಕ ಜಾಲತಾಣಗಳು ಇಂದು ತುಂಬಾ ಬೆಳದಿದೆ. ಪ್ರತಿದಿನವೂ ಪ್ರತಿಕ್ಷಣವೂ ಬದಲಾವಣೆ ಬಯಸುತ್ತಿದೆ. ಹೀಗಿರುವಾಗ, ಯಶ್ ತಮ್ಮ ಟ್ವಿಟ್ಟರ್ ಹ್ಯಾಂಡಲ್ ಬದಲಾಯಿಸಿದ್ದಲ್ಲಿ ವಿಶೇಷವೇನು ಇಲ್ಲ. ಆದ್ರೆ, ಕೆಜಿಎಫ್ ಎಂಬ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗವನ್ನ ಎಷ್ಟು ಎತ್ತರಕ್ಕೆ ಕರೆದುಕೊಂಡು ಹೋಗುತ್ತಿದ್ದಾರೆ ಎಂಬುದನ್ನ ಮಾತ್ರ ಇಲ್ಲಿ ಗಮನಿಸಬೇಕಿದೆ.