Don't Miss!
- Lifestyle ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು
- Automobiles ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- News Annamalai: ಒಂದು ಲಕ್ಷ ಮತದಾರರ ಹೆಸರು ಪಟ್ಟಿಯಿಂದ ಕಾಣೆಯಾಗಿದೆ: ಅಣ್ಣಾಮಲೈ ಆರೋಪ
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದ ಮೇಲೆ ಡಿಸ್ನಿ ಫೋಕಸ್, ಹೊಸ ಪ್ಲ್ಯಾನ್ ಬಿಡುಗಡೆ
ಡಿಸ್ನಿ ಹಾಟ್ಸ್ಟಾರ್ ಒಟಿಟಿ ತನ್ನ ಸಬ್ಸ್ಕ್ರಿಪ್ಷನ್ ಯೋಜನೆಯಲ್ಲಿ ದೊಡ್ಡ ಬದಲಾವಣೆ ಮಾಡಿದೆ. ಜೊತೆಗೆ ಭಾರತದ ಕಂಟೆಂಟ್ ಮೇಲೆ ಹೆಚ್ಚಿನ ಗಮನ ನೀಡಲು ನಿರ್ಧರಿಸಿದೆ.
ವಿವಿಧ ಟಿವಿ ಚಾನೆಲ್ಗಳ ಲೈವ್ (ವಿಶೇಷವಾಗಿ ಕ್ರಿಕೆಟ್) ಕಾರಣಕ್ಕೆ ಹೆಚ್ಚು ಜನಪ್ರಿಯವಾಗಿರುವ ಡಿಸ್ನಿ ಹಾಟ್ಸ್ಟಾರ್ ಇತ್ತೀಚೆಗೆ ಬಹಳ ಒಳ್ಳೆಯ ಸಿನಿಮಾಗಳನ್ನು, ವೆಬ್ ಸರಣಿಗಳನ್ನು ಸಹ ನೀಡುತ್ತಿದೆ. ಆದರೆ ಈ ಒಟಿಟಿಯು ವಿಐಪಿ ಪ್ಲ್ಯಾನ್ ಹೊಂದಿದ್ದು ತನ್ನ ಎಲ್ಲ ಉತ್ತಮ ಕಂಟೆಂಟ್ ಅನ್ನು ವಿಐಪಿ ಚಂದಾದಾರರಿಗೆ ಮಾತ್ರವೇ ನೀಡುತ್ತಿತ್ತು. ಆದರೆ ಈಗ ಯೋಜನೆ ಬದಲಿಸಿದೆ ಹಾಟ್ಸ್ಟಾರ್.
ವಿಐಪಿ ಪ್ಲ್ಯಾನ್ ಅನ್ನು ತೆಗೆದು ಹಾಕಿರುವ ಡಿಸ್ನಿ ಹಾಟ್ಸ್ಟಾರ್ ಮೂರು ಸರಳ ಸಬ್ಸ್ಕ್ರಿಪ್ಷನ್ ಯೋಜನೆಗಳನ್ನು ಹೊರಗೆ ತಂದಿದೆ. 500 ರುಗಳ ಮೊದಲ ಯೋಜನೆ ಕೇವಲ ಮೊಬೈಲ್ಗೆ ಮಾತ್ರವೇ ಸೀಮಿತವಾಗಿದ್ದು ಒಬ್ಬರು ಮಾತ್ರವೇ ನೋಡಬಹುದಾಗಿದೆ. 899ರ ಎರಡನೇ ಪ್ಲ್ಯಾನ್ನಲ್ಲಿ ಇಬ್ಬರು ಚಂದಾದಾರರು ಕಂಟೆಂಟ್ ನೋಡಬಹುದಾಗಿದೆ. 1499 ರ ಪ್ರೀಮಿಯಮ್ ಪ್ಲ್ಯಾನ್ನಲ್ಲಿ ನಾಲ್ಕು ಜನ ಒಟಿಟಿಯ ಕಂಟೆಂಟ್ ಅನ್ನು ನೋಡಬಹುದು. ಮೊದಲೆರಡು ಪ್ಲ್ಯಾನ್ನಲ್ಲಿ ಎಚ್ಡಿ ವಿಡಿಯೋಗಳು ಲಭ್ಯವಿದ್ದರೆ ಪ್ರೀಮಿಯಮ್ ಪ್ಲ್ಯಾನ್ನಲ್ಲಿ 4ಕೆ ಗುಣಮಟ್ಟದ ವಿಡಿಯೋ ವೀಕ್ಷಿಸಬಹುದಾಗಿದೆ.
ಭಾರತದ ಕಂಟೆಂಟ್ ಅನ್ನು ಹೆಚ್ಚಿಗೆ ಕೊಡಲು ಡಿಸ್ನಿ ಹಾಟ್ಸ್ಟಾರ್ ಯೋಜಿಸಿದ್ದು, ಕೆಲವು ಸ್ಟಾರ್ ನಟರ ಸಿನಿಮಾಗಳು, ವೆಬ್ ಸರಣಿಗಳನ್ನು ತಮ್ಮ ಒಟಿಟಿ ಮೂಲಕ ಜನರಿಗೆ ತಲುಪಿಸುವ ಯೋಜನೆ ಹಾಕಿಕೊಂಡಿದೆ. ಅದರಲ್ಲಿಯೂ ಅಮೆಜಾನ್ ಪ್ರೈಂಗೆ ದೊಡ್ಡ ಸ್ಪರ್ಧೆ ನೀಡುವ ಸುಳಿವು ನೀಡಿದೆ ಡಿಸ್ನಿ ಹಾಟ್ಸ್ಟಾರ್.
ಬಾಲಿವುಡ್ ನಟರಾದ ಅಜಯ್ ದೇವಗನ್, ಸೈಫ್ ಅಲಿ ಖಾನ್, ಸುಶ್ಮಿತಾ ಸೇನ್, ಕುನಾಲ್ ಕಪೂರ್, ಪ್ರತೀಕ್ ಗಾಂಧಿ, ಶಬಾನಾ ಆಜ್ಮಿ, ರೀಚಾ ಚಡ್ಡಾ ಇನ್ನೂ ಹಲವಾರು ನಟ-ನಟಿಯರ ಸಿನಿಮಾಗಳು ವೆಬ್ ಸರಣಿಗಳು ಮುಂದಿನ ದಿನಗಳಲ್ಲಿ ಡಿಸ್ನಿ ಹಾಟ್ಸ್ಟಾರ್ನಲ್ಲಿ ಪ್ರಸಾರವಾಗಲಿವೆ.