For Quick Alerts
    ALLOW NOTIFICATIONS  
    For Daily Alerts

    ಬರಲಿದೆ ಮತ್ತೊಂದು 'ಬಾಹುಬಲಿ': 200 ಕೋಟಿ ಬಜೆಟ್, ಹಿಂದಿದ್ದಾರೆ ರಾಜಮೌಳಿ

    |

    ರಾಜಮೌಳಿ ವಿರಚಿತ ಸುಂದರ ದೃಶ್ಯಕಾವ್ಯ 'ಬಾಹುಬಲಿ' ಸಿನಿಪ್ರೇಮಿಗಳ ಮನಸಿನಲ್ಲಿ ಅಚ್ಚೊತ್ತಿದೆ. ಈ ನಡುವೆ ರಾಜಮೌಳಿ ಮತ್ತೊಂದು 'ಬಾಹುಬಲಿ' ನಿರ್ಮಾಣಕ್ಕೆ ಕೈ ಹಾಕಿದ್ದಾರೆ.

    ಈಗಾಗಲೇ 'ಬಾಹುಬಲಿ' ಸರಣಿಯ ಎರಡು ಸಿನಿಮಾಗಳು ತೆರೆಗೆ ಬಂದಿವೆ. ಒಂದು 'ಬಾಹುಬಲಿ' ಅನಿಮೇಟೆಡ್ ವೆಬ್ ಸರಣಿ ಪ್ರಸಾರವಾಗಿತ್ತು. ಈಗ ಮತ್ತೊಂದು ಬಾಹುಬಲಿ ತೆರೆಗೆ ಬರಲಿದೆ. ಇದರ ಹಿಂದಿರುವುದು ಸ್ವತಃ ರಾಜಮೌಳಿ.

    ರಾಜಮೌಳಿಯ ವಿರುದ್ಧ ಬೆದರಿಕೆ ಆರೋಪ ಹೊರಿಸಿದ ನಿರ್ಮಾಪಕ ಬೋನಿ ಕಪೂರ್

    2015 ರಲ್ಲಿ 'ಬಾಹುಬಲಿ; ದಿ ಬಿಗಿನಿಂಗ್' ಹೆಸರಿನ ಸಿನಿಮಾ ಬಿಡುಗಡೆ ಆಗಿತ್ತು. ಅದರ ಮುಂದುವರೆದ ಭಾಗ 'ಬಾಹುಬಲಿ; ದಿ ಕನ್‌ಕ್ಲೂಷನ್' ಹೆಸರಿನಲ್ಲಿ 2017 ರಲ್ಲಿ ಬಿಡುಗಡೆ ಆಯಿತು. ಆ ನಂತರ ಅಮೆಜಾನ್ ಪ್ರೈಂನಲ್ಲಿ 'ಬಾಹುಬಲಿ; ದಿ ಲಾಸ್ಟ್ ಲೆಜೆಂಡ್ಸ್' ಹೆಸರಿನ ಅನಿಮೇಟೆಡ್ ಸರಣಿ ಬಂದಿತ್ತು. ಈಗ ಮತ್ತೊಂದು ವೆಬ್ ಸರಣಿ ಬರುತ್ತಿದೆ.

    ಬಾಹುಬಲಿ ಪಾತ್ರಗಳ ಪೂರ್ಣ ಕತೆ ಹೇಳುವ ಯತ್ನ

    ಬಾಹುಬಲಿ ಪಾತ್ರಗಳ ಪೂರ್ಣ ಕತೆ ಹೇಳುವ ಯತ್ನ

    'ಬಾಹುಬಲಿ' ಸಿನಿಮಾದ ಅಮರೇಂದ್ರ ಬಾಹುಬಲಿ, ದೇವಸೇನಾ, ಬಲ್ಲಾಳದೇವ, ಶಿವಗಾಮಿ, ಕಟ್ಟಪ್ಪ, ಬಿಜ್ಜಳದೇವಾ ಇವೆಲ್ಲ ಬಹಳ ಗಟ್ಟಿಯಾದ ಪಾತ್ರಗಳು. ಪ್ರತಿ ಪಾತ್ರವನ್ನೂ ಪ್ರತ್ಯೇಕ ಸಿನಿಮಾ ಮಾಡಬಹುದಾದಷ್ಟು ವಿಶೇಷತೆಗಳು, ಅವಕಾಶಗಳು ಇವೆ. ಇದೇ ಅವಕಾಶವನ್ನು ಬಳಸಿಕೊಂಡು ಹೊಸ ವೆಬ್ ಸರಣಿಯೊಂದನ್ನು ತೆರೆಗೆ ತರಲಾಗುತ್ತಿದೆ.

    'ದೃಶ್ಯಂ-2' ನೋಡಿ ನಿರ್ದೇಶಕ ರಾಜಮೌಳಿ ಹೇಳಿದ್ದೇನು?

    ಬಂಡವಾಳ ಹೂಡಿರುವುದು ರಾಜಮೌಳಿ

    ಬಂಡವಾಳ ಹೂಡಿರುವುದು ರಾಜಮೌಳಿ

    'ಬಾಹುಬಲಿ; ಬಿಫೋರ್‌ ದಿ ಬಿಗಿನಿಂಗ್' ವೆಬ್ ಸರಣಿಗೆ 'ಬಾಹುಬಲಿ' ಸೃಷ್ಟಿಕರ್ತ ರಾಜಮೌಳಿ ಬಂಡವಾಳ ಹೂಡಿದ್ದಾರೆ. ರಾಜಮೌಳಿ ಜೊತೆಗೆ ಆರ್ಕ್‌ ಮೀಡಿಯಾಸ್‌ನ ಪ್ರಸಾದ್ ದೇವಿನೇನಿ ಸಹ ಜೊತೆಗಿದ್ದಾರೆ. ಈ ವೆಬ್ ಸರಣಿಯು 200 ಕೋಟಿ ಬಜೆಟ್‌ನದ್ದಾಗಿರಲಿದೆ. ವೆಬ್ ಸರಣಿಯನ್ನು ನೆಟ್‌ಫ್ಲಿಕ್ಸ್‌ನ ಸಹಯೋಗದೊಂದಿಗೆ ನಿರ್ಮಿಸಲಾಗುತ್ತಿದೆ.

    ಆನಂದ್ ನೀಲಕಂಠನ್ ಕಾದಂಬರಿ ಆಧರಿಸಿ ಚಿತ್ರಕತೆ

    ಆನಂದ್ ನೀಲಕಂಠನ್ ಕಾದಂಬರಿ ಆಧರಿಸಿ ಚಿತ್ರಕತೆ

    'ಬಾಹುಬಲಿ' ಸಿನಿಮಾ ಬಿಡುಗಡೆ ಬಳಿಕ ಕೇರಳದ ಖ್ಯಾತ ಕಾದಂಬರಿಕಾರ ಆನಂದ್ ನೀಲಕಂಠನ್ ಅವರು 'ದಿ ರೈಸ್ ಆಫ್ ಶಿವಗಾಮಿ', 'ಚದುರಂಗ', 'ಕ್ವೀನ್ ಆಫ್ ಮಾಹೀಷ್ಮತಿ' ಹೆಸರಿನ ಮೂರು ಕಾದಂಬರಿಗಳನ್ನು ಬರೆದಿದ್ದು, ಅವುಗಳನ್ನೇ ಆಧಾರವಾಗಿಟ್ಟುಕೊಂಡು 'ಬಾಹುಬಲಿ; ಬಿಫೋರ್ ದಿ ಬಿಗಿನಿಂಗ್' ವೆಬ್ ಸರಣಿಯ ಚಿತ್ರಕತೆ ಹೆಣೆಯಲಾಗಿದೆ. ವೆಬ್ ಸರಣಿಯನ್ನು ದೇವ ಕಟ್ಟ, ಪ್ರವೀಣ್ ಸತ್ತಾರು ನಿರ್ದೇಶನ ಮಾಡಲಿದ್ದಾರೆ.

    ಯಾವ ಪಾತ್ರದಲ್ಲಿ ಯಾರು ನಟಿಸಲಿದ್ದಾರೆ?

    ಯಾವ ಪಾತ್ರದಲ್ಲಿ ಯಾರು ನಟಿಸಲಿದ್ದಾರೆ?

    'ಬಾಹುಬಲಿ; ಬಿಫೋರ್ ದಿ ಬಿಗಿನಿಂಗ್ ವೆಬ್ ಸರಣಿಯ ಚಿತ್ರೀಕರಣ ಆರಂಭವಾಗಿದ್ದು, ಶಿವಗಾಮಿ ಪಾತ್ರದಲ್ಲಿ ಮೃನಾಲ್ ಠಾಕೂರ್, ಕಟ್ಟಪ್ಪ ಪಾತ್ರದಲ್ಲಿ ಸುನೀಲ್ ಪಾಲ್ವಾಲ್, ಬಿಜ್ಜಳದೇವ ಪಾತ್ರದಲ್ಲಿ ಸಮರನ್ ಸಾಹು ನಟಿಸಲಿದ್ದಾರೆ. ವೆಬ್ ಸರಣಿಯಲ್ಲಿ ಅತುಲ್ ಕುಲಕರ್ಣಿ ಸಹ ಮುಖ್ಯ ಪಾತ್ರದಲ್ಲಿ ನಟಿಸಲಿದ್ದಾರೆ.

    English summary
    Baahubali Before The Beginning Web Series Towards Recreating the Grandeur of the Baahubali World started shooting.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X