ನೆಟ್‌ಫ್ಲಿಕ್ಸ್ ವಿಡಿಯೋದಲ್ಲಿ ರಿಷಬ್ ಪಂತ್‌ಗೆ ಟಾಂಗ್ ಕೊಟ್ಟ ಊರ್ವಶಿ ರೌಟೇಲಾ!

ರಿಷಬ್ ಪಂತ್‌ಗೆ ಊರ್ವಶಿ ಟಾಂಗ್

2022 ಮುಗಿಯುತ್ತಿರುವ ಹಿನ್ನೆಲೆಯಲ್ಲಿ ಫ್ಲ್ಯಾಶ್ ಬ್ಯಾಕ್ ವಿಡಿಯೋ ಒಂದನ್ನು ಸಿದ್ಧಪಡಿಸಿದೆ. ಈ ವಿಡಿಯೋದಲ್ಲಿ ಊರ್ವಶಿ ರೌಟೇಲಾ ಕೂಡ ಗೆಸ್ಟ್ ಲುಕ್ ಕೊಟ್ಟಿದ್ದಾರೆ. ಈ ಕ್ರಿಯೇಟಿವ್ ವಿಡಿಯೋದಲ್ಲಿ ಊರ್ವಶಿ, ಕ್ರಿಕೆಟಿಗ ರಿಷಬ್ ಪಂತ್‌ಗೆ ಪರೋಕ್ಷವಾಗಿ ಟಾಂಗ್ ಕೊಟ್ಟಿದ್ದಾರೆ. ಹಾಲಿವುಡ್ ನಟ ರಾಯನ್ ಎದುರು ಊರ್ವಶಿ " ನಾವು ಮೇಡ್ ಫಾರ್ ಈಚ್ ಅದರ್" ಎಂದು ಹೇಳುತ್ತಾರೆ. ಆಗ ಹಾಲಿವುಡ್ ನಟ ಇದನ್ನು ಬರೆದು ಹೇಳಬಹುದೇ? ಎಂದು ಹೇಳುತ್ತಾರೆ. ಆ ವೇಳೆ ಊರ್ವಶಿ ಒಂದು ಕೈಯಲ್ಲಿ 'R' ಅಂತಲೂ ಇನ್ನೊಂದು ಕೈಯಲ್ಲಿ 'P'ಅನ್ನು ಹೊಡೆದು ಹಾಕಿ 'G' ಅಂತಲೂ ಬರೆದುಕೊಂಡಿರುತ್ತಾರೆ. ಇದೇ ವಿಡಿಯೋ ಈಗ ವೈರಲ್ ಆಗಿದೆ.

Mr RP ಅಲ್ಲ Mr RG

ಕೆನಾಡದ ನಟನ ರಾಯನ್ ಗೋಸ್ಲಿಂಗ್ ಸಿನಿಮಾ ನೆಟ್‌ಫ್ಲಿಕ್ಸ್‌ನಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ಹೀಗಾಗಿ ಕ್ರಿಯೇಟಿವ್ ವಿಡಿಯೋದಲ್ಲಿ ರಾಯನ್ ಸಿನಿಮಾದ ತುಣುಕನ್ನು ಈ ವಿಶೇಷ ವಿಡಿಯೋಗೆ ಬಳಸಿಕೊಳ್ಳಲಾಗಿತ್ತು. ವಿಎಫ್‌ಎಕ್ಸ್ ಮೂಲಕ ರಾಯನ್ ಹಾಗೂ ಊರ್ವಶಿ ರೌಟೇಲಾ ರೊಮ್ಯಾಂಟಿಕ್ ಸಂಭಾಷಣೆಯನ್ನು ವಿಡಂಬನಾತ್ಮಕವಾಗಿ ಬಿಂಬಿಸಲಾಗಿತ್ತು. ಈ ವೇಳೆ ಊರ್ವಶಿ RPಯಲ್ಲಿ Pಯನ್ನು ಹೊಡೆದು ಹಾಕಿ ಆ ಜಾಗದಲ್ಲಿ 'RG' ರಾಯನ್ ಗೋಸ್ಲಿಂಗ್ ಎಂದು ತೋರಿಸಿದ್ದಾರೆ. ಈ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ.

ಈ ವಿಡಿಯೋಗೆ ಊರ್ವಶಿ ಪಡೆದಿದ್ದೆಷ್ಟು?

ನೆಟ್‌ಫ್ಲಿಕ್ಸ್ ವಿಡಿಯೋದಲ್ಲಿ ಕಾಣಿಸಿಕೊಂಡ ಊರ್ವಶಿ ರೌಟೇಲಾ ಪಡೆದ ಸಂಭಾವನೆ ಬಗ್ಗೆನೂ ಜೋರಾಗಿ ಚರ್ಚೆಯಾಗುತ್ತಿದೆ. ಕ್ರಿಕೆಟರ್ ರಿಷಬ್ ಪಂತ್‌ಗೆ ಟಾಂಗ್ ಕೊಟ್ಟಿರೋ ಈ ವಿಡಿಯೋಗೆ ನಟಿ ಸುಮಾರು 15 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ ಅನ್ನೋ ಮಾತು ಕೇಳಿ ಬರುತ್ತಿದೆ. ಕೆಲವೇ ಸೆಕೆಂಡುಗಳಲ್ಲಿ ಹಿಂಗೆ ಬಂದು ಹಂಗೆ ಹೋಗೋ ಊರ್ವಶಿ ಪಡೆದಿರೋ ಸಂಭಾವನೆ ಬಗ್ಗೆ ಎಲ್ಲರೂ ಮಾತಾಡುವಂತಾಗಿದೆ.

ಈ ವಿಡಿಯೋದಲ್ಲಿ ಯಾವ್ಯಾವ ಸಿನಿಮಾವಿದೆ?

ನೆಟ್‌ಫಿಕ್ಸ್‌ ವಿಡಿಯೋದಲ್ಲಿ ಭಾರತದಲ್ಲಿ ಸದ್ದು ಮಾಡಿದ ಸಿನಿಮಾಗಳಿವೆ. ರಾಜಮೌಳಿ ನಿರ್ದೇಶಿಸಿದ RRR ಸಿನಿಮಾದ ತುಣುಕು ಕಾಣುವುದಕ್ಕೆ ಸಿಗುತ್ತೆ. ಇದರಲ್ಲಿ ಜೂ.ಎನ್‌ಟಿಆರ್ ದೃಶ್ಯವನ್ನು ಆಯ್ಕೆ ಮಾಡಿದ್ದಾರೆ. ಇದರೊಂದಿಗೆ 'ಡಾರ್ಲಿಂಗ್ಸ್' ಸಿನಿಮಾದ ನಟ, ಮಲಯಾಳಂ ಸಿನಿಮಾ 'ಮಿನ್ನಾಲ್ ಮುರಳಿ' ತುಣುಕು ಹಾಗೂ ವಿವಾದಾತ್ಮಕ ನಟಿ ಉರ್ಫಿ ಜಾವೇದ್ ಕೂಡ ಈ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದಾರೆ.