ರಾಗಿಣಿ ಎಂಎಂಎಸ್ ಸನ್ನಿ 'ಹಾರರ್' ಕಾಮಿಡಿ

ರಾಗಿಣಿ ಎಂಎಂಎಸ್ ಆರಂಭದಲ್ಲಿ ಹೊಸತೇನು ಇಲ್ಲ

2004ರಲ್ಲಿ ತೆರೆ ಕಂಡ ರಾಮ್ ಗೋಪಾಲ್ ವರ್ಮಾ ಅವರ 'ಭೂತ್' ಚಿತ್ರದ ಟ್ರಿಕ್ ಗಳನ್ನು ಮತ್ತೊಮ್ಮೆ ಈ ಚಿತ್ರದ ಆರಂಭದ ದೃಶ್ಯಗಳಲ್ಲಿ ಕಾಣಬಹುದು.

ಹಾರರ್ ಚಿತ್ರಗಳಿಗೆ ಹೊಸ ಭಾಷ್ಯ

ಹಾರರ್ ಚಿತ್ರಗಳಿಗೆ ಹೊಸ ಭಾಷ್ಯ ಬರೆಯಲು ಸೆಕ್ಸ್ + ಹಾರರ್+ ಕಾಮಿಡಿ ರೀಮಿಕ್ಸ್ ಮಾಡಿ ಈ ಚಿತ್ರವನ್ನು ಪ್ರೇಕ್ಷಕರಿಗೆ ಉಣಬಡಿಸಲಾಗಿದೆ.

ದ್ವಿತೀಯಾರ್ಧದಲ್ಲಿ ಮತ್ತೆ ಸನ್ನಿ ಕಾಡುತ್ತಾಳೆ

ದ್ವಿತೀಯಾರ್ಧದಲ್ಲಿ ಮತ್ತೆ ಸನ್ನಿ ಕಾಡುತ್ತಾಳೆ. ನುಲಿಯುತ್ತಾಳೆ, ಹಿನ್ನೆಲೆ ದನಿ ಜತೆ ತುಂಡು ಬಟ್ಟೆಯಲ್ಲಿ ಸೆಳೆಯುತ್ತಾಳೆ. ಜಿಸ್ಮ್ 2 ನಂತರ ಸನ್ನಿ ಅಭಿನಯದಲ್ಲಿ ಭಾರಿ ಬದಲಾವಣೆ ನಿರೀಕ್ಷಿಸಿದವರಿಗೆ ಅಲ್ಪ ಪ್ರಮಾಣದ ತೃಪ್ತಿ ಸಿಗುತ್ತದೆ.

ಊಂ...ಆಹ್..ಔಚ್ ಗೇನೂ ಕೊರತೆ ಇಲ್ಲ

ಇನ್ನು ಮೈಮಾಟ ಪ್ರದರ್ಶನ, ಊಂ...ಆಹ್..ಔಚ್ ಗೇನೂ ಕೊರತೆ ಇಲ್ಲ.ಆದರೆ, ಆಂಗಿಕ ಅಭಿನಯವೆಲ್ಲ ನಟನೆ ಎನ್ನಲು ಬರುವುದಿಲ್ಲ. ಭಾವನೆಗಳನ್ನು ವ್ಯಕ್ತಪಡಿಸುವುದು ಬೇರೆ ಹಿನ್ನೆಲೆ ದನಿಯಲ್ಲಿ ಮೈ ಮುರಿದು ಚೀರುವುದು ಬೇರೆ.

ಪೋಷಕ ಪಾತ್ರಗಳೇ ಪ್ರಧಾನ

ಸಂಧ್ಯಾ ಮೃದಲ್, ದಿವ್ಯಾ ದತ್ತ ಪಾತ್ರಕ್ಕೆ ತಕ್ಕ ಪೋಷಣೆ ಒದಗಿಸಿದರೂ ಸಂಧ್ಯಾ ಕೆಲವೊಮ್ಮೆ ಅತಿರೇಕ ಮುಟ್ಟಿದಂತೆ ಅನಿಸುತ್ತದೆ.

ಏಕ್ತಾ ಕಪೂರ್ ಪ್ರಚಾರ ಚಿತ್ರಕ್ಕೆ ಸಹಕಾರಿ

ಏಕ್ತಾ ಕಪೂರ್ ಸಹ ಪೋಷಣೆ ಇರುವುದರಿಂದ ಚಿತ್ರಕ್ಕೆ ವಿವಿಧ ರೀತಿಯ ಸಂಗೀತ ಅನುಭವ ಪ್ರೇಕ್ಷಕರಿಗೆ ಸಿಗುತ್ತದೆ. ಬಾಬ್ಬಿ ಡಾಲ್, ಚಾರ್ ಬೊಟಲ್ ವೋಡ್ಕಾ ಸೂಪರ್ ಹಿಟ್ ಗೀತೆಗಳಾಗಿವೆ. ಚಿತ್ರಕ್ಕಾಗಿ ಏಕ್ತಾ ಕಪೂರ್ ಮಾಡಿದ ಭರ್ಜರಿ ಪ್ರಚಾರ ಕಾರ್ಯ ವರ್ಕ್ ಔಟ್ ಆಗುವ ನಿರೀಕ್ಷೆಯಿದೆ. ಮೊದಲ ವಾರವಂತೂ ಚಿತ್ರ ತುಂಬಿದ ಗೃಹ ಕಾಣಬಹುದು.

ಒಟ್ಟಾರೆ ಚಿತ್ರಕ್ಕೆ ಎಷ್ಟು ಅಂಕ ನೀಡಬಹುದು?

ಮೊದಲ ಚಿತ್ರಕ್ಕಿಂತ ಚಿತ್ರಕಥೆ ವಿಸ್ತರಣೆಗೆ ಒಂದು ಅಂಕ, ಸಂಗೀತಕ್ಕೆ ಇನ್ನೊಂದು ಪಡ್ಡೆಗಳ ಮನ ತಣಿಸುವ ಕಾಮಿನಿ ಮತ್ತೊಂದು ಎಂದು ಐದಕ್ಕೆ ಮೂರು ಅಂಕ ನೀಡಬಹುದು.

ಸನ್ನಿ ನಟನೆ ಬೇಡವೆನಿಸಿದರೂ...

ಚಿತ್ರಮಂದಿರಕ್ಕೆ ಹೋಗುವುದು ಬಿಡುವುದು ನಿಮಗೆ ಬಿಟ್ಟಿದ್ದು, ಹಾಂ ಅಂದ ಹಾಗೆ ಸನ್ನಿ ನಟನೆ ಬೇಡವೆನಿಸಿದರೂ ಮೈಮಾಟ, ನರ್ತನಕ್ಕೆ ಮನ ಸೋಲದೆ ಇರಲು ಸಾಧ್ಯವಾಗುವುದಿಲ್ಲ ಒಮ್ಮೆ ಪ್ರಯತ್ನಿಸಿ...