'ಝೀರೋ' ಟ್ವಿಟ್ಟರ್ ವಿಮರ್ಶೆ: ನಿರೀಕ್ಷೆ ಹುಸಿಗೊಳಿಸುವ ಸಿನಿಮಾ.!

ನಿರಾಸೆ ಮೂಡಿಸುವ ಚಿತ್ರ

ಬಾಲಿವುಡ್ ನ ಪ್ರಖ್ಯಾತ ಟ್ರೇಡ್ ಎಕ್ಸ್ ಪರ್ಟ್ ತರಣ್ ಆದರ್ಶ್ ಮಾಡಿರುವ ಟ್ವೀಟ್ ಇದು. ''ಝೀರೋ' ಚಿತ್ರ ಅಧ್ವಾನವಾಗಿದೆ. ಶಾರುಖ್ ಮತ್ತು ನಿರ್ದೇಶಕ ಆನಂದ್.ಎಲ್.ರೈ ಕಾಂಬಿನೇಶನ್ ಬಗ್ಗೆ ನಿರೀಕ್ಷೆ ಹೆಚ್ಚಿತ್ತು. ಆದ್ರೆ, ಈ ಸಿನಿಮಾ ನಿರಾಸೆ ಮೂಡಿಸುತ್ತೆ'' ಎಂದಿದ್ದಾರೆ ತರಣ್ ಆದರ್ಶ್. ಅಲ್ಲದೇ, ಚಿತ್ರಕ್ಕೆ ಇವರು ಒಂದುವರೆ ಸ್ಟಾರ್ ಕೊಟ್ಟಿದ್ದಾರೆ.

ಸೊನ್ನೆ ನಿರೀಕ್ಷೆ.!

''ಒಂದ್ಕಾಲದಲ್ಲಿ ಶಾರುಖ್ ಚಿತ್ರಗಳು ಅಂದ್ರೆ ಎದೆಬಡಿತ ಜೋರಾಗುತ್ತಿತ್ತು. ಆದ್ರೀಗ, ಝೀರೋ ಬಗ್ಗೆ ಇರುವ ನಿರೀಕ್ಷೆ ಝೀರೋ. ಕೆಲ ವರ್ಷಗಳಿಂದ ಶಾರುಖ್ ಯಾಕೋ ಸ್ಕ್ರಿಪ್ಟ್ ಗಳನ್ನು ಚೆನ್ನಾಗಿ ಆಯ್ಕೆ ಮಾಡುತ್ತಿಲ್ಲ'' ಎಂಬುದು ವೀಕ್ಷಕರೊಬ್ಬರ ಅಭಿಪ್ರಾಯ.

ಶೀರ್ಷಿಕೆಗೆ ತಕ್ಕ ಹಾಗಿರುವ ಚಿತ್ರ.!

''ಝೀರೋ' ಎಂಬ ಶೀರ್ಷಿಕೆಗೆ ತಕ್ಕ ಹಾಗಿದೆ ಚಿತ್ರ. ಮೊದಲಾರ್ಧ ಸರಾಗವಾಗಿ ಸಾಗುವ ಚಿತ್ರ ದ್ವಿತೀಯಾರ್ಧದಲ್ಲಿ ಪೇಲವವಾಗುತ್ತದೆ. ಚಿತ್ರದಿಂದ ತೂಕಡಿಕೆ ಬಂದರೂ ಅಚ್ಚರಿ ಇಲ್ಲ. ರೇಟಿಂಗ್ - ಒಂದುವರೆ ಸ್ಟಾರ್''

ಆಟ ಮುಗೀತು.!

''ಝೀರೋ ಆಟ ಮುಗಿದ ಹಾಗೆ ಕಾಣುತ್ತಿದೆ. ಇನ್ನಾದರೂ ತಮಗೆ ಒಪ್ಪುವ ಚಿತ್ರಗಳನ್ನು ಶಾರುಖ್ ಖಾನ್ ಆಯ್ಕೆ ಮಾಡಿಕೊಳ್ಳಲಿ'' ಎಂದು ಅಭಿಮಾನಿಯೊಬ್ಬರು ಟ್ವೀಟ್ ಮಾಡಿದ್ದಾರೆ.

ಬೋರಿಂಗ್.!

''ಚಿತ್ರದ ಓಪನಿಂಗ್ ಚೆನ್ನಾಗಿದ್ದರೂ, ಬರ್ತಾ ಬರ್ತಾ ತುಂಬಾ ಬೋರಿಂಗ್ ಆಯ್ತು. ಒಳ್ಳೆಯ ನಿರ್ದೇಶಕ ಆಗಿದ್ದರೂ, ಶಾರುಖ್ ಖಾನ್ ಗೆ ಫ್ಲಾಪ್ ಚಿತ್ರ ಕೊಟ್ಟಿದ್ದಾರೆ'' ಎಂಬುದು ಅಭಿಮಾನಿಯೊಬ್ಬರ ಅಭಿಪ್ರಾಯ.

ಇದೊಂದು ಭಾವನೆ

''ಇಂಟರ್ವೆಲ್ ವರೆಗೂ ಚಿತ್ರ ಚೆನ್ನಾಗಿದೆ. ಶಾರುಖ್ ನಟನೆ ಇಷ್ಟ ಆಯ್ತು. ಇದು ಚಿತ್ರ ಅಲ್ಲ. ಇದೊಂದು ಭಾವನೆ'' ಅಂತ ಟ್ವೀಟ್ ಮಾಡಿದ್ದಾರೆ ಅಭಿಮಾನಿ.

ಮನರಂಜನೆ ನೀಡುತ್ತೆ

''ಝೀರೋ' ಚಿತ್ರದ ಮೊದಲಾರ್ಧ ಚೆನ್ನಾಗಿದೆ. ಗ್ರಾಫಿಕ್ಸ್ ವರ್ಕ್ ಗುಡ್. ದ್ವಿತೀಯಾರ್ಧ ಕೊಂಚ ಸ್ಲೋ. ಒಟ್ಟಾರೆ, ಚಿತ್ರ ಮನರಂಜನೆ ಕೊಡುತ್ತೆ'' ಎಂದು ಬಾಲಿವುಡ್ ಮೇನಿಯಾ ಟ್ವೀಟ್ ಮಾಡಿದೆ.