Click it and Unblock the Notifications
ನಯನತಾರಾ ಸ್ಟೂಡೆಂಟ್ ಆದ ನಟ ಅಜಿತ್ ಕುಮಾರ್
ಇಂತಿಪ್ಪ ನಯನತಾರಾ, ಎಎಮ್ ರತ್ನಂ ನಿರ್ಮಾಣ ಹಾಗೂ ಅಜಿತ್ ಕುಮಾರ್ ನಾಯಕತ್ವದ ಇನ್ನೂ ಹೆಸರಿಡದ ಹೊಸ ಚಿತ್ರಕ್ಕೆ ನಾಯಕಿ ಕೂಡ. ತಮ್ಮ ಭಾಗದ ನಟನೆಯನ್ನು ಮುಗಿಸಿರುವ ನಯನಾ, ಇದೀಗ ವಿಷ್ಣುವರ್ಧನ್ ಅವರಿಗೆ ನಿರ್ದೇಶನದಲ್ಲಿ ಸಹಾಯಕಿಯಾಗಿ ಸೇರಿಕೊಂಡಿದ್ದಾರೆ. ಉಳಿದ ಸಹಾಯಕ ನಿರ್ದೇಶಕರ ಜೊತೆ ನಟಿ ನಯನತಾರಾ ಕೂಡ ಸಹಾಯ ಮಾಡಿಕೊಂಡು ನಿರ್ದೇಶನ ಕಲಿಯುತ್ತಿದ್ದಾರೆ.
ನಟ ಅಜಿತ್ ಕುಮಾರ್ ಭಾಗದ ಕೆಲವು ದೃಶ್ಯಗಳನ್ನು ಈಗಾಗಲೇ ನಯನತಾರಾ ನಿರ್ದೇಶಿಸಿ ಚಿತ್ರೀಕರಿಸಿದ್ದಾರೆ. ನಿರ್ದೇಶನದಲ್ಲಿ ತುಂಬಾ ಆಸಕ್ತಿ ತೋರಿಸುತ್ತಿರುವ ನಯನತಾರಾಗೆ ಭವಿಷ್ಯದಲ್ಲಿ ನಿರ್ದೇಶಕಿಯಾಗುವ ಕನಸಿದೆ ಎಂಬುದು ಆ ಚಿತ್ರತಂಡದ ಎಲ್ಲರಿಗೂ ಅರ್ಥವಾಗಿದೆ. ಭವಿಷ್ಯದ ಈ ನಿರ್ದೇಶಕಿಗೆ ಸಹಾಯಕರಾಗಲು ಅದೆಷ್ಟು ಹುಡುಗರು ಕನಸು ಕಾಣುತ್ತಿದ್ದಾರೋ ನಾರಾಯಣನೇ ಬಲ್ಲ!
ಅಜಿತ್ ಕುಮಾರ್ ಹೊಸ ಚಿತ್ರದ ಮೊದಲ ಹಂತದ ಚಿತ್ರೀಕರಣವನ್ನು ಚಿತ್ರತಂಡ ಮುಗಿಸಿದೆ. ಇದನ್ನು ಬೆಂಗಳೂರು ಹಾಗೂ ಮುಂಬೈನ ಕೆಲ ಸ್ಥಳಗಳಲ್ಲಿ ಚಿತ್ರೀಕರಿಸಲಾಗಿದ್ದು ಮುಂದಿನ ಹಂತದ ಚಿತ್ರೀಕರಣಕ್ಕೆ ಚಿತ್ರತಂಡ ವಿದೇಶಕ್ಕೆ ಪ್ರಯಾಣ ಬೆಳೆಸುವ ಸಂಭವವಿದೆ. ಅಜಿತ್-ನಯನತಾರಾರ ಹೆಸರಿಡದ ಈ ಚಿತ್ರದ ತಾರಾಬಳಗದಲ್ಲಿ ಆರ್ಯ, ತಾಪ್ಸಿ, ಮಹೇಶ್ ಮಾಂಜ್ರೇಕರ್, ಸುಮಾ ರಂಗನಾಥನ್, ಕಿಶೋರ್ ಹಾಗೂ ಮುಂತಾದವರಿದ್ದಾರೆ. (ಒನ್ ಇಂಡಿಯಾ ಕನ್ನಡ)
Continue with Google