ವಿದೇಶದಿಂದ ವಾಪಸ್ ಆದ ನಟಿ ಸುಹಾಸಿನಿ ಪುತ್ರ ಸ್ವಯಂ ದಿಗ್ಬಂಧನದಲ್ಲಿ

ಗೃಹ ಬಂಧನದಲ್ಲಿ ಸುಹಾಸಿನಿ ಪುತ್ರ

ವಿದೇಶದಿಂದ ವಾಪಸ್ ಆದ ಪ್ರತಿಯೊಬ್ಬರ ಕೈಗೂ 'Home Quarantained' ಸ್ಟ್ಯಾಂಪ್ ಹಾಕಲಾಗುತ್ತಿದೆ. ಹಾಗೂ ಅವರು ಎಲ್ಲಿಯೂ ಓಡಾಡದೆ ಸ್ವಯಂ ನಿರ್ಬಂಧದಲ್ಲಿ ಇರಬೇಕು. ಹಾಗಾಗಿ ವಿದೇಶದಿಂದ ವಾಪಸ್ ಆದ ನಟಿ ಸುಹಾಸಿನಿ ಪುತ್ರ ನಂದನ್ ಕೂಡ ಈಗ ಗೃಹ ಬಂಧನದಲ್ಲಿ ಇದ್ದಾರೆ.

ಮನೆಯ ಕೋಣೆಯಲ್ಲಿ ನಂದನ್ ಬಂಧನ

ಮನೆಯ ಒಂದು ಕೋಣೆಯಲ್ಲಿಯೆ ನಂದನ್ ಬಂಧಿಯಾಗಿದ್ದಾರೆ. ಈಗಾಗಲೆ 5 ದಿನಗಳಾಗಿದ್ದು, ಇನ್ನೂ 9 ದಿನಗಳು ಯಾರೊಂದಿಗೂ ಸಂಪರ್ಕ ಸಾದಿಸದಂತೆ ಮುಂಜಾಗೃತಿ ವಹಿಸಲಾಗಿದೆ. ಮಗ ಆರೋಗ್ಯವಾಗಿರುವ ಬಗ್ಗೆ ಸುಹಾಸಿನಿ ಬಹಿರಂಗ ಪಡಿಸಿದ್ದಾರೆ. ನಂದನ್ ಗೆ ಕೋಣೆಯಲ್ಲಿಯೆ ಊಟದ ವ್ಯವಸ್ಥೆಯನ್ನು ಮಾಡಲಾಗಿದೆ. ಕೋಣೆಯೊಳಗೆ ಊಟ ಇಡುವಾಗ ಮತ್ತು ನಂತರ ಆ ಜಾಗಕ್ಕೆ ಸ್ಪ್ರೇ ಮಾಡಲಾಗುತ್ತಿದೆ.

'ಯಾರೂ ಭಯಪಡಬೇಡಿ': ನಂದನ್

ಈ ಬಗ್ಗೆ ನಟಿ ಸುಹಾಸಿನಿ ಸಾಮಾಜಿಕ ಜಾಲತಾಣದಲ್ಲಿ ಬಹಿರಂಗ ಪಡಿಸಿದ್ದಾರೆ. ಮಗನ ವಿಡಿಯೋ ಮಾಡಿ ಪೋಸ್ಟ್ ಮಾಡಿದ್ದಾರೆ. ಜೊತೆಗೆ ನಂದನ್ ಕೂಡ ಮಾತನಾಡಿದ್ದು, ಇದು ದೊಡ್ಡ ವಿಚಾರವಲ್ಲ. ಯಾರೂ ಗಾಭರಿಯಾಗಬೇಕಿಲ್ಲ. ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ ಎಂದು ಹೇಳಿದ್ದಾರೆ.

ಸ್ವಯಂ ನಿರ್ಬಂಧದಲ್ಲಿ ನಟ ಪ್ರಭಾಸ್

ನಟ ಪ್ರಭಾಸ್ ಕೂಡ ಸ್ವಯಂ ನಿರ್ಬಂಧದಲ್ಲಿ ಇದ್ದಾರೆ. ಇತ್ತೀಚಿಗೆ ಚಿತ್ರೀಕರಣ ಮುಗಿಸಿ ವಿದೇಶದಿಂದ ವಾಪಸ್ ಆಗಿದ್ದ ಪ್ರಭಾಸ್ ಮನೆಯಲ್ಲಿಯೆ ಸ್ವಯಂ ನಿರ್ಬಂಧದಲ್ಲಿ ಇರುವುದಾಗಿ ಹೇಳಿದ್ದಾರೆ. ಜಾನ್ ಸಿನಿಮಾದ ಚಿತ್ರೀಕರಣಕ್ಕಾಗಿ ಪ್ರಭಾಸ್ ಜಾರ್ಜಿಯಾಗೆ ತೆರಳಿದ್ದರು. ಇತ್ತೀಚಿಗಷ್ಟೆ ವಾಪಸ್ ಆಗಿದ್ದಾರೆ. ಪ್ರಭಾಸ್ ಜೊತೆ ಇಡೀ ಚಿತ್ರತಂಡ ಸ್ವಯಂ ನಿರ್ಬಂಧದಲ್ಲಿ ಇದ್ದಾರೆ.