10 ದಿನ 300 ಕೋಟಿ: ಕಮಾಲ್ ಮಾಡಿದ ಕಮಲ್ ಹಾಸನ್ 'ವಿಕ್ರಂ'

'ವಿಕ್ರಂ' ಕಮಲ್ ಹಾಸನ್ ದೊಡ್ಡ ಯಶಸ್ಸು!

ಕಮಲ್ ಹಾಸನ್ ಅಭಿನಯದ ವಿಕ್ರಂ ನಟ ಕಮಲ್ ಹಾಸನ್ ಸಿನಿಮಾ ಜರ್ನಿಯಲ್ಲಿ ಹೊಸ ದಾಖಲೆ ಬರೆದಿದೆ. 'ವಿಕ್ರಂ' ಸಿನಿಮಾ ಕಮಲ್ ಹಾಸನ್ ಗೆ ದೊಡ್ಡ ಯಶಸ್ಸು ತಂದು ಕೊಟ್ಟಿದೆ. ದಶಕಗಳಿಂದ ಸಿನಿಮಾರಂಗದಲ್ಲಿ ಹಲವಾರು ಹಿಟ್ ಸಿನಿಮಾಗಳನ್ನು ಕೊಟ್ಟ ಕಮಲ್ ಹಾಸನ್ ಇದೇ ಮೊದಲ ಬಾರಿಗೆ ಚಿತ್ರದ ಮೂಲಕ ಹೊಸ ರೆಕಾರ್ಡ್ ಮಾಡಿದ್ದಾರೆ. 'ವಿಕ್ರಂ' ಸಿನಿಮಾ ಕಮಲ್ ಹಾಸನ್ ಸಿನಿಮಾ ವೃತ್ತಿಬ ದುಕಿನಲ್ಲಿ ಅತಿಹೆಚ್ಚು ಗಳಿಕೆ ಕಂಡ ಸಿನಿಮಾವಾಗಿದೆ. ಇದೇ ಖುಷಿಯಲ್ಲಿ ಕಮಲ್ ಹಾಸನ್ ಚಿತ್ರತಂಡದ ಹಲವರಿಗೆ ಉಡುಗೊರೆಗಳನ್ನು ಕೊಟ್ಟಿದ್ದಾರೆ.

10 ದಿನಕ್ಕೆ 300 ಕೋಟಿ ರೂ. ಗಳಿಕೆ!

ವಿಕ್ರಂ ಸಿನಿಮಾ ನಿರೀಕ್ಷೆಯ ಮಟ್ಟವನ್ನು ಮೀರಿ ಹೆಚ್ಚಿನ ಗಳಿಕೆ ಕಂಡಿದೆ. ಸಿನಿಮಾ ಹತ್ತನೇ ದಿನಕ್ಕೆ 300 ಕೋಟಿ ರೂ ಕಲೆಹಾಕಿದೆ. ಎರಡನೇ ವೀಕೆಂಡ್ ಮುಗಿಯುತ್ತಿದ್ದಂತೆಯೇ ವಿಕ್ರಮ್ ಬಾಕ್ಸಾಫೀಸ್ ಗಳಿಕೆ ಹೊರಬಂದಿದೆ. 10 ದಿನಕ್ಕೆ ವಿಕ್ರಮ್ 300 ಕೋಟಿ ರೂ. ಗಳಿಸಿ ದಾಖಲೆ ಬರೆದಿದೆ. 'ವಿಕ್ರಂ' ಪ್ಯಾನ್ ಇಂಡಿಯಾ ಸಿನಿಮಾ ಅಲ್ಲ ಕೇವಲ ತಮಿಳಿನಲ್ಲಿ ರಿಲೀಸಾದ ವಿಕ್ರಂ ಇಷ್ಟು ದೊಡ್ಡ ಮಟ್ಟದ ಗಳಿಕೆ ಕಂಡಿರುವುದು ತಮಿಳು ಚಿತ್ರರಂಗದಲ್ಲಿ ದೊಡ್ಡ ದಾಖಲೆಯೇ ಸರಿ.

ಮೊದಲ ದಿನ 45 ಕೋಟಿ ರೂ.!

ವಿಕ್ರಂ ಸಿನಿಮಾ ನಿರೀಕ್ಷೆಯಂತೆಯೇ ರಿಲೀಸ್ ದಿನವೇ ದೊಡ್ಡಮಟ್ಟದ ಓಪನಿಂಗ್ ಪಡೆದುಕೊಂಡಿದೆ. ಜೂನ್ ಮೂರಕ್ಕೆ ರಿಲೀಸಾದ ವಿಕ್ರಂ ಸಿನಿಮಾ ಮೊದಲ ದಿನ 45 ಕೋಟಿ ರೂ ಕಲೆಹಾಕಿದೆ. ದಿನದಿಂದ ದಿನಕ್ಕೆ ಕಲೆಕ್ಷನ್ ಹೆಚ್ಚು ಮಾಡಿಕೊಂಡಿರುವ ವಿಕ್ರಮ ಸಿನಿಮಾ ವಿಶ್ವದಾದ್ಯಂತ ಹತ್ತನೇ ದಿನಕ್ಕೆ 300 ಕೋಟಿ ರೂ ಗಳಿಕೆ ಮಾಡಿದೆ. ಈ ಸಿನಿಮಾ ಪಾನ್ ಇಂಡಿಯಾ ಚಿತ್ರಗಳು ಮಾತ್ರವಲ್ಲ ಕಂಟೆಂಟ್ ಉತ್ತಮವಾಗಿದ್ದರೆ ಪಾನ್ ಇಂಡಿಯಾ ಟ್ಯಾಗ್ ಬೇಕಾಗಿಲ್ಲ ಎನ್ನುವುದನ್ನು ವಿಕ್ರಂ ಸಿನಿಮಾ ಸಾಬೀತು ಮಾಡಿದೆ.

ಒಟ್ಟಾರೆ ಲಾಭ 500 ಕೋಟಿ ರೂ.!

'ವಿಕ್ರಂ' ಸಿನಿಮಾ ರಿಲೀಸ್‌ಗೂ ಮುನ್ನವೇ 200 ಕೋಟಿ ರೂ. ಲಾಭ ಕಂಡಿತ್ತು. ಕಮಲಹಾಸನ್ ಸಿನಿಮಾ ಜರ್ನಿಯಲ್ಲಿ ಮೊದಲ ರೆಕಾರ್ಡ್. ಈಗ ಹತ್ತು ದಿನಕ್ಕೆ 300 ಕೋಟಿ ರೂ. ಗಳಿಕೆ ಕಂಡಿದ್ದು ಒಟ್ಟಾರೆ ಸಿನಿಮಾದ ಗಳಿಕೆ 500 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ. ಎರಡು ವಾರ ಕಳೆದರೂ ಕೂಡ ವಿಕ್ರಂ ಸಿನಿಮಾದ ಬಾಕ್ಸಾಫೀಸ್ ಗಳಿಕೆ ಮುಂದುವರೆದಿದ್ದು, ಮತ್ತಷ್ಟು ದಾಖಲೆ ಬರೆಯುವ ನಿರೀಕ್ಷೆ ಇದೆ.