ಮದುವೆ ಆಗ್ತಿದ್ದಂತೆ ಪತಿಗೆ ₹20 ಕೋಟಿ ಬಂಗಲೆ ಗಿಫ್ಟ್: ನಯನತಾರಾ ತಿರುಪತಿ ದರ್ಶನ!

ವಿಘ್ನೇಶ್‌ಗೆ ₹20 ಕೋಟಿ ಬಂಗಲೆ ಗಿಫ್ಟ್

ನಯನತಾರಾ ಹಾಗೂ ವಿಘ್ನೇಶ್ ಶಿವನ್ ಮದುವೆಯಾಗಿ ಇನ್ನೂ ಒಂದು ದಿನವೂ ಕಳೆದಿಲ್ಲ. ಆಗಲೇ ಮದುವೆಯ ಬಳಿಕ ವಿಘ್ನೇಶ್‌ಗೆ ಸಿಕ್ಕಿರುವ ಐಶಾರಾಮಿ ಉಡುಗೊರೆಗಳ ಬಗ್ಗೆನೇ ಸುದ್ದಿಯಾಗುತ್ತಿದೆ. ನಯನತಾರಾ ತನ್ನ ಪತಿ ವಿಘ್ನೇಶ್‌ ಶಿವನ್‌ಗೆ ಸುಮಾರು ₹20 ಕೋಟಿ ಬೆಲೆ ಬಾಳುವ ದುಬಾರಿ ಬಂಗಲೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಈ ವಿಷಯ ಇವರಿಬ್ಬರ ಮದುವೆಗಿಂತ ಹೆಚ್ಚು ಚರ್ಚೆಯಾಗುತ್ತಿದೆ.

ಲೇಡಿ ಸೂಪರ್‌ಸ್ಟಾರ್ ನಯನತಾರಾ ವೃತ್ತಿ ಬದುಕಿನ ಕೆಲ ಕರಾಳ ಸತ್ಯಗಳು

ದಾಖಲಾತಿ ಕೆಲಸ ಮುಗಿದಿದೆ

ಹೌದು, ನೀವು ಕೇಳುತ್ತಿರುವ ಇದೇ ಸುದ್ದಿ ನ್ಯಾಷನಲ್‌ ಲೆವೆಲ್‌ನಲ್ಲಿ ಭಾರಿ ಚರ್ಚೆಯಾಗುತ್ತಿದೆ. ಕೆಲವು ವರದಿಗಳ ಪ್ರಕಾರ, ಬಂಗಲೆಯ ನೋಂದಣಿ ಕೆಲಸಗಳು ಕೂಡ ಮುಗಿದಿದೆ ಎನ್ನಲಾಗಿದೆ. ನಯನತಾರಾ ಖರೀದಿಸಿದ ಬಂಗಲೆಯನ್ನು ಈಗಾಗಲೇ ವಿಘ್ನೇಶ್ ಶಿವನ್ ಹೆಸರಿಗೆ ನೋಂದಣಿಯನ್ನು ಮಾಡಿಸಿದ್ದಾರಂತೆ ನಯನತಾರಾ. ಇನ್ನು ಈ ಬಂಗಲೆ ಎಲ್ಲಿದೆ? ಈ ಬಂಗಲೆಯ ವಿಶೇಷತೆಯೇನು? ಅನ್ನುವುದು ಇನ್ನಷ್ಟು ಕುತೂಹಲ ಕೆರಳಿಸಿದೆ.

ವಿಘ್ನೇಶ್ ಕುಟುಂಬಕ್ಕೆ ಉಡುಗೊರೆ

ನಯನತಾರಾ ಕೇವಲ ಪತಿ ವಿಘ್ನೇಶ್ ಶಿವನ್‌ಗೆ ದುವಾರಿ ಉಡುಗೊರೆಯನ್ನು ನೀಡಿಲ್ಲ. ವಿಘ್ನೇಶ್ ಸಹೋದರಿ ಐಶ್ವರ್ಯಾಗೆ 30 ಬಗೆಯ ಬಂಗಾರದ ಒಡವೆಗಳನ್ನು ನೀಡಿದ್ದಾರೆ ಎಂದು ವರದಿಯಾಗಿದೆ. ಅಲ್ಲದೆ ಇನ್ನೂ ಬೆಲೆ ಬಾಳುವ ಉಡುಗೊರೆಯನ್ನು ವಿಘ್ನೇಶ್ ಕುಟುಂಬಕ್ಕೆ ಅವರ ಹತ್ತಿರದ ಸಂಬಂಧಿಗಳಿಗೆ ನಯನತಾರಾ ನೀಡಿದ್ದಾರೆ.

ಹೊಸ ಬಿಸಿನೆಸ್‌ಗೆ ಕೈಯಿಟ್ಟ ನಯನತಾರಾ: 100 ಕೋಟಿ ಹೂಡಿಕೆ!

ಪತ್ನಿಗೆ ₹5 ಕೋಟಿ ಬೆಲೆಯ ಜ್ಯುವೆಲರಿ

ವಿಘ್ನೇಶ್ ಶಿವನ್‌ ಕೂಡ ನಯನತಾರಾಗೂ ದುಬಾರಿ ಉಡುಗೊರೆಯನ್ನೇ ನೀಡಿದ್ದಾರೆ. ಮದುವೆ ಸಮಾರಂಭದಲ್ಲಿ ನಯನತಾರಾ ತೊಟ್ಟ ಒಡವೆಗಳ ಒಟ್ಟು ಬೆಲೆ ₹2.5 ಕೋಟಿಯಿಂದ ₹3 ಕೋಟಿ ಎಂದು ಹೇಳಲಾಗುತ್ತಿದೆ. ಅಲ್ಲದೆ ನಯನತಾರಾಗಾಗಿ ₹5 ಕೋಟಿ ಬೆಲೆಯ ಡೈಮಂಡ್ ರಿಂಗ್ ಅನ್ನೂ ಉಡುಗೊರೆಯಾಗಿ ನೀಡಿದ್ದಾರಂತೆ.

ತಿರುಪತಿಯಲ್ಲಿ ನಯನತಾರಾ-ವಿಘ್ನೇಶ್

ವಿವಾಹದ ಬಳಿಕ ನಯನತಾರಾ ಹಾಗೂ ವಿಘ್ನೇಶ್ ಶಿವನ್ ತಿರುಪತಿಗೆ ಭೇಟಿ ನೀಡಿ ತಿಮ್ಮಪ್ಪನ ಆಶೀರ್ವಾದ ಪಡೆದಿದ್ದಾರೆ. ಹಳದಿ ಸೀರೆಯುಟ್ಟು ಪತಿ ವಿಘ್ನೇಶ್ ಕೈ ಹಿಡಿದು ನಯನತಾರಾ ದೇವರ ದರ್ಶನ ಪಡೆದಿದ್ದಾರೆ. ಮೂಲಗಳ ಪ್ರಕಾರ, ನಯನತಾರಾ ಹಾಗೂ ವಿಘ್ನೇಶ್ ಶಿವನ್ ಇಬ್ಬರೂ ತಿರುಪತಿಯಲ್ಲಿಯೇ ವಿವಾಹವಾಗಬೇಕಿತ್ತು. ಆದರೆ, ಕಾರಣಾಂತರಗಳಿಂದ ಇದು ಸಾಧ್ಯವಾಗಿರಲಿಲ್ಲ.