"ಸಾಯಿಸಿ ಬಿಡ್ತೀವಿ ಎಂದು ಹೆದರಿಸಿದ್ದರು.. ಭಾರತಕ್ಕೆ ಬರೋದೇ ಅನುಮಾನ ಅಂದುಕೊಂಡಿದ್ದೆ": ಸನ್ನಿ ಲಿಯೋನ್

ಬೆದರಿಕೆ ಮೇಲ್‌ಗಳು ಬರ್ತಿತ್ತು

"ನನ್ನ ಕರಿಯರ್ ಆರಂಭದಲ್ಲಿ ನನಗೆ ಬೆದರಿಕೆ ಮೇಲ್‌ಗಳು ಬರುತ್ತಿದ್ದವು. ಸಾಯಿಸಿಬಿಡ್ತೀವಿ ಎಂದು ಕೆಲವರು ಮೆಸೇಜ್ ಕಳುಹಿಸುತ್ತಿದ್ದರು. ಇದನ್ನು ನೋಡಿ ಭಾರತದ ಜನ ನನ್ನ ಮೇಲೆ ಬಹಳ ಕೋಪ ಇದೆ ಎಂದುಕೊಂಡಿದ್ದೆ. ಆ ಬೆದರಿಕೆಗಳು ನನ್ನ ಮೇಲೆ ಬಹಳ ಪ್ರಭಾವ ಬೀರಿದ್ದವು. ಆಗ ನನ್ನ ವಯಸ್ಸು 20 ವರ್ಷ. ನನಗೆ ಯಾವುದು ಸರಿ ಯಾವುದು ತಪ್ಪು ಎಂದು ಹೇಳುವವರು ಇರಲಿಲ್ಲ" ಎಂದಿದ್ದಾರೆ.

" ಅಂತಹ ಬೆದರಿಕೆಗಳು ಈಗ ಬಂದರೆ ನನಗೇನು ಅನ್ನಿಸುವುದಿಲ್ಲ. ಯಾಕಂದರೆ ಈಗ ನಾನು ಮಾನಸಿಕವಾಗಿ ಬಹಳ ಗಟ್ಟಿಯಾಗಿದ್ದೇನೆ" ಎಂದು ಆ ದಿನಗಳನ್ನು ನೆನೆದು ಭಾವೋದ್ವೇಗಕ್ಕೆ ಒಳಗಾಗಿದ್ದಾರೆ. ಸದ್ಯ ಸನ್ನಿ ಲಿಯೋನ್ 'ಓ ಮೈ ಘೋಸ್ಟ್' ಎನ್ನು ತಮಿಳು ಹಾರರ್ ಕಾಮಿಡಿ ಚಿತ್ರದಲ್ಲಿ ಮಿಂಚಿದ್ದಾರೆ. ಚಿತ್ರದ ಪ್ರಮೋಷನ್‌ಗಾಗಿ ತಮಿಳುನಾಡಿನಲ್ಲಿ ಬೀಡು ಬಿಟ್ಟಿದ್ದಾರೆ.

ಮಾಲಿವುಡ್‌ಗೂ ಸನ್ನಿ ಎಂಟ್ರಿ

ಸನ್ನಿ ಲಿಯೋನ್ ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸ್ತಿದ್ದಾರೆ. ಆದರೆ ಬಾಲಿವುಡ್‌ಗಿಂತ ಜಾಸ್ತಿ ತಮಿಳು, ಮಲಯಾಳಂ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. 'ರಂಗೀಲಾ' ಸಿನಿಮಾ ಮೂಲಕ ಮಾಲಿವುಡ್‌ಗೆ ಎಂಟ್ರಿ ಕೊಡುತ್ತಿದ್ದಾರೆ. ತಮಿಳಿನಲ್ಲಿ 'ಓ ಮೈ ಘೋಸ್ಟ್' ಜೊತೆಗೆ 'ವೀರಮ ದೇವಿ', 'ಶೇರೊ' ಸಿನಿಮಾಗಳಲ್ಲಿ ಲೀಡ್‌ ರೋಲ್‌ನಲ್ಲಿ ನಟಿಸಿದ್ದಾರೆ. ಬಾಲಿವುಡ್‌ನಲ್ಲಿ 'ಕೋಕ ಕೋಲ', 'ಹೆಲೆನ್' ಹಾಗೂ 'ದಿ ಬ್ಯಾಟಲ್ ಆಫ್ ಭೀಮ ಕೊರೆಂಗನ್' ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಕನ್ನಡ ಸಿನಿಮಾಗಳಲ್ಲೂ ಸನ್ನಿ ಮಿಂಚು

'ಡಿಕೆ' ಸಿನಿಮಾದಲ್ಲಿ ಜೋಗಿ ಪ್ರೇಮ್ ಜೊತೆ ಸೇಸಮ್ಮ ಆಗಿ ಸನ್ನಿ ಲಿಯೋನ್ ಕುಣಿದಿದ್ದರು. ನಂತರ 'ಲವ್‌ ಯು ಆಲಿಯಾ' ಚಿತ್ರದಲ್ಲೂ ಕುಣಿದು ಹೋಗಿದ್ದರು. ಈ ವರ್ಷ 'ಚಾಂಪಿಯನ್' ಸಿನಿಮಾದಲ್ಲಿ 'ಡಿಂಗರ ಬಿಲ್ಲಿ'ಯಾಗಿ ಬಿಂದಾಸ್ ಆಗಿ ಸ್ಟೆಪ್ಸ್ ಹಾಕಿದ್ದರು. ಕೆಲ ದಿನಗಳ ಹಿಂದೆ ಸಿನಿಮಾ ಪ್ರಚಾರಕ್ಕಾಗಿ ಬೆಂಗಳೂರಿಗೆ ಬಂದು ಹೋಗಿದ್ದರು. ಮಂಡ್ಯದಲ್ಲಿ ಸನ್ನಿ ಲಿಯೋನ್ ಅಭಿಮಾನಿ ಸಂಘ ಕೂಡ ಇದೆ.