ಶೂಟಿಂಗ್ ಆರಂಭಿಸಿದ 'ಅಂಧಾದುನ್' ತೆಲುಗು ರೀಮೇಕ್

'ರಂಗ್ ದೇ' ಶೂಟಿಂಗ್ ಮುಗಿಸಿದ ನಿತೀನ್

'ಭೀಷ್ಮ' ಸಿನಿಮಾದ ಬಳಿಕ ನಿತೀನ್ ರಂಗ್ ದೇ ಚಿತ್ರವನ್ನು ಮುಗಿಸಿದ್ದಾರೆ. ಇತ್ತೀಚಿಗಷ್ಟೆ ರಂಗ್ ದೇ ಚಿತ್ರದ ಕೊನೆಯ ಹಂತದ ಶೂಟಿಂಗ್‌ನ್ನು ದುಬೈನಲ್ಲಿ ಪೂರ್ಣಗೊಳಿಸಿದ್ದರು. ಇದರ ಬೆನ್ನಲ್ಲೆ ದುಬೈನಲ್ಲಿ ಅಂಧಾದುನ್ ರೀಮೇಕ್ ಪ್ರಾರಂಭಿಸಿದ್ದಾರೆ. ಈ ಕುರಿತು ನಿತೀನ್ ಸಹ ಸಂತಸ ಹಂಚಿಕೊಂಡಿದ್ದಾರೆ.

ಜನವರಿಗೆ ತಮನ್ನಾ ಭಾಗಿ

ಆಯುಷ್ಮಾನ್ ಖುರಾನ್, ರಾಧಿಕಾ ಆಪ್ಟೆ ಹಾಗೂ ಟಬು ನಟಿಸಿದ್ದ ಪಾತ್ರದಲ್ಲಿ ಕ್ರಮವಾಗಿ ನಿತೀನ್, ನಭಾ ನಟೇಶ್ ಹಾಗೂ ತಮನ್ನಾ ಕಾಣಿಸಿಕೊಳ್ಳುತ್ತಿದ್ದಾರೆ. ದುಬೈನಲ್ಲಿ ಆರಂಭವಾಗಿರುವ ಚಿತ್ರೀಕರಣಕ್ಕೆ ನಿತೀನ್ ಜೊತೆ ನಭಾ ನಟೇಶ್ ಸಹ ಭಾಗಿಯಾಗಿದ್ದಾರೆ. ಆದ್ರೆ, ತಮನ್ನಾ ಜನವರಿಯಲ್ಲಿ ತಂಡವನ್ನು ಸೇರಿಕೊಳ್ಳಲಿದ್ದಾರೆ ಎಂದು ಹೇಳಲಾಗಿದೆ.

ತಮಿಳಿನಲ್ಲಿ ಅಂಧಾದುನ್?

ತಮಿಳಿನಲ್ಲೂ ಅಂಧಾದುನ್ ರೀಮೇಕ್ ಆಗುತ್ತಿದ್ದು, ನಿರ್ಮಾಪಕ ತ್ಯಾಗರಾಜನ್ ಬಳಿ ರೀಮೇಕ್ ಹಕ್ಕಿದೆ. ಮೂಲಗಳ ಪ್ರಕಾರ ನಟ ಪ್ರಶಾಂತ್ ನಾಯಕನಾಗಿ ನಟಿಸುವ ಸಾಧ್ಯತೆ ಇದೆ. ಪ್ರಶಾಂತ್‌ಗೆ ನಾಯಕಿಯರು ಯಾರಾಗಬಹುದು ಎಂಬ ಕುತೂಹಲ ಕಾಡ್ತಿದೆ. ಆದ್ರೆ, ತಮಿಳು ಪ್ರಾಜೆಕ್ಟ್‌ ಅಧಿಕೃತವಾಗಿಲ್ಲ.

Recommended Video

ಅದು ನನಗೆ ಬಹಳ ಮುಖ್ಯವಾದ ದಿನ ಎಂದ ಶಕೀಲ | Shakeela | Filmibeat Kannada

ಮಲಯಾಳಂನಲ್ಲಿ ಯಾರು?

ಮಲಯಾಳಂ ಭಾಷೆಯಲ್ಲಿ ಅಂಧಾದುನ್ ರೀಮೇಕ್‌ಗೆ ಪೃಥ್ವಿರಾಜ್ ಸುಕುಮಾರ್ ನಾಯಕನಾಗುವುದು ಬಹುತೇಕ ಖಚಿತ ಎಂದು ಹೇಳಲಾಗಿದೆ. ಪೃಥ್ವಿರಾಜ್ ಜೊತೆಯಲ್ಲಿ ಅಹನಾ ಕೃಷ್ಣ ಮತ್ತು ಮಮತಾ ಮೋಹನ್ ದಾಸ್ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಇದರ ಬಗ್ಗೆ ಅಧಿಕೃತ ಪ್ರಕಟಣೆ ಆಗಿಲ್ಲ.