ಸಂಭಾವನೆ ನಿರಾಕರಿಸಿದ ಸಲ್ಮಾನ್ ಖಾನ್‌! ಐಶಾರಾಮಿ ಕಾರು ಕೊಡಲಿರುವ ಚಿರಂಜೀವಿ

ಸಲ್ಮಾನ್ ಖಾನ್‌ಗೆ ದುಬಾರಿ ಕಾರು

ಸಿನಿಮಾವನ್ನು ರಾಮ್ ಚರಣ್ ಒಡೆತನದ ಕೋನಿಡೇಲ ಪ್ರೊಡಕ್ಷನ್ ವತಿಯಿಂದಲೇ ನಿರ್ಮಾಣ ಮಾಡುತ್ತಿರುವ ಕಾರಣ ರಾಮ್ ಚರಣ್ ಅವರೇ ಸಲ್ಮಾನ್ ಖಾನ್ ಅನ್ನು ಸಂಪರ್ಕಿಸಿ ಸಿನಿಮಾದಲ್ಲಿ ನಟಿಸಲು ತಂದೆಯ ಪರವಾಗಿ ಆಹ್ವಾನಿಸಿದ್ದರು. ಹಾಗಾಗಿ ಈಗ ಚಿರಂಜೀವಿ-ರಾಮ್ ಚರಣ್ ತೇಜ ಒಟ್ಟಿಗೆ ಸಲ್ಮಾನ್ ಖಾನ್‌ಗೆ ದುಬಾರಿ ಕಾರೊಂದನ್ನು ಉಡುಗೊರೆಯಾಗಿ ನೀಡಲು ಸಜ್ಜಾಗಿದ್ದಾರೆ.

ಹಲವು ಐಶಾರಾಮಿ ಕಾರುಗಳಿವೆ

ಸಲ್ಮಾನ್ ಖಾನ್‌ ಬಳಿ ಈಗಾಗಲೇ ಹಲವು ಐಶಾರಾಮಿ ಕಾರುಗಳಿವೆ. ಹಾಗಿದ್ದರೂ ರಾಮ್ ಚರಣ್-ಚಿರಂಜೀವಿ ಅವರು ಸಲ್ಮಾನ್ ಖಾನ್‌ಗೆ ಕಾರೊಂದನ್ನು ಉಡುಗೊರೆಯಾಗಿ ನೀಡಲು ಸಿದ್ಧರಾಗಿದ್ದಾರೆ. ಆ ಕಾರು ಯಾವುದೆಂಬುದು ಖಾತ್ರಿಯಾಗಿಲ್ಲವಾದರು, ಸಲ್ಮಾನ್ ಖಾನ್‌ ಸಂಗ್ರಹದಲ್ಲಿ ಇಲ್ಲದ, ವಿಶೇಷವಾಗಿ ಐಶಾರಾಮಿಯಾದ ಹಾಗೂ ಸಲ್ಮಾನ್ ಖಾನ್‌ಗೆ ಇಷ್ಟವಾಗುವ ಮಾದರಿಯ ಕಾರನ್ನೇ ಉಡುಗೊರೆಯಾಗಿ ನೀಡಲು ಸಿದ್ಧರಾಗಿದ್ದಾರೆ.

ಹಿಂದಿ ಭಾಗದಲ್ಲಿ ಹೆಚ್ಚೇನು ಕಲೆಕ್ಷನ್ ಮಾಡಿಲ್ಲ

'ಗಾಡ್ ಫಾದರ್' ಸಿನಿಮಾ, ಮಲಯಾಳಂನ 'ಲುಸಿಫರ್' ಸಿನಿಮಾದ ರೀಮೇಕ್. ಮೂಲ ಸಿನಿಮಾದಲ್ಲಿ ಮೋಹನ್‌ಲಾಲ್ ನಟಿಸಿದ್ದ ಪಾತ್ರದಲ್ಲಿ ಚಿರಂಜೀವಿ ನಟಿಸಿದ್ದಾರೆ. ಪೃಥ್ವಿರಾಜ್ ಸುಕುಮಾರ್ ನಟಿಸಿದ್ದ ಪಾತ್ರದಲ್ಲಿ ಸಲ್ಮಾನ್ ಖಾನ್ ನಟಿಸಿದ್ದಾರೆ. ಸಲ್ಮಾನ್ ಖಾನ್‌ಗಾಗಿ ವಿಶೇಷ ಫೈಟ್‌ಗಳು, ಅದ್ಧೂರಿ ಎಂಟ್ರಿ ಸೀನ್ ಹಾಗೂ ಒಂದು ಹಾಡನ್ನು ಸಹ ಸಿನಿಮಾದಲ್ಲಿ ಸೇರಿಸಲಾಗಿದೆ. ಆದರೆ ಸಲ್ಮಾನ್ ಖಾನ್ ಇದ್ದರೂ ಸಹ ಈ ಸಿನಿಮಾ ಹಿಂದಿ ಭಾಗದಲ್ಲಿ ಗಮನಾರ್ಹ ಕಲೆಕ್ಷನ್ ಅನ್ನೇನೂ ಮಾಡಿಲ್ಲ. ಆದರೆ ಸಲ್ಮಾನ್ ಖಾನ್ ಇರುವುದರಿಂದಾಗಿ ಸಿನಿಮಾದ ಹಿಂದಿ ಡಬ್ಬಿಂಗ್ ಹಕ್ಕಿಗೆ ಹೆಚ್ಚು ಬೇಡಿಕೆ ಬರಲಿದೆ ಎನ್ನಲಾಗುತ್ತಿದೆ.

ಸಲ್ಮಾನ್, ಚಿರಂಜೀವಿ ಮುಂದಿನ ಸಿನಿಮಾಗಳು

ಇನ್ನುಳಿದಂತೆ, ಚಿರಂಜೀವಿ 'ಭೋಲಾ ಶಂಕರ್' ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಅದರ ಬಳಿಕ 'ವಾಲ್ಟರ್ ವೀರಯ್ಯ' ಸಿನಿಮಾದಲ್ಲಿ ನಟಿಸಲಿದ್ದಾರೆ. 'ಭೋಲಾ ಶಂಕರ್' ಸಿನಿಮಾ ಸಹ ತಮಿಳಿನ ಸಿನಿಮಾದ ರೀಮೇಕ್ ಆಗಿದೆ. ಇನ್ನು ಸಲ್ಮಾನ್ ಖಾನ್ ನಟನೆಯ 'ಟೈಗರ್ 3' ಚಿತ್ರೀಕರಣ ಅಂತಿಮ ಹಂತದಲ್ಲಿದೆ. 'ಕಭಿ ಈದ್ ಕಭಿ ದಿವಾಲಿ', 'ಕಿಸೀಕಿ ಭಾಯ್, ಕಿಸೀಕಿ ಜಾನ್' ಸಿನಿಮಾದ ಚಿತ್ರೀಕರಣ ಆರಂಭವಾಗಿದೆ. 'ಭಜರಂಗಿ ಭಾಯಿಜಾನ್ 2' ಸಿನಿಮಾ ಕೆಲವೇ ತಿಂಗಳಲ್ಲಿ ಆರಂಭವಾಗಲಿದೆ. ಇನ್ನೂ ಕೆಲವು ಸಿನಿಮಾಗಳಿಗೆ ಸಲ್ಮಾನ್ ಖಾನ್ ಒಪ್ಪಿಗೆ ನೀಡಿದ್ದಾರೆ.