ಮುಖಪುಟ

Telugu

ತೆಲುಗಿನ ಖ್ಯಾತ ನಟ ಜೂ.ಎನ್‌ಟಿಆರ್ ಪರವಾಗಿ ನಟನ ಅಭಿಮಾನಿಯೊಬ್ಬ ಸರ್ಕಾರಕ್ಕೆ ದಂಡ ಪಾವತಿಸಿರುವ ಘಟನೆ ನಡೆದಿದೆ. ದಂಡ ಪಾವತಿಸಿದ ಜೂ.ಎನ್‌ಟಿಆರ್ ಅಭಿಮಾನಿ ಬೇಡಿಕೆಯೊಂದನ್ನು ಸಹ ನಟನ ಮುಂದಿಟ್ಟಿದ್ದಾನೆ.

ಇತ್ತೀಚೆಗೆ ನಟ ಜೂ.ಎನ್‌ಟಿಆರ್ ಕಾರು ಚಲಾಯಿಸುವ ಸಮಯದಲ್ಲಿ ಸಂಚಾರಿ ನಿಯಮ ಉಲ್ಲಂಘಿಸಿದ್ದರು. ತೆಲಂಗಾಣ ಪೊಲೀಸರು ಜೂ.ಎನ್‌ಟಿಆರ್ ಗೆ ದಂಡ ವಿಧಿಸಿ ಚಲನ್ ತೆಗೆದಿದ್ದರು.

ಈ ವಿಷಯ ತಿಳಿದ ಜೂ.ಎನ್‌ಟಿಆರ್ ಅಭಿಮಾನಿಯೊಬ್ಬ ಕೂಡಲೇ ಜೂ.ಎನ್‌ಟಿಆರ್ ಗೆ ವಿಧಿಸಲಾಗಿದ್ದ 1300 ರು. ದಂಡ ಪಾವತಿಸಿದ್ದಾನೆ. ತಾನು ದಂಡ ಪಾವತಿಸಿರುವ ಬಗ್ಗೆ ಚಲನ್ ಸಮೇತ ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್ ಮಾಡಿದ್ದಾನೆ ಅಭಿಮಾನಿ.

ದಂಡ ಪಾವತಿಸಿರುವ ಬದಲಾಗಿ ಜೂ.ಎನ್‌ಟಿಆರ್ ಇಂದ ಆರ್‌ಆರ್‌ಆರ್ ಸಿನಿಮಾದ ಮೊದಲ ದಿನದ ಮೊದಲ ಶೋ ನ ಟಿಕೆಟ್ ಗಾಗಿ ಬೇಡಿಕೆ ಇಟ್ಟಿದ್ದಾನೆ ಆ ಅಭಿಮಾನಿ. ಇದಕ್ಕೆ ನಟನ ಕಡೆಯಿಂದ ಅಥವಾ ಚಿತ್ರತಂಡದ ಕಡೆಯಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.

ಆದರೆ ಅಭಿಮಾನಿಯ ಸೋಷಿಯಲ್ ಮೀಡಿಯೋ ಪೋಸ್ಟ್ ಸಾಕಷ್ಟು ವೈರಲ್ ಆಗಿದೆ. ಜೂ.ಎನ್‌ಟಿಆರ್ ತಮ್ಮ ಅಭಿಮಾನಿಗೆ ಟಿಕೆಟ್ ಕೊಡಿಸಬೇಕು ಎಂದು ಹಲವರು ಒತ್ತಾಯ ಮಾಡಿದ್ದಾರೆ.