ತೆಲುಗಿನಲ್ಲಿ ಮಿಂಚುತ್ತಿರುವ ಕನ್ನಡತಿ ಕೃತಿ ಶೆಟ್ಟಿ: ಮುಂದಿದೆ ಅವಕಾಶಗಳ ಮೂಟೆ

ಮಂಗಳೂರಿನ ಚೆಲುವೆ ಕೃತಿ ಶೆಟ್ಟಿ

ನಟಿ ಕೃತಿ ಶೆಟ್ಟಿ ಮಂಗಳೂರಿನಲ್ಲಿ ಜನಿಸಿದರು ಬೆಳೆದಿದ್ದು ಮುಂಬೈ ನಲ್ಲಿ. ಹಲವು ಜಾಹೀರಾತುಗಳಲ್ಲಿ ನಟಿಸಿರುವ ಈ ನಟಿಗೆ 'ಉಪ್ಪೆನ' ಮೂಲಕ ಮೊದಲ ಬಾರಿಗೆ ಸಿನಿಮಾದಲ್ಲಿ ನಟಿಸುವ ಅವಕಾಶ ಒದಗಿಬಂತು. ಹೀಗೆ ಬಂದ ಅವಕಾಶವನ್ನು ಎರಡೂ ಕೈಯಲ್ಲಿ ಬಾಚಿಕೊಂಡ ಕೃತಿ, ತಮ್ಮ ಪ್ರತಿಭಾ ಪ್ರದರ್ಶನ ಮಾಡಿ ಎಲ್ಲರ ಗಮನ ಸೆಳೆದಿದ್ದಾರೆ.

ವೈಷ್ಣವ್ ತೇಜ್‌ಗೂ ಇದು ಮೊದಲ ಸಿನಿಮಾ

'ಉಪ್ಪೆನ' ಸಿನಿಮಾದಲ್ಲಿ ಮೆಗಾಸ್ಟಾರ್ ಕುಟುಂಬದ ಕುಡಿಯಾಗಿರುವ ವೈಷ್ಣವ್ ತೇಜ್ ಜೊತೆ ತೆರೆ ಹಂಚಿಕೊಂಡಿದ್ದಾರೆ ಕೃತಿ. ಸಿನಿಮಾವನ್ನು ನಿರ್ಮಾಣ ಮಾಡಿರುವುದು ಪ್ರತಿಷ್ಠಿತ ಮೈತ್ರೀ ಮೂವೀಸ್. ನಟ ವೈಷ್ಣವ್ ತೇಜ್ ಗೂ ಸಹ ಇದು ಮೊದಲ ಸಿನಿಮಾ.

ಕೃತಿ ಶೆಟ್ಟಿಗೆ ಇನ್ನೂ 17 ವರ್ಷ ವಯಸ್ಸು

ಕೇವಲ 17 ವರ್ಷ ವಯಸ್ಸಿನ ಕೃತಿ ಶೆಟ್ಟಿಗೆ ಈಗ ಅವಕಾಶಗಳ ಮೇಲೆ ಅವಕಾಶಗಳು ಅರಸಿ ಬರುತ್ತಿವೆ. ಇದೀಗ ಶ್ಯಾಮ್ ಸಿಂಗ್ ರಾಯ್ ಸಿನಿಮಾದಲ್ಲಿ ಪಾತ್ರವೊಂದನ್ನು ಮಾಡುತ್ತಿದ್ದಾರೆ ಕೃತಿ. ಇದಾದ ಬಳಿಕ ಸುಧೀರ್ ಬಾಬು ನಾಯಕರಾಗಿರುವ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಒಮ್ಮೆಲೆ ಸಂಭಾವನೆ ಏರಿಸಿಕೊಂಡಿರುವ ಕೃತಿ ಈಗ ಸಿನಿಮಾವೊಂದಕ್ಕೆ 85 ಲಕ್ಷ ಡಿಮಾಂಡ್ ಮಾಡುತ್ತಿದ್ದಾರಂತೆ.

ಮೊದಲ ಬಾರಿಗೆ ಪೊಗರು ಚಿತ್ರದ ಬಜೆಟ್ ಬಗ್ಗೆ ಮಾತನಾಡಿದ್ರು ಧ್ರುವ ಸರ್ಜಾ | Pogaru | DhruvaSarja PressMeet

ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆ ಆಗುತ್ತಿದೆ 'ಉಪ್ಪೆನ'

'ಉಪ್ಪೆನ' ಸಿನಿಮಾ ಒಂದು ಸುಂದರ ಪ್ರೇಮಕತೆಯಾಗಿದ್ದು. ನಾಯಕ, ನಾಯಕಿ ಹಾಗೂ ನಿರ್ದೇಶಕ ಮೂವರಿಗೂ ಉಪ್ಪೆನ ಮೊದಲ ಸಿನಿಮಾ. ಸಿನಿಮಾವು ಏಪ್ರಿಲ್ ತಿಂಗಳಿನಲ್ಲಿ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆ ಆಗಲಿದೆ. ಚಿತ್ರಮಂದಿರಗಳಲ್ಲಿ ಕೆಲವು ದಿನಗಳ ಹಿಂದೆ ಬಿಡುಗಡೆ ಆಗಿರುವ ಈ ಸಿನಿಮಾ ಸೂಪರ್ ಹಿಟ್ ಎನಿಸಿಕೊಂಡಿದೆ.