'ಉಪ್ಪೇನಾ' ನಟಿ ಕೃತಿ ಶೆಟ್ಟಿಯ ಎರಡನೇ ಸಿನಿಮಾ ಆರಂಭ

ಜುಲೈ 12 ರಿಂದ ಶೂಟಿಂಗ್

ಶ್ರೀನಿವಾಸ್ ಚಿತ್ತುರಿ ಈ ಸಿನಿಮಾಗೆ ಬಂಡವಾಳ ಹಾಕುತ್ತಿದ್ದು, ಜುಲೈ 12ರಿಂದ ಶೂಟಿಂಗ್ ಆರಂಭವಾಗಲಿದೆ ಎಂಬ ಮಾಹಿತಿ ಇದೆ. ಅದಕ್ಕೂ ಮುಂಚೆ ಜುಲೈ 7 ರಂದು ಅಧಿಕೃತವಾಗಿ ಸಿನಿಮಾ ಕುರಿತು ಘೋಷಣೆ ಮಾಡಲಾಗಿದೆ. ನಿರ್ದೇಶಕ ಲಿಂಗಸ್ವಾಮಿ, ನಟ ರಾಮ್, ನಟಿ ಕೃತಿ ಹಾಗೂ ನಿರ್ಮಾಪಕರು ಭೇಟಿ ಮಾಡಿ ಸಿನಿಮಾಗೆ ಚಾಲನೆ ಕೊಟ್ಟಿದ್ದಾರೆ.

ಎರಡು ಭಾಷೆಯಲ್ಲಿ ಸಿನಿಮಾ

ತೆಲುಗು ಮತ್ತು ತಮಿಳಿನಲ್ಲಿ ಈ ಸಿನಿಮಾ ತಯಾರಾಗಲಿದ್ದು, ಸದ್ಯಕ್ಕೆ ಚಿತ್ರದ ಹೆಸರು ಬಹಿರಂಗವಾಗಿಲ್ಲ. ಇನ್ನುಳಿದಂತೆ ಕೃತಿ ಶೆಟ್ಟಿ ನಾಯಕಿ ಎನ್ನುವುದು ಮಾತ್ರ ಹೊರಬಿದ್ದಿದ್ದು, ಉಳಿದ ಕಲಾವಿದರ ಬಗ್ಗೆ ಶೀಘ್ರದಲ್ಲೇ ಮಾಹಿತಿ ನೀಡಲಿದ್ದಾರೆ.

ಲಿಂಗಸ್ವಾಮಿ ಕುರಿತು

ನಿರ್ದೇಶಕ ಲಿಂಗಸ್ವಾಮಿ ಕುರಿತು ಹೇಳುವುದಾದರೆ 2001ರಲ್ಲಿ ಆನಂದಂ ಎಂಬ ಸಿನಿಮಾ ಮೂಲಕ ಡೈರೆಕ್ಷನ್ ಶುರು ಮಾಡಿದರು. ನಂತರ ರನ್, ಜಿ, ಸಂಡೈಕೋಳಿ, ಭೀಮ, ಪೈಯಾ, ವೇಟೈ, ಅಂಜನ್, ಸಂಡೈಕೋಳಿ 2 ಸಿನಿಮಾಗಳನ್ನು ನಿರ್ದೇಶಿಸಿದ್ದರು.

Recommended Video

ಅಂತರಾಷ್ಟ್ರೀಯ ಮಟ್ಟದಲ್ಲಿ ಶ್ರೇಷ್ಟ ನಟಿಯಾದ ಹರಿಪ್ರಿಯಾ | Filmibeat Kannada

ಕೃತಿ ಶೆಟ್ಟಿ ಮುಂದಿನ ಸಿನಿಮಾಗಳು

ರಾಮ್ ಪೊಥಿನೆನಿ ಜೊತೆಗಿನ ಸಿನಿಮಾ ಬಿಟ್ಟು ಇನ್ನು ಎರಡು ಪ್ರಾಜೆಕ್ಟ್‌ಗಳಲ್ಲಿ ಕೃತಿ ನಟಿಸುತ್ತಿದ್ದಾರೆ. ನಾನಿ ಜೊತೆ ಒಂದು ಸಿನಿಮಾ, ಸುಧೀರ್ ಬಾಬು ಜೊತೆ ಮತ್ತೊಂದು ಸಿನಿಮಾ. ಸದ್ಯಕ್ಕೆ ಮೂರು ಚಿತ್ರಗಳಿಗೆ ಮಾತ್ರ ಸಹಿ ಮಾಡಿದ್ದೇನೆ ಸ್ವತಃ ಕೃತಿ ಪೋಸ್ಟ್ ಹಾಕಿದ್ದರು.