ಮಹೇಶ್‌ ಬಾಬುವನ್ನು ಸ್ಟಾರ್‌ನಿಂದ ಸೂಪರ್ ಸ್ಟಾರ್ ಮಾಡಿದ ಸಿನಿಮಾಕ್ಕೆ 18 ವರ್ಷ

Published: Saturday, January 16, 2021, 18:45 [IST]

ಸ್ಟಾರ್ ನಟ ಆಗಿದ್ದ ಮಹೇಶ್ ಬಾಬು ಅನ್ನು ಸೂಪರ್ ಸ್ಟಾರ್ ಅನ್ನಾಗಿ ಮಾಡಿದ ಭಾರಿ ದೊಡ್ಡ ಸಂಖ್ಯೆಯ ಅಭಿಮಾನಿಗಳನ್ನು ಮಹೇಶ್ ಬಾಬು ಗೆ ಉಡುಗೊರೆಯಾಗಿ ಕೊಟ್ಟ ಸಿನಿಮಾ 'ಒಕ್ಕಡು' ಬಿಡುಗಡೆ ಆಗಿ ನಿನ್ನೆಗೆ 18 ವರ್ಷ.

ಹೌದು, ತೆಲುಗು 'ಕಲ್ಟ್ ಸಿನಿಮಾ'ಗಳಲ್ಲಿ ಒಂದು ಎನಿಸಿಕೊಂಡಿರುವ 'ಒಕ್ಕಡು' ಸಿನಿಮಾ ಬರೋಬ್ಬರಿ 18 ವರ್ಷದ ಹಿಂದೆ ಜನವರಿ 15, 2003 ರಂದು ಬಿಡುಗಡೆ ಆಗಿತ್ತು. ಸಂಕ್ರಾಂತಿ ಹಬ್ಬಕ್ಕೆ ಬಿಡುಗಡೆ ಆದ ಈ ಸಿನಿಮಾ ತೆಲುಗು ಸಿನಿಮಾ ರಂಗದಲ್ಲಿ ಇತಿಹಾಸ ಸೃಷ್ಟಿಸಿತು.

ಆ ವರೆಗೆ 'ರಾಜಕುಮಾರುಡು', 'ಯುವರಾಜ', 'ಮುರಾರಿ' ಅಂಥವಾ ಕೌಟುಂಬಿಕ ಕತೆಗಳ ಮೂಲಕ ಮಾತ್ರವೇ ಹಿಟ್ ನೋಡಿದ್ದ ಮಹೇಶ್ ಬಾಬು ಗೆ ಮಾಸ್ ಇಮೇಜು ಕೊಟ್ಟ ಜೊತೆಗೆ ದೊಡ್ಡ ಸಂಖ್ಯೆಯ ಮಾಸ್ ಅಭಿಮಾನಿಗಳನ್ನು ಹುಟ್ಟುಹಾಕಿದ ಸಿನಿಮಾ 'ಒಕ್ಕಡು'.

ಫ್ಲಾಪ್ ಸಿನಿಮಾ ನೀಡಿದ್ದ ಗುಣಶೇಖರ್

ಚಿರಂಜೀವಿ ನಾಯಕರಾಗಿದ್ದ 'ಮೃಗರಾಜು' ಸಿನಿಮಾ ನಿರ್ದೇಶಿಸಿ ಕೈಸುಟ್ಟುಕೊಂಡಿದ್ದ ಗುಣಶೇಖರ್ ದೊಡ್ಡ ಹಿಟ್‌ ಗಾಗಿ ಹುಡುಕುತ್ತಿದ್ದಾಗ. ಕೆಲವು ನಿರ್ಮಾಪಕರು ಬೇಡವೆಂದಿದ್ದ ಕತೆ 'ಒಕ್ಕಡು' ಅನ್ನು ತಾವು ಸಿನಿಮಾ ಮಾಡುವುದಾಗಿ ಒಪ್ಪಿಕೊಂಡವರು ನಿರ್ಮಾಪಕ ಎಂ.ಎಸ್.ರಾಜು.

ಅದ್ಭುತವಾಗಿ ನಟಿಸಿದ್ದ ಪ್ರಕಾಶ್ ರೈ

ಸಿನಿಮಾದಲ್ಲಿ ನಟ ಮಹೇಶ್ ಬಾಬು, ನಟಿ ಭೂಮಿಕಾ ಅಷ್ಟೇ ಗಮನ ಸೆಳೆದಿದ್ದು ಖಳನಾಯಕ ಪಾತ್ರಧಾರಿ ಪ್ರಕಾಶ್ ರೈ. ಭಿನ್ನ ರೀತಿಯ ಫೈಟ್‌ ಮಾಡುವಲ್ಲಿ ಹೆಸರುವಾಸಿಯಾದ, ಬಹು ಕೋಪಿಷ್ಟ ಹಠದ ಸ್ವಭಾವದ ವ್ಯಕ್ತಿಯಾಗಿ ಪ್ರಕಾಶ್ ರೈ ಸಿನಿಮಾವನ್ನು ಆವರಿಸಿಕೊಂಡಿದ್ದಾರೆ.

ದೊಡ್ಡ ಚಾರ್ಮಿನಾರ್ ಸೆಟ್ ಹಾಕಲಾಗಿತ್ತು

ಸಿನಿಮಾಕ್ಕಾಗಿ ದೊಡ್ಡ ಚಾರ್ಮಿನಾರ್ ಸೆಟ್‌ ಅನ್ನೇ ಹಾಕಲಾಗಿತ್ತು. ಗಾತ್ರದಲ್ಲಿ ಹೆಚ್ಚು-ಕಡಿಮೆ ನಿಜವಾದ ಚಾರ್ಮಿನಾರ್‌ಗೆ ಸಮಾನವಾಗಿತ್ತು ಸಿನಿಮಾಕ್ಕಾಗಿ ಹಾಕಿದ್ದ ಸೆಟ್‌. ಈ ಸೆಟ್ ಒಂದಕ್ಕಾಗಿಯೇ ಹಲವಾರು ಕೋಟಿ ಖರ್ಚು ಮಾಡಿದ್ದರು ನಿರ್ಮಾಪರು.

ಎಲ್ಲಾ ಹಾಡುಗಳು ಸೂಪರ್ ಹಿಟ್

ಸಿನಿಮಾದ ಮತ್ತೊಂದು ಪ್ರಮುಖ ಅಂಶ ಸಂಗೀತ. ಆಗ ತೆಲುಗು ಸಿನಿಮಾದ ನಂಬರ್ 1 ಸಂಗೀತ ನಿರ್ದೇಶಕರಾಗಿದ್ದ ಮಣಿಶರ್ಮಾ ಈ ಸಿನಿಮಾಕ್ಕೆ ಸಂಗೀತ ನೀಡಿದ್ದರು. ಸಿನಿಮಾದ ಹಾಡುಗಳು ಬಹಳ ಭಿನ್ನವಾಗಿದ್ದವು. ಅಷ್ಟೇ ಅಲ್ಲ ಹಾಡುಗಳನ್ನು ಚಿತ್ರೀಕರಿಸಿದ ರೀತಿಯು ಸಖತ್ ಭಿನ್ನವಾಗಿತ್ತು. ಒಟ್ಟಾರೆ ಎಲ್ಲವೂ ಸೇರಿ ಸಿನಿಮಾವನ್ನು ಸೂಪರ್-ಡೂಪರ್ ಹಿಟ್ ಮಾಡಿತು.