ಸಿನಿಮಾ ರಂಗಕ್ಕೆ ಮಾಸ್ಟರ್ ಆನಂದ್ ಮಗಳು ವಂಶಿಕಾ ಎಂಟ್ರಿ!

ವಂಶಿಕಾಗೆ ಸಿಕ್ಕಾ ಪಟ್ಟೆ ಡಿಮ್ಯಾಂಡು!

ಯಾವುದೇ ಕಾರ್ಯಕ್ರಮದಲ್ಲಿ ವಂಶಿಕಾ ಬರ್ತಾಳೆ ಅಂದರೆ ಸಾಕು, ಅವಳ ತುಂಟಾಟವನ್ನು ನೋಡಲು ಜನರು ಕಾಯುತ್ತಿರುತ್ತಾರೆ. ಈ ಪುಟ್ಟ ವಯಸ್ಸಿಗೆ ವಂಶಿಕಾಗೆ ಆಗಾಧವಾದ ಕಲೆ, ಪ್ರತಿಭೆ ಎಲ್ಲವೂ ಇದೆ. ಇದು ಪದೇ ಪದೇ ಸಾಬೀತು ಆಗುತ್ತಲೇ ಇದೆ. ಈಗ ವಂಶಿಕ ಕಿರುತೆರೆಯಿಂದ ಹಿರಿತೆರೆಗೆ ಎಂಟ್ರಿ ಕೊಟ್ಟಿದ್ದಾಳೆ. ಇನ್ನು ಮುಂದೆ ವಂಶಿಕಾ ಸಿನಿಮಾಗಳ ಮೂಲಕವೂ ಬಣ್ಣ ಹಚ್ಚಲಿದ್ದಾಳೆ.

ನಮ್ಮಮ್ಮ ಸೂಪರ್‌ ಸ್ಟಾರ್ ವಂಶಿಕಾ ಹವಾ!

ನಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮದ ಮೂಲಕ ವಂಶಿಕಾ ಮೊದಲ ಬಾರಿಗೆ ಕಿರುತೆರೆಯ ರಿಯಾಲಿಟಿ ಶೋನಲ್ಲಿ ಭಾಗಿಯಾದಳು. ಈ ಕಾರ್ಯಕ್ರಮದಲ್ಲಿ ವಂಶಿಕಾ ತುಂಟಾಟಕ್ಕೆ ಪ್ರತಿಯೊಬ್ಬರು ಮನಸೋತಿದ್ದಾರೆ. ಅಲ್ಲಿಂದ ಶುರುವಾದ ವಂಶಿಕಾ ಕಿರುತೆರೆ ಜರ್ನಿ ಹಲವು ಕಾರ್ಯಕ್ರಮಗಳಲ್ಲಿ ಹಾಗೆಯೇ ಮುಂದುವರೆದಿದೆ. ಮಕ್ಕಳಿಗಾಗಿ ಮಾಡುವ ರಿಯಾಲಿಟಿ ಶೋ ಮಾತ್ರವಲ್ಲ ದೊಡ್ಡವರ ರಿಯಾಲಿಟಿ ಶೋನಲ್ಲಿ ವಿಶೇಷವಾಗಿದೆ. ಹಾಗಾಗಿಯೇ ಈಗಲೂ ಕೂಡ ವಂಶಿಕಾ ಒಂದಾದ ಬಳಿಕ ಒಂದು ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಳ್ಳುತ್ತಲೇ ಇದ್ದಾಳೆ ಹಾಗೆಯೇ ವಂಶಿಕಾ ಇರುವ ಕಾರ್ಯಕ್ರಮವೆಂದರೆ ಪ್ರೇಕ್ಷಕರಿಗೂ ಕೂಡ ಬಹಳ ಅಚ್ಚುಮೆಚ್ಚು.

'ಲವ್ ಲಿ' ಚಿತ್ರದಲ್ಲಿ ವಂಶಿಕ!

ಇದೀಗ ವಂಶಿಕಾ ಸಿನಿಮಾಗಳಲ್ಲಿ ಕೂಡ ನಟಿಸೋಕೆ ಶುರು ಮಾಡಿಬಿಟ್ಟಿದ್ದಾಳೆ. ಇದು ವಂಶಿಕಾಳನ್ನು ಇಷ್ಟ ಪಡುವವರಿಗೆ ಖುಷಿಯ ವಿಚಾರ. ಇನ್ನು ಮುಂದೆ ಬಾಲನಟಿಯಾಗಿ ವಂಶಿಕ ಕನ್ನಡ ಸಿನಿಮಾಗಳಲ್ಲಿ ಅಭಿನಯಿಸಲಿದ್ದಾಳೆ. ವಂಶಿಕಾ ನಡನೆಯ ಮೊದಲ ಸಿನಿಮಾ 'ಲವ್ ಲಿ'. ನಟ ವಸಿಷ್ಠ ಸಿಂಹ ಅಭಿನಯದ ಈ ಚಿತ್ರದಲ್ಲಿ ವಂಶಿಕ ವಿಶೇಷ ಪಾತ್ರದಲ್ಲಿ ನಟಿಸುತ್ತಿದ್ದಾರೆ ಗಣೇಶ ಹಬ್ಬದ ಪ್ರಯುಕ್ತ ವಂಶಿಕ ಫಸ್ಟ್ ಲುಕ್ ಪೋಸ್ಟರ್ ಕೂಡ ರಿಲೀಸ್ ಆಗಿದೆ. ಹಾಗಾಗಿ ಇನ್ನು ಮುಂದೆ ಕಿರುತೆರೆಯಲ್ಲಿ ಮಾತ್ರವಲ್ಲ ವಂಶಿಕಾಗಳನ್ನು ದೊಡ್ಡ ಪರದೆಯ ಮೇಲೆ ನೋಡಬಹುದು.

ಪುಟ್ಟ ವಯಸ್ಸಿಗೆ ಬೆಟ್ಟದಷ್ಟು ಪ್ರತಿಭೆ!

ಇನ್ನು ವಂಶಿಕ ಕೇವಲ ಕಿರುತೆರೆ ಹಿರಿತೆರೆಯಲ್ಲಿ ಮಾತ್ರವಲ್ಲ, ಸೋಶಿಯಲ್ ಮೀಡಿಯಾದಲ್ಲಿ ಕೂಡ ಸಿಕ್ಕಾಪಟ್ಟೆ ಆಕ್ಟಿವ್. ಸೋಶಿಯಲ್ ಮೀಡಿಯಾದಲ್ಲಿ ಸದಾ ಆಕ್ಟಿವ್ ಆಗಿರುತ್ತಾಳೆ. ಹಲವು ವಿಡಿಯೋಗಳನ್ನು ಮಾಡುತ್ತಾ ಜನರನ್ನು ನಕ್ಕು ನಗಿಸುತ್ತಾಳೆ. ಯಾವ ನಟ, ನಟಿಗೂ ಕಡಿಮೆ ಇಲ್ಲದಷ್ಟು ಕ್ರೇಜ್ ವಂಶಿಕಾಗೆ ಇದೆ. ಈ ಪುಟ್ಟ ಪೋರಿಯ ಪ್ರತಿಭೆಯನ್ನು ಜನ ಮಸಾರೆ ಒಪ್ಪಿದ್ದಾರೆ.