ಸಮಂತಾಗೆ ವಿಚ್ಛೇದನ ನೀಡಿದ ಬಳಿಕ ನಾಗಚೈತನ್ಯ ಭವಿಷ್ಯ ಹೇಗಿದೆ? 'ಬಂಗಾರ್‌ರಾಜು' ಸಿನಿಮಾ ಕಲೆಕ್ಷನ್ ಎಷ್ಟು?

ಡಿವೋರ್ಸ್ ಬಳಿಕ ನಾಗಚೈತನ್ಯ ಮೊದಲ ಸಿನಿಮಾ

ನಾಗಚೈತನ್ಯ ಹಾಗೂ ಸಮಂತಾ ಕಳೆದ ವರ್ಷ ಅಕ್ಟೋಬರ್ ಮೊದಲ ವಾರದಲ್ಲಿ ಬೇರೆಯಾಗುತ್ತಿರುವುದಾಗಿ ಘೋಷಸಿದ್ದರು. ಅಲ್ಲಿಂದ ಸುಮಾರು ಮೂರೂವರೆ ತಿಂಗಳ ಬಳಿಕ ಸಿನಿಮಾವೊಂದು ತೆರೆಕಂಡಿದೆ. ಅದುವೇ 'ಬಂಗಾರ್‌ರಾಜು'. ನಾಗಚೈತನ್ಯ ಅಪ್ಪ ನಾಗಾರ್ಜುನ ಜೊತೆ ನಟಿಸಿದ ಈ ಸಿನಿಮಾ ಬಿಡುಗಡೆಗೂ ಮುನ್ನ ಹೆಚ್ಚು ಸದ್ದು ಮಾಡಿರಲಿಲ್ಲ. ಅದ್ಯಾವಾಗ, RRR, ರಾಧೆಶ್ಯಾಮ್ ಸಿನಿಮಾಗಳು ಹಿಂದೆ ಸರಿದವೋ ಆಗಲೇ 'ಬಂಗಾರ್‌ರಾಜು' ಥಿಯೇಟರ್‌ಗೆ ಎಂಟ್ರಿ ಕೊಡುವುದಕ್ಕೆ ಮುಂದಾಗಿತ್ತು. ಅಂದ ಹಾಗೆ ಈ ಚಿತ್ರ ನಾಗಚೈತನ್ಯ ವಿಚ್ಛೇದನದ ಬಳಿಕ ತೆರೆಕಾಣುತ್ತಿರುವ ಚಿತ್ರ. ಹೀಗಾಗಿ ಸಿನಿಪ್ರಿಯರ ಪ್ರತಿಕ್ರಿಯೆ ಬಗ್ಗೆ ಎಲ್ಲರಿಗೂ ಕುತೂಹಲವಿತ್ತು.

2 ದಿನದಲ್ಲಿ 36 ಕೋಟಿ ಗಳಿಸಿದ 'ಬಂಗಾರ್‌ರಾಜು'

ನಾಗಚೈತನ್ಯ ಹಾಗೂ ನಾಗಾರ್ಜುನಾ ಇಬ್ಬರು 'ಬಂಗಾರ್‌ರಾಜು' ಸಿನಿಮಾದ ಹೈಲೈಟ್. ಅಪ್ಪ-ಮಗನ ಜುಗಲ್‌ಬಂದಿಯನ್ನು ಪ್ರೇಕ್ಷಕರು ಇಷ್ಟ ಪಟ್ಟಿದ್ದಾರೆ. ಚಿತ್ರತಂಡವೇ ಬಿಡುಗಡೆ ಮಾಡಿರುವ ಲೆಕ್ಕದ ಪ್ರಕಾರ, 'ಬಂಗಾರ್‌ರಾಜು' ಮೊದಲ ದಿನದ ಗಳಿಕೆ 17.5 ಕೋಟಿ ಗಳಿಕೆ ಕಂಡಿದೆ. ಎರಡನೇ ದಿನವೂ 18.5 ಕೋಟಿ ಗಳಿಸಿದ್ದು, ಒಟ್ಟು ಎರಡು ದಿನಗಳ ಗಳಿಕೆ 36 ಕೋಟಿ ಗಳಿಕೆ ಕಂಡಿದೆ ಎನ್ನಲಾಗಿದೆ. ಟಾಲಿವುಡ್ ಪ್ರಕಾರ ಈ ಚಿತ್ರ ಸಂಕ್ರಾಂತಿ ಬ್ಲಾಕ್‌ಬ್ಲಾಸ್ಟರ್.

ಬಾಕ್ಸಾಫೀಸ್‌ನಲ್ಲಿ ಧೂಳೆಬ್ಬಿಸಿದ 'ಬಂಗಾರ್‌ರಾಜು'

'ಬಂಗಾರ್‌ರಾಜು' ಬಾಕ್ಸಾಫೀಸ್‌ನಲ್ಲಿ ಇಷ್ಟೊಂದು ಹಣ ಗಳಿಸುತ್ತೆ ಎನ್ನುವ ಕಲ್ಪನೆ ಇರಲಿಲ್ಲ. ಸಮಂತಾಗೆ ವಿಚ್ಛೇದನ ನೀಡಿದ ಬಳಿಕ ಫೀಮೇಲ್ ಆಡಿಯನ್ಸ್ ನಾಗಚೈತನ್ಯ ವಿರುದ್ಧ ಇದ್ದರು. ಇನ್ನೊಂದು ಕಡೆ ಚಿತ್ರಮಂದಿರದ ಟಿಕೆಟ್ ದರ ಕಡಿತಗೊಳಿಸಲಾಗಿತ್ತು. ಆದರೆ, ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಹೆಚ್ಚು ಶೋಗಳನ್ನು ಪ್ರದರ್ಶನ ಮಾಡಲು ಅನುಮತಿ ನೀಡಲಾಗಿತ್ತು. ಅಬ್ಬರ ಪ್ರಚಾರವಿಲ್ಲದೆ ಸಿನಿಮಾ ರಿಲೀಸ್ ಮಾಡಬೇಕಾಗಿತ್ತು. ಹೀಗಾಗಿ ಗಲ್ಲಾಪೆಟ್ಟಿಗೆಯಲ್ಲಿ ಪಲ್ಟಿ ಹೊಡೆಯುತ್ತೆ ಎನ್ನುವ ಮಾತು ಕೇಳಿಬಂದಿತ್ತು.

'ಲವ್ ಸ್ಟೋರಿ' ಬಾಕ್ಸಾಫೀಸ್‌ ಸಕ್ಸಸ್

ಸಮಂತಾ ಹಾಗೂ ನಾಗಚೈತನ್ಯ ವಿಚ್ಛೇದನದ ಘೋಷಣೆ ಮಾಡುವ ಕೆಲವೇ ದಿನಗಳ ಮುನ್ನ 'ಲವ್‌ಸ್ಟೋರಿ' ರಿಲೀಸ್ ಆಗಿತ್ತು. ನಾಗಚೈತನ್ಯ ಹಾಗೂ ಸಾಯಿಪಲ್ಲವಿ ಈ ಸಿನಿಮಾದಲ್ಲಿ ನಟಿಸಿದ್ದರು. ಸೆಪ್ಟೆಂಬರ್ 24, 2021ರಲ್ಲಿ ತೆರೆಕಂಡಿದ್ದ ಈ ಸಿನಿಮಾ ಸೂಪರ್‌ ಹಿಟ್ ಆಗಿತ್ತು. 30 ಕೋಟಿ ವೆಚ್ಚದ 'ಲವ್‌ ಸ್ಟೋರಿ' ಬಾಕ್ಸಾಫೀಸ್‌ನಲ್ಲಿ 128 ಕೋಟಿ ಕಲೆ ಹಾಕಿತ್ತು. ಈಗ 'ಬಂಗಾರ್‌ರಾಜು' ಅಪ್ಪ-ಮಗನ ಕಾಂಬಿನೇಷನ್ ಆಗಿರುವುದರಿಂದ ಬಾಕ್ಸಾಫೀಸ್ ಚಿಂದಿ ಉಡಾಯಿಸುತ್ತೆ ಎಂದು ನಂಬಲಾಗಿದೆ.